رئيسه جمهوريه قلبي- رأيي الخاص

هوه مش إني رجعت اسمع أغاني,, بس هالإغنيه بالذات الكل بحكي عنها وعامله ضجه كبيره والكل عماله بيحكي إنها متخلفه بس عشنها ضد شغل النسوان,, وأكتر الي أثارو هالضجه النسوان,, وقال مش عاجبهن العجب قال,, طرم,, قله مايصحلكن,,

إيديت,, وهي نيسانه حاكيه عن نفس الموضوع هوناااااه,, ينصر دينيك يا بطه

انا عندي ملاحظه وحده بس ضدها إني مابقبل أكون ( رئيسه جمهوريه قلبي) على رأي محمد إسكندر
لسبب إنه التشبيه غلط,,
كيف يعني رئيسه جمهوريه,, يعني نظام جمهوري 4 سنين وبعدين باي باي,,,
وإزا طلعلي حظ ,,بيصير فيها إعادة إنتخاب وفي إحتمال كبير اصير نائب او مساعد نائب إلا إزا كان قصده عن النظام في كم دوله عربيه هون ؟!؟
وحتى لو هيك قصده,, يعني اخرته يجي إنقلاب سياسي عسكري وأروح انا أأأأوووووت وعلى طياره عسكريه إلى بلاد المنفى حتى أموت؟!؟
انا مااااااااا بقبل من مره,, من مره , يا بكون المالكه والحاكمه والمتحكمه والمسيطره والأمره الناهيه الوحيده ومافي غيري يا بلااااااااا ,, بلاااااش يا عمو بلااااش

في بنات ونسوانات كتير ف الدنيا,, ف مارح توقف عليّ الشغله
خلي هالقلب يدورله ع رئيسه جمهوريه ونائبة و أعضاءات برلمان,, يكونن يقبلن المشاركه او تكون فتره وتعدي بإنتهاء صلاحيتها. أخر همي والله


هلأ الحلو في الموضوع إني معاه بكل حرف بالنسبه ل :
( نحنا ماعنا بنات,, تتوظف بشهادتها)
دكتاتوريه انا,,مع حقوق المرأءه ,, هيه سمحلها تتعلم وتكمل دراسه لأخر حلقه
بس انا ضد شغلها ومرمطتها بهالبلد
واللي بحكي او بتحكي غير هيك,, يجي يعيش يوم واحد في حياة موظفه عامله و إم كمان
لغير يشيب شعر راسه من أول يوم,,هاد إزا ما إنتحر مع الغروب

صحوه بدري قبل الشحاده وبنتها,, تحضير لبسات للعيله ,, وتحضير شنطة الصغار,, وفطور للصغار,, وقهوه للكبار,, وطلعه ع الوقت,, توصيل ع بيت الحضانه او بيت الأهل,, طيار ع الشغل,, ,, شغل,, شغل,, شغل,,ويتحمل جميله هاد ع التأخير وهاد ع النعوسه وقله النوم ,,شغل ،، شغل,,,ترويحه,, اخد الصغار ع البيت,, تغير اواعي الصغار وتغسيلهم,, تنضيف البيت,, تحضير الغدا ,, جلي,, تنضيف ,, جلي,, مشروبات وحلويات وقصص طرمه اخرى,, تحضير اواعي النوم,, تحضير غرف النوم,, قراءه قصص وقران ما قبل النوم للصغار,, وبس يكبرو,, في دراسه ومراجعه و إمتحانات وطوش ع إدرس وحضر و خبص,, وبعديها إزا ماطلع الفجر ,,نووووووووم أو خطيفه ع النوم,, وياويلها إزا في مناسبات اجتماعيه وزيارات و أعراس,, راحت عليها النومه :) وإزا مرضت,, راحت عليها النومه والراحه وإشطبو من ال14 يوم إجازه مرضيه ع كيفكم :)

حتى مع التنظيم والمحافظه ع المواقيت ,, رح تكون الحياه مطارده,, في مطارده

حقوق المراءه هيه تكريمها وتعزيزها وكل شي يوصل ل عندها,, هاد اللي بفهمه أنا
,,أو ع الأقل وظيفه محترمه
بظروف صحيه إلها و لعائلتها

اغلب الوظائف هالأيام في عليها نقاط كتيره إلا ما رحم ربي
حتى المدرسه مش مرتاحه بوظيفتها ,, وعليها ملاحظات كتيره كمان
يا عمي,, بدكو تشغلو النسوان,, يا إما بتساعدوهن,, يا إما بتجيبو شغالات وبيصير اللي بتاخدوه باليمين,, بتحطوه بالشمال للشغاله والدراي كلين ودور الحضانه,, والبانزين,, والغيارات والأواعي الزياده لزوم الطلعه والمش عارف إيش :@