معقول

شو اللي صاير فيكي يا إم عمر,, وليه هيك حالتك
معقول منشان لقيتي خوان غير إخوانك اللي إسمهم بشبه إسمك ف الهويه
وإلا مشان اخوكي الكبير ما بيعرف إسم إبنك,, وأكاد أقسم إنه بيعرفش إنك خلفتي
وإلا مشان رح تدخلي بالسنه الثالثه وإنتي ما شفتيهم ولا سمعتي عنهم خبر,, ولا كلفو خاطرهم لا بعيد ولا بجمعه يزوروكي
او يرفعو تلفون أو يبعتو مسج يتطمنو عليكي
زعلانه عشان جمال و وليد مخاصمين ابوكي من اكتر من سنتين,, وإنه والدك - أطال الله بقاءه - صار عمره 68 سنه وهوه بيشتغل
لحد الأن,, وبيصحى من صلاه الفجر لصلاه العشا وهوه واقف ع رجليه ف المطعم
وإخوانك الكبار مش حاسسين إنه مريض وماكل روح الخل

وإلا مشان لو شفتي ولد من ولادهم ف الشارع ما رح تعرفيهم,,,
وإلا حاسه إنه ملكيش حدن وضهر تسندي عليه إزا مال فيكي الزمن
لا مستحيل,, هاد مش موضوع تنكدي عليه

أنا عرفت ليه إم عمر منكده
لإنه مين لونار,, مين شفيق,, مين ليونس,, مين فرتش,, مين نمروده,, مين صوتشو
إلي ما شفاوكي إلا مره,, وفي حالات ما شافوكي بالمره,, ومع هيك عم بتعاملو معك كإنهم اخوانك وأكتر
وبهمهم راحتك و بحاولو يتطمنو عليكي من فتره للثانيه

المواقف التاليه,, هزت فيه الارض,, لجمت لساني,, شلت ادي عن الكتابه ,, حتى معرفتش اشكرهم,,رديت عليهم بردود
with funny way
مشان مش رح اعبر عن اللي جواتي من مشاعر حاساها رح تنفجر ومبيه من عيوني وإحمراهم

موقف ليونس-حوريه,, يعني بعتتلي هديه وماكانت مجبره تسأل ف عموره إبني,,كإنها بتحكيلي عموره متل إبن أختي او متل إبني
وحبيتلك هالهديه,, مع إني لهلأ ما صار مجال اخدها من نمروده
بس لإنه الله كبير,,حب يحسسني إنه في حدن سائل ف إبنك
حوريه حبيتها بدون ما شوفها ,, حتى بنحكيش مع بعض كتير,, بس عم تتصرف و كإنها اختي الكبيره ,, حتى بدون ما إطلب منها

موقف لونار- حكالي جمله,, رجت الأرض فيّه رج,, بحكيلي إم عمر عنّا اكبر من المصاري والهدايا ,, طبعن دمعت عيني بس قرأتها
مع إني ما حسسته بهالشي,, بس هاد اللي صار

موقف شفيق-بمزح معاه ف المدونه,, اخدها بكل جديه وبحكيلي وللووو ,, إم عمر انا اخوكي وأيه شي بتحتاجيه انا بخدمتك

يا الله شو أعمل ف حالي أنا,,, كيف رح ارد جمايل هالعالم إلي
كيف رح احسسهم بإني متشكره لتعاطفهم,, وإنا دايمن قالبه حياتي مزح
ما بيعرفوش إنه مزحي وراه نكد و حزن ودعاوي عليّ كان السبب بحرماني من اخواني الكبار
وبحرماني من اختي ياسمين,,
لا إله إلا الله
ربنا كبير وموجود وعارف مين هيه إم عمر