هالموضوع فشة خلق مش أكتر,,
ف بنصحش حدن يتابع قراءة لإنه رح يكون كله صريخ و طوش مع بعض ناس
اليوم الصبح,, وع اساس انا مش ناقصني نكد من مره
اول ما دخلت المكتب إلا مديري بحكيلي ليش لابسه هيك
انا إنفصمت,, حكتله عفواً
بحكيلي ليش لابسه زيهم,,
سألته مين قصدك ؟!؟
بحكيلي زي أهل الشيعه
صحيت من الصدمه,, إنه أأأأأأأأه,,
انا لافه حجابي غير عن كل يوم,, وقريب لأهل الشيعه ولفتهم للحجاب
حكتله,, طب شو فيها,, شايفني كاشف اشي مني غلط لا سمح الله
بحكيلي لا ساتر إسم الله,, بس مش لبسنا
ضحكت,,وحاولت انهي النقاش ورجعت ع مكتبي
اللي فقعني رسمي إنه سمعت نفس الملاحظه من 3 اشخاص اليوم,,
يعني هوه تريد مارك ل إلهم لفه الإشارب هيك؟؟
طب منا بواجهه نفس الحكي لمى ألبس إبني عمر وأشخصه
أزا لبس جينز ومشطتله شعره سبايكي بيصير متشبه بأولاد الأمركان
وإزا لبس قماش وقميص وشعر ع الجنب ,, بيصير مالك زي ايام فريد الاطرش
وإزا لبس سبور عادي,, وشعره إتمشط ل قدام,, بيصير شكله غلط
وإزا حلقتله ع الصلعه,, بيصير زي الإيموووه,,
حلو,, جدن حلو
قربت ألبس عموره خمار عشان ما ينحكى عليه,,
وقربت اجيب معاي شنطه شالات ع الشركه عشان اخلي العالم تنقيلي لبسي
خلصت,,
إفففففففففففت ,,
إرتحت ,,,
صوره توضيحه لمذيعه من قناة المنار
25 comments:
معلش أم عمر.... الفاضي بيعمل ... بيعمل كل شي!
حتى لو بتجيبي الشنتة العجيبة معاكي ما حتخلصي!
و بالنسبة لعمر... الصلعة هي أحسن حل "وسط" :]]
طولي بالك يا شيخة
الدنيا اخد وعطى
عادي لا تكوني دكتاتورية وما تتقبلي النقد
بس نحنا هيك
بالعادة ما بنقبل كل شي جديد
او بدنا وقت لنتقبله
ف تيك ايت ايزي يا عزيزي
عادي ام عمر
فشي غلك ولا يهمك
شو ما لبستي وكيف ما لفيتي...برضو حيعلقوا
ف اعملي والبسي زي ما بريحك....ولبسي
عموره عى كيفك
اصلاً هو هيك هيك بعد كم سنه مش حيرد عليكي وح يلبس ع كيفو
طولي بالك ام عمر..
بتصيييير ..
مبروك اللوك الجديد..124
بس بعينك الله على التعليقات لانو الناس معطيه حالها المجال للتعليق و التدخل من باب انو "البس عزوء الناس"
و بغض النظر انك لافته نظر الشركة بصرعاتك 124
الا انه كلنا مسلمين و هالعنصريه لازم تتوقف عند حدها...
الشيعه الهم نهفات غير قابله للتفسير الله يهديهم بس على الاقل ناس بتوحد ربها..
نطلع من هالسياسه احسن ...
بالنسبه للتعليقات على عمورة اسميها هبل مثلاً...
هونيها بتهون خيتو إم عمر، فيه عندي كلمة لهالمواقف: "إللي مش عاجبه يقلب وجهه"، و ممكن أهذبها شوية: "إللي مش عاجبه ما يتفرج".
و بالنسبة لعمر ما تقلقي، و زي ما قالت نيسان كلها سنتين و راح يكون إله ذوقه الخاص إللي في الأغلب راح يكون بيختلف عن ذوق الأهل.
رضا الناس غاية لا تدرك، الناس دائما بتحب تعلق، إن رحتي يمين بيطلعلك إللي بيحكي ليش ما رحتي شمال و إن رحتي شمال بيطلع إللي بيحكي لو رحتي يمين كان أحسن، فحطي بالخرج و طنشي.
بس تعليق سريع لنشوة هانم: كنت أفكر مثلك إنه الشيعة بس بيحبوا يخالفوا، لكن طلع إنه عندهم أساس شرعي من القرآن و الحديث (حسب ما بيصححوا) لكل إللي بيعملوه، أنا هون ما باحكي إنهم على صواب أو خطأ.
