إنك تحس حالك ضايع,, تايــــه,, غرقان بلا سبب معين
أو إنك عارف السبب ومتجاهل وجوده لإنه مش بإيدك تغّيرُه وتغير وقائعه
شو يعني إنك تضلك عايش ,, ومش عايش,,
بتستنى بكره,, وأول ما تشرق شمس نهاره تعد ساعاتك للمسى
هاد إزا اجا المسى
وبس يخيّم الليل,,
يجيك إحساس إنه في شي ماسكك من رقبتك,,
حاصرها بين اصابيعه ومو ضايل إلا يقطع عنك النفس
وعقلك الباطن يصدق هالشي لدرجه تخليك شايف أثار اصابيعه ع رقبتك وإنت شايف شبحك في المرايه!
بإيدك تطلع من هيك حاله,,؟؟؟
وتدفن هالشعور المُقيت اللي إنولد من أفعالك
بتصير تتمنى إنك تقتله وتدفنه ف ليله مافيها ضو قمر,,
وتستنى ع قبره عبيل ما يجي حدن ويدفنك بجنبه
او,, من التعب,,
تزلق إجرك وتشاركه هالقبر,, هالفسحه اللي رح تسنيك همومك ومشاكلك كلها
لو شو ماكانت,, لو شو ماكانت مسبباتها,, خلص
رح تروح,, مع اول رشه تراب ع وشك,, ما عاد إلها وجود
راحه ابديه,, راحه ما بعدها راحه.....
الصوره ملطوشه من
Marwa's Photography
Marwa's Photography
14 comments:
7abet.ha
ما بعرف ليش البوست زكرني بمقولة احمد مطر "يقال إن أقصر قصة كتبها إنسان هي التالية: "رجل ولد وعاش ومات". وأنا أعتقد أن سيرتي - شأن أي مواطن آخر في أوطاننا الجميلة - يمكن أن تروى على النسق نفسه، بشيء من التطويل، لتكون كالتالي: "رجل ولد ولم يعش ومع ذلك سيموت"."
الله يقويكي، و على رأيك بتصير في أحسن العائلات، نفس الشعور بتفاصيل مختلفة بتصيب الواحد من فترة للثانية
nice jeddan,, kalemat fel sameem.. tb fesh 7al la hal 7aleh 3'air el moot?!!!
بنحس ان الدنيا ضيقه و كل شي مسكر بوجهنا, و كل العالم معطيتنا ظهرها
لكن اكيد بأيدينا انّا نطلع من هالحاله :)
انتي حكيتيها..."هالشعور المُقيت اللي إنولد من أفعالك" ..احنا بنختار هالطريق.. لو نتوكل على الله ونرمي حملنا على الله, بس نعرف ان ما النا غيره كل شي بنحل بأذنه :)
الحمد لله اللي ربنا كان رحيم فينا وما ترك بشر يتحكمو بمصيرنا و برزقنا و باللي مكتوبلنا
حلوة كثير الخاطرة.
و "مابعدها رااااحة" بكل تأكيد!
مرووش
وهيه حبتك كمان,, مش الصوره مرجوعها إلك
فزلكات
أهلا وسهلا,, نورت والله ^-^
ريتها القصه كتبت (ولد وعاش ومات) وماكان في أكشنات وقصص بكفيهاش أجيال ت تنحكى
عمو صال, , صال
الله يفرجها علينا وعليك يارب,, وماتشوف هيك احساس مره تانيه
السوكرتيره بتحكيلي,, كيف يعني هالشعور,, كإبتني وأنا مش عارفه اش قصدك
بحكيلها,, إحكي الحمدلله يا هبوله
Ahmad Merie
مره تانيه,, اهلين فيك
الله يحلي أيامك,,
بتسألني عن الحل,, صعبه,, مابعرف,, إسأل غيري!!
ويسبره
الإيمان بالله كبير إنه يفرجها,, وع فكره,, مارح نبطل نغلط ونحصد ثمار اغلاطاتنا
رح نضل هيك,, مافي راحه ,,
بنرمي حملنا ع ربنا ,, بس الحمل مابيخلص,, بيضل متجدد ,, مستمر
مافينا نكون " ملائكه" بتصرفاتنا او ردود افعالنا
أعذريني ...
هيثم الشيشاني
تسلم,, الله يحلي أيامك
كمان ام عمر مكتئبه !!!! يا ربي قرب العيد والناس كلهم مكتئبين ...افرجها علينا يا رب العالمين
نيسانه
مش لهاي الدرجه,, هيه مجرد فضفوضه مش أكتر عسوله
تقبل الله طاعاتكم
وصح,, مين مكتئب كمان,, ؟؟
Post a Comment