عقبالك يوم ميلادك لمى تنول اللي شغل بالك.. 3 سنوات

.

عمورتي,, يا عمورتي

كل سنه وإنت سالم يا حبيب ماما إنت
يا مشاغب يا غلباوي
يا أبو عقل مابنضحك عليه
يا متكتك ياللي بتهتم بحالك كإنك عريس
ياللي بتحب أختك ومابهونلك حدن يزعلها او إنه ينساها بالزواكي والهدايا


.
.
.

مابحاول أحطك بمقارنه مع غيرك من أولاد جيلك ,,
بس بعرف إنه كان إنجاز كبير إنك قدرت تحفظ مايقارب من 15 سوره قصيره من القرآن الكريم
غير الأيات المتفرقه زي ايه الكرسي
وغير اركان الإسلام اللي صرت تعيدهم بدون ما حدن يطلب منك ,,
ومابيهدالك بال إلا لمى تسمّعهن قبل ما تنام
بس اللي بعرفه إنه هلأ في طلاب جامعات مابعرفو أسماء السور مش مضمونهم :)
وهياتنا بلشنا بالإنجليزي وصرت حافظ الكرتات اللي جبلتك ياهم
إلى الأمام يا بطل
.
.

مابعرف متى ببلشو الأطفال يحسو إنه اهلهم مقصرين معاهم او لأ,, بس من هون ت يبلش هيك عُـمْــر عندك
بتمنى تعرف إني عم بحاول كل جهدي إني اكون أحسن إم إلك ف العالم كله
أكيد في ناس وضعهم احسن منا,,
بس الحمدلله إحنا احسن من غيرنا
.
.
.

ماما,, قلبي صار فيه 3 خانات جداد
إنت واختك والغّــــــالي
مافي حدن فيكم بتميز عن التاني,,
ومستعده افديكم بروحي وبعيوني بإشاره صغيره منكم
الله يخليلي إياكم يارب ومااااا يحرمني منكم ع طووووول حياتي