لا،، مش معصبه
بس كرهانه حالي وكثييير كمان..
مش ،، حضرة جنابي المسؤوله عن إصدار الحوالات الماليه الخاصه بالشحنات التابعه ل شركتي,,
و الشركه/الشركات اللي منشتري منها ما بتشحن البضاعه إلا ت تستلم الفلوس أو تستلم صوره عن السوفيت( إشعار التحويل البنكي)
ل هون حلو الموضوع؟؟
الإسبوع الماضي كان عندي مايقارب ال ٧ شحنات،، كله كان ماشي في السليم وعملت كل الإجراءات وماشاء الله عليّ
لحد المعامله السابعه وحسابي ف البنك(الفلاني) ما كان كافي ف إضطريت أحكي مع البنك (العلاني) ،،عشان معيش وقت أسحب وأودع وبلا بلا بلا ،، وأوصيه إنها حواله مستعجله
المهم،، عملتها بنفس اليوم(يوم الثلاثاء الماضي) وبنفس اليوم إستلمت سوفيتات باقي المعاملات من البنك ( الفلاني) ورنيت ع البنك( العلاني) وحكالي ماطلعناها ،، بكره الصبح بتكون ع مكتبك
وبكره الصبح(متل ما طلب)،، رنيت ع المدير ( أه نفسه تاع إسم عدوله) وحكالي إووووووووووبس نسيت أطلعها ،، خلص ولا يهمك ساعه زمن بتكون جاهزه.
وسحب هالحكي،، ع موال رن وإحكي،، وإترك نوتات ، ، ملاحظات،، وبطيخ إمبسمر،، وهوه كل شوي بوعد شكل.
لليوم،، دخلت ع المدير وحكتله أخر مره بتحكيلي حولي من هاد البنك،، رنيت الف مره ع المدير وما أعطاني الصافي وباقي الشحنات صارت طالعه بالجو إلا هاي ،، واقفه عشان جنابه مش مهتملنا ،، وعندي مدة محدده ل تسليم البضاعه ،، أه ما في مخالفات/غرامات هالمره ع التأخير،، بس بضل إنه مش حلوه بحق الشركه تنكسر كلمتها ونتأخر بالتسليم عشان جنابه ( إمهمشنا ) هيك
كالعاده إنبخع المدير،، ورن ع مدير البنك العلاني،، وحكاله هيك ( فضحتنا ) مع إم عمر وهياتها بدها تسحب تعاملنا معك
أبصر شو حكاله ع التلفون وبنفس اللحظه وصلني السويفت ع الإيميل ( إنسو إنه كل مره بترجاه مايبعته ع الفاكس ويبعته ع الإيميل)
وباعتلي كتابةَالنص التالي:
"على الخط الساخن"
فـ أنا عصبت ع هيك طريقه بايخه بالحكي،، وحستها تقليل قيمه رسمي ( بس بشكل مزوق) ورحت ع المدير وأخدت الإزن منه وجاوبته ع نفس الإيميل التالي:
"بـــــــــــــــــــــــــــــــــــــــــدري"
وأأأااه بالفونط العريض،، وأأأاااه كبرت الخط
بعرف إنه كان بإمكاني أتجاهله أو ما أعمل هيك وبجوز حتى تحكو إني غلطت،، ( بس بدون تسرع، ولو إنعاد الموقف بجوز تخنتها أكتر من هيك ) بحبش حدن يستفزني ويتعامل معيّ كإني ( نــَـكـِـره)
**مع أخد العلم بإنه ترتيب شركتي ف مجالنا ( الثاني ) على الإردن
*** الحوالات بتاخد من ٤-٥ أيام عمل ت توصل البنك المستقبل إلا إزا كان البنك المرسل إليه ف امريكا ف بتوصل تقريبن بنفس اليوم
أه،، نرجع للسؤال،، شو إسمها هاي،، بياخه وسقاعه وإلا كييف؟؟
8 comments:
فكرت بس أنا اللي بعمل دعايات لشركات و هيك ..
خخخخخ
-------
خرجه الله لا يردله سفرة!
الجزاء من جنس ال"هبل"
هو عطل الشغل لأنو .... مش فاظي حظرته فبيستاهل الرد اللي بعثتيه :)
feels good, right?
:Pp
هاي اسمها أهمال وفوقيهم بياخه وزناخه
مش عارف هو مع مين وقع....مش عارف الصاعق اللي معك شو بيعمل:)))
ناس بتخاف ما بتختشيش! ما بده يعملها بكرامته
;-)
هاي إسمها "أهلا و سهلا بك في نظام تعامل الشركات الأردنية"، عادي، هاي إللي بأتوقعه بالعادة، لكن إنه هيك بيعملوا مع شركات مثلكم، شايفها مش مناسبة
طبعا انا مش فاهمة هيك
بس برضه هو تماما بيستاهل
v_v
Sho benesbeh la sora? I can't decide if it's scary or cute!!
Rawe2 ya gameel :) bas 7elo elwa7ad yefesh alboh, sa7!! I did the same thing yesterday and felt so good ;)
Sherereen kteer ne7na..lol
هاي اسمها ...جميع ما ذكر اعلاه وما يوجد باللغه يحمل نفس المعنى
هدّي هدّي يا قمر....المهم فشيتي قلبك
في ناس بدهم العين الحمرا لحتى يمشو مزبوط
ربنا يعينك على هالعالم
مرحبا ام عمر :)
لا اظن انه اخطأتي والمحترم هاد لو انه في امريكا لتسببت في طرده من شغله
اما تصرف المتخلف المدير فهو تصرف يدل على عدم المهنيه بس يمكن لانه في الاردن وما في اصلا احترام للمهنيه في الاردن فيمكن انت حاسه حالك اخطأت لو انا منك بسحب فلوسي من بنكه وباحكي للمدير لما تعرف كيف دير بنك مش دكانه رح احط مصاريي عندك:)
بيسموها أنو تهدّي أعصابك يا قمر
(:
بتعرفي ومتل ماعلقت مرة عند كيكي
بحب هيك نوع من البوستات
إنو بقرأ وبتعلم :D
::
هيّ بياخة جذر زناخة تربيـع(((:
Post a Comment