دعوه عزاء

رح اكتب ف وصيتي ليسته بإسماء اللي ممكن تتذكرني بالشكل عشان اخلي ابو عمر ووالدي يدعوهم ع عزائي
ورح اعمل عروض تشجيعيه للحضور,, وسحوبات هائله ع ارقام الدعوه
ليش لأ,, يحكو مجنونه

إمبارح بستنى ف ابو عمر ت ناخد عمر ونحجزله ف المستشفى للعمليه
اتأخر ابو عمر,, رن جرس الباب,, طلع حماي ع الباب,, وجهه اسود والاوان,, جاي هوه و زوجته
بحكيلي ابو عمر ف الطوارئ اعطيني ورقه تأمين عشان نعمل الاجراءات
اصريت اجي معه,, رحنا ع المستشفى, والحمدلله إنه خاص ,,, وإلا كان متنا ت عملنا دخول
ابو عمر مغمى عليه,, كلكوز و عم بسحبو دم,, حوالي خمس انبولات و وجهه متل الليمونه
حماي طلعني بره لإنه معي عمر ,, ولإنه رح تاخد الفحوصات فتره ت تطلع
اخدت عمر ع الدكتوره ت اخد اشعار الدخول ع المستشفى ورجعت للطوارئ

الحمدلله ,, طلع معه فايروس او تسمم مافي شي خطير,, خلصنا اجراءات الخروج وطلعنا

كل العالم حوليهم اخوتهم و عمامهم واقاربهم إلا إم عمر ع مين بدها ترن
ع والدها اللي يا دوبك ماسك حاله,, وإلا ع اخوتها المحترمين
منظر العالم فتحلي جروحي بسكين ,, وصرت ابكي,, ويلي ابني و ويلي زوجي و ويلي وضعي اللي الله اعلم ف حالتي
حسبي الله ونعم الوكيل بس.

قرفت ريحه المستشفيات و ريحه الدكاتره والمطارده والفحوصات والاشعه
قرفت حالي ,, انا مش رح انهار







انا إنهرت تمااااااااااااااااااااااااااااااااااااااااااااااامن وروحي طلعت ستين مره