الواجب الرمضاني

السيد سمدوح والأنسه ضفضوعه عامليني تاااااج ( تاج ع الراس بدون سترتس :d)

شو بكره

اول شي ,, بكره برمضان اللي بيصير في المكاتب المسكره

ايام ما كنت اداوم بشارع الوكالات,, كان دوامنا ف رمضان من 8.30 للساعه 4.00
بالأيام العاديه كنا نقضيها إحنا والصبايا والشباب بس ع القهوه والشاي
بس لمى هل علينا رمضان,, انفجعو( تبارك الله ) برغم إنه كلهم مسلمين وصارو يعملو سفرتين بالمكتب
فطور وغدا,, انا كنت انجن واسكر ع حالي مكتبي عبيل ما يخلصو أكل
مش إني اشتهي الأكل ,, بس اقرف من مناظرهم وهمه متل,,,, وإلا بلاش

بكره إنه في بعض ناس حتى ف رمضان بطل إلها إشي إسمه رحم,, يعني حتى شهر الرحمه مابفكرهم فيهم ,, وتاركين فراغ كبير بقلوب بعض

كرهانه حالي,, إني صارلي شي 3 سنين ماقدرت اصلي التراويح عشان الصغار,, وصليتها بس مره وحده بمسجد اللي بإم فيه خالي

شو بحب,,
بحب الطوش اللي بنعملها ع السفره أيام العزايم ( رغم قلتها) وممكن توصل إنه حدن يضل ينق ع التاني عشان كاسه عصير وإلا صحن شوربه,, وفي أحدى المرات خالي المهندس خلاني درت وجهي و كب علي مطره مي متلجه,, من باب ( ديري بالك مني)

بحب الشوارع الصبح,, فاضيه وبسرعه الواحد بيوصل لإنه دوامنا قبل دوام الحكومه :)

بحب السما ساعه الإفطار, , قبل ما يأذن بشي 5 دقايق,, بخلص شغلي وبطلع ع البرنده,, بس عشان اشوف اللون البرتقالي بالسما ,, غير إنها ساعه إستجابه,, بحسها ساعه مباركه وسكينه,, بترحيني حتى لو كنت مضغوطه من الشغل والمطارده بالنهار

بحب منظر السفره,, بحسها فيها بركه اكتر من الأيام العاديه,, حتى لو إقتصرت ع طبخه وحده

كنت أحب أستنى والدي ,, إكمنه برضاش يفطر قبل ما يصلي المغرب بالمسجد
ف إنأخر فطورنا عبيل ما نصليها و يوصل من صلاته

في اشياء كتير بحبها برمضان,, مابيوسعها لا مدونه ولا كتاب

ماعندي حدن اعمله تاج,, إلي حابب يكتب عن حاله,, أهلا وسهلا $_$