واجب الأحلام

1.من أي عمر بدأت "حالة" أحلام اليقظة؟

بتقدري تحكي من فتره الروضه بالزبط,لمى لقيت إنه " مطرة " المي اللي معي مش حلوه بالنسبه للأولاد الثانين والكل بطقس عليها, ف صرت أحلم بإني رح أشتري مطاره جديده عليها بسس وقلوب حب وميكونش الحكي عليها" يييييي هاي تاعت العمره مش للبنات"

2.متى وعيت/ي إنها هاي أحلام يقظة أو عرفت/ي إنها اسمها هيك؟

مكنش وعي , كان إصطدام بالواقع إنه مش كل شي بترسمه أو بتخططله مفروض يزبط,ولا كل أمنياتك الصغيره التافهه عند غيرك رح بجي يوم وتجيك بكل سهوله,

عرفت الكلمه بعد قصة " الوكمان" اللي حكتلك ياها ف بوستك القديم

3.شو الموقف أو الحالة يلي تخليك/ تدخل/ي في هاد العالم؟

هههههه, السخيف انه اول شي اجا ع بالي لمى حدن بذايقني وبظرب ع عصبي وبضطر أحترمه,أول خيال بطلع براسي إني ماسكه سكينه وببعط فيه , أو إنه مسجى ع الأرض وعمالني بفعط بأي سياره ع جثمانه " الله يرحمه "

النرفزه, الغضب, الكره, وأحياناً قليله لمى أكون رايقة

4.بهديك اللحظة كيف تقيم/ي إنفصالك عن العالم؟

100/100 , بدليل إنه فعلن بترحم  ع الشخص اللي خلاني أعصبن كإنه توفى؟!؟

بحالة الروقان لا مابكون بعيده, عادي بضلني مع الحلم وأنا بحكي أو بطبخ أو بصرخ ع عموره

5.شو بتوصفيها أو توصفها بكلماتك الخاصة؟

الطريق السهل للإنتقام

أسرع حل لمشكلة عويصة

هبل يهبلني ليش بعدني بفكر وبحلم أقتله؟

6.شو التأثير السلبي يلي بتسببه أحلام اليقظة بالنسبة لك/ي؟

السلبي بس حين ما بتذكر إنها أجت ع بالي هيك أفكار مش حلوه, الأفكار الحلوه بعتبرها دافع ومحفز, ف مش حاسه بإنها إشي واو و ممكن نعتبره ضمن خانه السلبي,بالعكس علاج نفسي للهبل اللي جواتي

7.موقف محرج سببتلكياه؟

موقف فيبي أختصرلك ياها, بعد أول حادث أنا عملته, صرت كل ما أسرح أتخيل الحادث بس ع شي أوسع كإنه كان أكبر وصار شي درامي, ومره أنا وسرحانه ف الحلم, صرخ

8.شو الدور يلي تلعبه في أحلامك؟

بنت ماسكه مسدس ,, ههههه, هاي السلبي ,, الإيجابي " مديرة الشركة" مش بس مسمى إداري وتحصيل حاصل ,, ههههههههههههههه

9.شي دايما يتغير فيك/ي في الأحلام؟

بصيرلي جناحات,ف بعض الأحلام, وبتكون إلي لمسه الساحرات بتغير الواقع بوقتها

10.قديه هاي الأحلام قريبه من الواقع يعني قديه مضمونها قابل للتطبيق؟

الأحلام اللي أصلاتن بتتعلق بالتخلص من الناس من حياتي,ملهاش أي تطبيق لسبب إنه أي حدن مخنوقه منه, بكون أصلاتن مفروض عليّ وبقدرش لا أتخلص منه ولا أطلعه برات حياتي

الأحلام اللي فيها أمال وطموحات, لا كتير بتحقق الحمدلله

11.شو أكتر حلم بتتزكر/ي من زمان؟

حلمت مره إنه إمي بطلت تحبني وأعطت كل أواعيه الجداد لبنت خالتي الي أكبر مني, كتير بتزكره وكتير بتدايئ كإنه صار عن جد, خصوصي الفستان اللي عليه ميكي ماوس, ههههه

12.شو أغرب حلم؟

كنت سرحانه و أجاني هاجس اني سافرت وع الطياره عم بسمع بالإذان وشايفه صحرا تحتي؟ كتير إنصدمت بس صحيت

13.شو أكتر حلم لما حلمت/ي فيه صار نفسك جد يصير؟

إني أعمل العمره, ازا الله راد, كتير بتمناها وبحكي بيني وبين حالي شو بدي أعمل وشو اخد وكم بدي اضل حولين الكعبه وشو أدعي,, لدرجه مره حلمت بجد بالليل اني بطوف حولين الكعبه وصرت ابكي بالحلم وصحيت وبكيت إنه طلع حلم!

14.عمرك خبرت/ي حد عن أي شي حلمت فيه؟

الشي الكويس, اه كتير , وأزا بالحلم اجاني شخص بعينه , برنله وبخبره وإزا كاان الحلم شي مو كويس مابحكيله إنه عشان هيك رنيت عليك

15.مين أكتر أنسان ممكن نفسك تحكيله؟

خالي حبيبي

16.عمره تحقق شي من هالأحلام ؟ وشو؟

أشياءات سخيفه بجوز عند الناس,بس عندي هيه إنجاز إني قدرت أحلمه وبعدين احققه, الشهاده , الكلية , الشغل, الرخصه, السياره, الأطفال, هاي أحلام خيالية كانت والحمدلله إنها صارت,حتى لو عند غيري هيه تحصيل حاصل, انا كنت أحلم فيها بمنامي.

17.حلم نفسك جد تعمله ؟

إني لمى أناقش رسالة الماجسيتر يكون إبني عمر , واعي شو عم بعمل , ويكون فخور فيني إني قدرت أتحدى كل شي حولينا وقدرت أوصل ل هيك شي

18.متى آخر مره حلمت/ي؟ وين؟ وشو؟

رح بتضحكي إزا حكتلك وأنا عم بكتب أجتني حالة الحلم الهبله؟

وصرت ماسكة الشهاده بإيدي؟ سنحك شو بتقلبي مواجع

19.يتحس إنها ضرورية في الحياة؟

كإنها ملح الحياة؟!

20.كلمه أخيره .

 اكيد سنحك, واكيد يارب تحققلي كل احلامي الشريره والمش شريرة

واجب من المدعوكة نورية خانوم