واجب الأسرار الشخصيه

معلمتي ويسبر عاملالي تاغ ت اشعبر عن 6 اسرار مابعرفها غيري,,
بالزمنات ليو عملتلي تاغ ومعرفتش اش اكتب عن حالي,, ف ماكتبت

1- اكتر هوايه بعتز فيها عندي هيّه الصيد,, وقربت اكون صياده ماهره,, تدربت ع الخردق لأول سنه, , وهلأ بقدر استخدم الخرطوش ببراعه,, مره إبن حماي تزانخ عليّ برحله صيد,, طخيته بإجره بالخردق

2- كنت مربيه عندي حية " افعى" بالإعداديه,, ومابخاف من الحيوانات لو شو ماكان إسمها,, مستعده اضربها بإيدي كمان,, قتلت كتير حيوانات,, حتى مره الأمانه رشت المنطقه اللي كنا ساكنين فيها وفاعووو الجراذين( العِــرس) ,صارت معركه كبيره وإنقتل ع إيدي اكتر من 5 افراد من المهاجمين.

3- بنحكالي إنه عندي شخصيه قويه,, ومعظم البنات بتمنو يصيروي متلي,, عاد انا بكره هالجزء فيني,, كتير مو شوي ونفسي ارجع بني ادمه عاديه,,
الاسبوع الماضي كانت عندي مقابله,, المدير المالي اللي قابلني,, اخر المقابله حكالي بالحرف الواحد,, لو بعرف إنه هيك شخصيتك كان من زمااااااااااان إستدعيتك,, او كان خفت ع مركزي ومنصبي بهالشركه منك ( بناقض حاله,, بس شكله إرتعب مني )

4- صعبه احط ثقتي بحدن,, ومابعطي اي حدن فرصه ت يفهمني او يعرف شو نفسيتي ..بس ازا حطيتها ف حدن... لو بعيطيني كاسه فيها بنزين,,وبحكيلي إنها عصير تفاح بشربه وبحكيله ازكى كاسه عصير ذقتها بحياتي,,

5- عندي ذاكره ارشيفيه بتخوف,, لدرجه إني متزكره كل اسماء الاطفال اللي كانو معي بالروضه والصفوف التانيه بما إني كنت اتنقل من صف ل صف,, هالحكي بنطبق على الأشخاص و الأماكن وحتى الكلام,,

6- و الأخير... بتهوالي بسرعه,, سواءً ع مشوار او ع طوشه بالشغل,, مديري بشغلي القديم كان المدير العام وصاحب الشركه كمان,, لمى كنت احس إنه غلط فيني,, ماكنت اسكتله بالمره,,
في احدى المرات كنت مضغوطه من الشغل كتير مو شوي,,, وعندي كزا مناقصه بدها شغل اسابيع,, ف شكيت لحدن من شلتي ع النت إنه قرفانه حالي,, حكالي مني ومنك بسكر الجهاز وبروح,, وهاد اللي صار,, طفيت الجهاز من البور,, و نزلت من المكاتب,, كان المدير مداوم في المعرض,, حكتله باااااااااااااااي ع باب المعرض وروحت,, ( مش حدن يستغل هالنقطه)

هلأ بدي أعطي الواجب ل حدن تاني بمون عليه يكتب اصلاتن

في صبيه تعرفت عليها جديد إسمه بقبوقه او ضفضوعه,, بتمنى عاد تقبل وماتكسفني كالعاده :k: