من بعيد,, في سيارة بتقرب ع باب البيت,,
بينزل منها ابو محمد وبيسلم على أبو سماعين
- بالله يا أبو سماعين تنادي حدن ينزل هالشوالات,, فش إشي من واجبكو ,, ترى محمد حملني أمانه أبعت شوالين بإسمه
-خيرك سابق أبو محمد غلبت حالك ,, تفضل على الديوان جوا
-عظم الله أجركم خيي,, أول ما درينا اجينا على طول
-شكر الله سعيكم,, البقاء لله
أبو سماعين ل سماعين ( سجلت ع الدفتر شو جاب أبو عادل وأبو حمدان,, لا تنسى ترى هاظ دين علينا ل يوم القيامه)
بتدخل إم محمد ودموعها سابقيتها برغم إنها كانت جارت أهلهم زمان مابربطهم اي درجه قرابه,, وبتلسم ع الحاضرين وبتاخد بخاطرهم ,, مابتكمل ال خمس دقايق إلا وأبو محمد باعثلها عشان يروحو.
هالأيام قلبت الدنيا,,
إستبدلنا شوالات السكر والرز,, ب عطر حاطينه النسوان و خط كحله من الذان للذان
وبدل ما نحكي ( عظم الله أجركم) بنحكي لأهل المتوقي ( هاي كيفك,, زمان عنك ) كإنه ياريته توفى ميتكم زمان ت نشوفكم هيك
غير إنه فيك تلبس أي شي,, عادي تجي الوحده لابسه زهري بزهري و مبينه حالها إنها عامله برونزاج وحامله مفاتيح ال 4x4 كإنه فش غيرها عنده سياره. حتى الزلام,, بيصير يلبسو زهري و فسفوري
غير إنه بيوت العزا قلبت مواسم تعارف وطق حنك ,, و قهوه وتمر ببلاش بتتوزع على الحاضرين
والسيره المتداوله,, شو طبختو إمبارح,, وين راح فلان,, فلانه إتجوزت وإلا بعدها,,
بطل في إشي إسمه ( إتعاظ من الموت) رااااااااااااحت رهبة بيت الأجر
راحت حرمته,, راح الصمت اللي كان يخليك غصب عنك تحس كإنه ملك الموت طايف حوليك و دورك قرّب
الله يرحم ايام ما كان الجار مايفتح التلفزيون لبعد إسبوع إحتراماً لجاره وإزا في عنده فرح او مناسبه يكتمها أو يأجلها او في أسوء الأحوال يغير مكانها
هلأ بتلاقي بيت الأجر والباب بالباب خطبه بنت الجيران ,,, ياااااا حيف ع هيك بشر
بتكون الواعظه بتشد على حالها وبتعلي بصوتها ت إنه كل الموجودين يسمعوها,, وكل وحده حاطه راسها براس اللي بجنبها بتعلق على كل نقطه إنها عجبها أو ماعجبها,, وإزا لااااااااااا سمح الله الواعظه حكت وحدو الله يا أخواتي,, بتنط وحده وبتحكيلها بكل وقاحه,, شو مالك علينا ؟؟ مش ناقص غير تضربها !!
أهل المتوفي بكونو بدور ع السكون والهدوء على لحظه ينشفو فيها دمعتهم ,,ت يدعو ل ميتهم بالرحمه والمغفره,, وأول ما يركزو بنط إبن هديك المره بده يلعب ع المساند سباق أحصنه
أو بده إمه تناوله كاسة مي,, عليم الله عشت و طلعت من بيت أهلي وما أخدتي إمي ع بيت أجر إلا ت صرت واعيه إنه بيت الأجر معناته إنخراس تام,, لا كلمه ولا حرف,, ممنوع الحركه,, ممنوع الضحك,, ممنوع سنانك تبين
بتروح,, بتاخد العزا ,, بتحكيلك كلمتين لأهل المتوفي وبتطلع,, أكتر من ربع ساعه حرام تضل
بعد كل هاذ اللي بيصير,, مابطلع بإيدي غير أحكي,, حاااااااالك سالم
بينزل منها ابو محمد وبيسلم على أبو سماعين
- بالله يا أبو سماعين تنادي حدن ينزل هالشوالات,, فش إشي من واجبكو ,, ترى محمد حملني أمانه أبعت شوالين بإسمه
-خيرك سابق أبو محمد غلبت حالك ,, تفضل على الديوان جوا
-عظم الله أجركم خيي,, أول ما درينا اجينا على طول
-شكر الله سعيكم,, البقاء لله
أبو سماعين ل سماعين ( سجلت ع الدفتر شو جاب أبو عادل وأبو حمدان,, لا تنسى ترى هاظ دين علينا ل يوم القيامه)
بتدخل إم محمد ودموعها سابقيتها برغم إنها كانت جارت أهلهم زمان مابربطهم اي درجه قرابه,, وبتلسم ع الحاضرين وبتاخد بخاطرهم ,, مابتكمل ال خمس دقايق إلا وأبو محمد باعثلها عشان يروحو.
هالأيام قلبت الدنيا,,
إستبدلنا شوالات السكر والرز,, ب عطر حاطينه النسوان و خط كحله من الذان للذان
وبدل ما نحكي ( عظم الله أجركم) بنحكي لأهل المتوقي ( هاي كيفك,, زمان عنك ) كإنه ياريته توفى ميتكم زمان ت نشوفكم هيك
غير إنه فيك تلبس أي شي,, عادي تجي الوحده لابسه زهري بزهري و مبينه حالها إنها عامله برونزاج وحامله مفاتيح ال 4x4 كإنه فش غيرها عنده سياره. حتى الزلام,, بيصير يلبسو زهري و فسفوري
غير إنه بيوت العزا قلبت مواسم تعارف وطق حنك ,, و قهوه وتمر ببلاش بتتوزع على الحاضرين
والسيره المتداوله,, شو طبختو إمبارح,, وين راح فلان,, فلانه إتجوزت وإلا بعدها,,
بطل في إشي إسمه ( إتعاظ من الموت) رااااااااااااحت رهبة بيت الأجر
راحت حرمته,, راح الصمت اللي كان يخليك غصب عنك تحس كإنه ملك الموت طايف حوليك و دورك قرّب
الله يرحم ايام ما كان الجار مايفتح التلفزيون لبعد إسبوع إحتراماً لجاره وإزا في عنده فرح او مناسبه يكتمها أو يأجلها او في أسوء الأحوال يغير مكانها
هلأ بتلاقي بيت الأجر والباب بالباب خطبه بنت الجيران ,,, ياااااا حيف ع هيك بشر
بتكون الواعظه بتشد على حالها وبتعلي بصوتها ت إنه كل الموجودين يسمعوها,, وكل وحده حاطه راسها براس اللي بجنبها بتعلق على كل نقطه إنها عجبها أو ماعجبها,, وإزا لااااااااااا سمح الله الواعظه حكت وحدو الله يا أخواتي,, بتنط وحده وبتحكيلها بكل وقاحه,, شو مالك علينا ؟؟ مش ناقص غير تضربها !!
أهل المتوفي بكونو بدور ع السكون والهدوء على لحظه ينشفو فيها دمعتهم ,,ت يدعو ل ميتهم بالرحمه والمغفره,, وأول ما يركزو بنط إبن هديك المره بده يلعب ع المساند سباق أحصنه
أو بده إمه تناوله كاسة مي,, عليم الله عشت و طلعت من بيت أهلي وما أخدتي إمي ع بيت أجر إلا ت صرت واعيه إنه بيت الأجر معناته إنخراس تام,, لا كلمه ولا حرف,, ممنوع الحركه,, ممنوع الضحك,, ممنوع سنانك تبين
بتروح,, بتاخد العزا ,, بتحكيلك كلمتين لأهل المتوفي وبتطلع,, أكتر من ربع ساعه حرام تضل
بعد كل هاذ اللي بيصير,, مابطلع بإيدي غير أحكي,, حاااااااالك سالم
20 comments:
هالحكي صارله سنين، الدنيا صارت تنقاس بالمادة، و الآخرة برة حسابات ناس كثير. الله بيهونها.
وين هالغيبة؟ إن شاء الله خير و ما إلها علاقة بالموضوع أعلاه.
سدقي و لا عمري في حياتي فتت عزا ولا بيت أجر؟
بس حسب ما بتخيل اللي عم تحكي عنو مصيبة،كيف يعني واحد ميت و الناس نازلة تبرم و تتخوت؟ايش هاد يا؟والله الموضوع منطق بحت مش اشي بدو عبقرية،بس الناس طق عرق الحياء عندها!!
مش عارف شو اقلك خيتي أم عمر
والله ما زليتي بحرف
بدي تسمحيلي أحكي كلمتين هون
آباءنا .. على قد ما بنسمع
ربوهم أجدادنا بطريقه صح
وأهم ما في التربيه اللي كانت ..
الاحترام ..
احترام الكبير ..
احترام الميت ..
احترام مشاعر الناس ..
احترام .. احترام ..
آباءنا .. ظننا منهم انه هيك احسن
خففوا الضغط علينا شوي ..
خف احترامنا للاشياء
واحنا .. يم .. هيك ..
اطلقنا الحبل عالاخر لولادنا ..
استني شوي .. ع شو مستعجله ..
بس الجيل اللي طالع هاظ يكبر ..
ويصيروا ولاده "زلام" ..
وبناته "نسوان" ..
يا حبيبي عالمناظر والعجايب اللي رح تسمعيها ..
الله يجرنا ..
ويرحم أمواتك وأمواتنا وأموات المسلمين ..
بعتذر من الجميع على التعميم ..
بس والله حكي أم عمر فتـّح عليّ ذكريات بتسطح ..
وآسف على الاطاله
:)
عمو صالح,, سنين وإلا أيام,, إزا إحنا هلأ وهيك عم يعملو
ع دور أولادنا كيف رح يكون الوضع
برقيات حمام زاجل للتعزيه السريعه يعني
الحمدلله كله تمام,, هالغيبه ما من وراها إلا كل خير,, تسلم ع السؤال
أهلن رين,, حكيتيلي سدقي اه :sc:
اه بصدق,, وليش ما أصدق,, بحكيلك بجوز ل التوجيهي وإحنا ممنوعين من هيك مشاوير من قبل الوالده,, عشان مابيصير الصغار يخربو هيك قعدات
ما كزبت بحرف يا أيكو,,
قله الإحترام اساس كل مصايبنا
بتبلش من المدرسه,, لا تخلي المدرس يضربك
دير بالك المدير يحكيلك هيك او هيك
الأذان ما إله عندك يحكيلك تعا ساعدني
وهلمه جره
بداية قبل التعليق ع الموضوع بدي اعلق انه ليش شلتي الوردة اللي طالعة من الشاشة؟؟
شكلك عتبانة علينا فلهيك بطلتي تحطيها :(
بس كمان هاد الثيم حلو :)
نرجع لموضوع البوست .. انا ما كنت زمان اروح على اي عزا بصير .. قريب او مش قريب .. بس السنة الماضية اضطريت اروح .. وعن جد شفت العجايب .. وما كنت متخيب الموضوع هيك .. الكل بيحكي وبيضحك ولا كأنه صاير اشي .. وعن جد كأنهم بعمرهم مو شايفين أكل او شرب الكل بيهجم والكل بده قهوة وتمر .. طيب ما انت من شوي اخدت .. ما حدا بيستحي !!
عن جد لو نرجع بس لآخلاق زمان .. كان حالنا أفضل بمليون مرة
تحياتي:)
للاسف يوم عن يوم بتزيد هالمظاهر السلبية و بتختفي القيم القديمه
بطل للموت اي رهبة عندهم, وفي منهم حتى بحكو نكت :(
حتى القرآن اللي كانو يشغلوه و يوزعوه عالعالم القاعده ...هاي صارت بدعه وبطلو يعملوها, المهم اللمّه وشوفة الناس
الله يهدينا و يهديهم
مبروك النيو لوك :)
اتاريكي من فترة مختفيّه...كاينه تعفشّي و تطرشي البيت :)
الله يرحم ايام زمان
الان اذا احد مات وراحوا الناس يعزونهم يقعدون يعزونهم بعدين يوزعون بين الناس بطاقة زواج ولدهم ؟!!!!!! يعني ناس يبكون وانتم تستغلون تشوفون فلانه وعلانه تعطونهم بطاقة زواج اسرع من انكم تروحوا لبيتهم !!!!
مساء الخير ام عمر
والحمدلله على السلامه
لا حول ولا قوة الا بالله العلي العظيم...حتى الموت فقد هيبته في هذا الزمان...صار كمان في مكياج خصوصي لبيوت العزاء ...له مواصفات معينه...الله يجيرنا مما هو اعظم
أهلين أحمد
الورده إلها قصه,, أصلاتن هيه مش ملك إلي ,, وصاحبها عتبان عليّ كتييير مو شوي,, وهوه اللي رجع وأخدها ^_^
الله يحلي أيامك يارب
لو وقفت ع الاكل والشرب,, بنسكت,, بس الحكي والضحك والصهونه,, وحتى عند النسوان في جماعات بتنزوي عشان تدخن وتشرب قهوه ع رواق
الله يحفظنا يارب
ويسبر,,
الله يهدي العالم,, بس همه لو يفكرو بيوم وفاتهم,, وإنه العالم رح تعمل ف اهاليهم زي هيك,, بجوز بتغير الوضع
تخيلي ,, انا ماباخد صغاري لو شو مانكان الوضع,, حتى لو عزا اقرب الناس ل عيلتي,, ولو ضليت ل نصاص الليالي كمان,,
***كل هااااااااد " يحظه" وك مش بكفي إنه وشك وش السعد علينا,, بتخلي ال" يحظه" تصير أسبوع
تسلمي,,, عيونك الحلوه,,
وايت فريدوم,, حتى عندكو فيك حكي,,
الله اكبر بس,,
صباح الفل نيسانه,, الله يسلم عمرك يارب
بدك تحكيلي ع المكياج,, اي شفت شوفات, عليم الله رايحه ع صالون متخصص ب بيوت العزاء شكلهن
طيب انتي ليش بتكرهيني؟:(
و ليش الثيم الجديد تاعك مأساوي هيك؟كأبني:(
يرحم أيام زمان بس! كل مالنالورا حتى بهيك أشياء ! :(
رين,, انا بكره حالي
حالي بكرهه
بكره كل شي , , بدها توقف عليكي :k:
لا لسه مش كئيب الثيم,,بدي أأكئبك أكتر
الله يهدينا ,, يا هيثم
صدقتِ
أمر غير موضوعي وينحي أخلاقنا الاجتماعية السوية جانباً
أهلين أحمد,,
Post a Comment