هيثم
بطلت اجيب شنطه,, وخلص عمر رح يلبس خمار يا يقعد ف الدار يستنى نصيبه وبنت الحلال اللي تستر عليه
إم لجين- غير معروف
اولن,, إبقي سيبي إسمك,, ثانين,, اي اخد وعطا,, منتي عارفه هون كيف الوضع,, الرأي الغالب رأيهم,, هوه الأصح والأفضل
نـيـســــانـــة
مربوك تعديل إسمك يا بطه
ومن هلأ عم تحكيلي عن مستقبل عموره باللبس, , ع اساس مش عارفه إني رح أصلع من كتر مارح اشد شعري من وراه
إزا من هلأ مغلبني وبده يلبس ع زوقه,, وياويلي إزا ماكان الكوي مزبوط والبوط بلمع مابلبسه ,,
فرتش
لا نيو لوك ولا نيله,, هوه بس تغير ل لفه الحجاب
وبس بلاش إنه لافته نظر الشركه,, لووووووووووول,,
وبالنسبه للتعليقات على عموره,, مره من كتر ماعصبت إنه يا عمي اش أعملك فيه,, رحت سهمدت شعراته بمية الشرب,,
صال صال
شكلي دقاااارتن بس فيهم,, رح اشتري كمان أكم إشارب زي هيك, ,
وأصلاتن انا بدورش ع غايه إرضائهم,, والوحيد اللي بهمني رأيه بعدني ماسمعت تعليقه,, ف رح اضل اداقر فيهم ت يحكيلي الغالي,, ستوووووب,, منعون اطلسك
وبالنسبه ل فرتش وتعليقها,, مسموحلك يا عم,,
شو بالنسبة ام عمر
مش متخيل شكلك وانتي لافة الحجاب هيك
بلبقش عليك...خليه لفوق زي دايما مع حفة بترفرف
:sc:
ملاحظة على الهامش: يمكن اجيك هاليومين زيارة اخطف من الخطف
إم عـــدي
اولن,, انا أوحب التغير والتبديل,, بحبش اضل ملزقه بشي معين
ثانين,, شو بالنسبه إنك وفرتش بتضلن تتغزلن فيــّــه :k:
خامساً أهلا وسهلا فيكي,,
بس إبقي اعطيني خبر قبل بإسبوعين 3 عشان ناويه ما أعملك اشي زاكي :sc:
أخيرن,, سيصبح إسمك إم عدي من الأأأأن ف صاعداً :ch:
el laffeh kter 7ilweh 3a fekra
b3dain erda2 el nas '3aieh la todrak enty el tanieh sebek
سلام عليكم ..
هاي اول مرة بعلق عندك بس عندي مرور دائم :)
معلش يا ام عمر .. طولي بالك .. كله عنا بالبلد بعمل حاله دكتور و بيفهم و هو سلامتك ..
اللي بدو يرد على تعليقات الناس بيتعب .. طنشي و اعملي اللي انتي مقتنعة فيه طول مهو بيرضي رب العالمين ..
بقبوقــــة
عيونك الحلوه,, عشان هيك شوفتيها حلوه
برعف إنه ارضاء الناس غايه لا تدرك
وشكله في الأونه الأخيره,, صارت إرضاء ذاتي مني لحالي كمان طلب مستحيل :sad:
مرووووش
وعليكم السلام,, اهلين فيكي يابطه
شو,, ضفضدوعه تانيه طلعلنا
حصللنا الشرف,, نورت المدونه والله
انا فاهمه انه فش 2 رح يتفقو ع نفس الرأي, , بس يا عمي,, ازا رأيك سلبي إحتفظ فيه لحالك,, لشو تدوشنامعك
عيديها,, المره الجاي جيبي معك شوكلاتاه
اولا ليه ما عم تقدري ترضي عن حالك؟
تانيا لاااااااااء ما في غير ضفدوعة وحدة :(
Marwa I'm sooo stealing your theme :(
بقبوقه
فاكره لمى قلتلك" انا بعرف بالزبط شو بدي,, بس بدي كوكب تاني ت اقدر انفذه"
هاد إمتداد لنفس الفكره
صار في ضفضوعتين,, نانانانانا :shrrr:
اصلا بكرهك:(
ضفدوعه رقم 2
اصلاتن لو كنتي غير هيك" عكس بكرهك" بتكون الحاله غريبه إكمنه اصلاتن مضلش حدن بحبني هاع هاع
والوضع الطبيعي العالمي,, إنه كل الأردن تكرهني,,وحتى ماوراء المحيطات والبحار:dream:
أصلاتن,, انا بس اكون فاضيه, , بتلاقني قاعده بكره ف حالي ع جنب :ch:
min zman 3ndy e7sas....bs hl2 t2akadet enek mfsoomeh 0_o
:sc:
0
بقبوقه
روحي أعمليلي معلقه ف مدونتك ع إكتشافك وع إنك بتكرهيني :ch:
يعني ما حلك تعرفي إحنا يا أم عمر شعب فلسفجي وليل نهار بنظر على بعض.. حتى لو ما فيك اشي غلط بخترعولك اشي علشان يتفلسفوا على سماك.ز فشي غلك وما يهمك وخليكي كوووول..
كيـــالة
يا مسااا الفل كيكي هانوم,, إيه عارفه
بس شكله الواحد بس ينقرص ف ذوقه,, ببطل يميز اشي
نورتينا ,, عيديها ,,
الليشات ما بتنتهي من حياتنا ,و لو كل شي منيح وزي مابدها العالم حتسألك طيب ليش??
فاااا الطناش هو احسن حل
وشكلنا بنشبه بعض... لو انا بضل شهر زمان ملزقه بالموديل نوع من انواع تكبير العقل اسمه جكاره :)
ملاحظه ع الهامش
اي شي بتعمليه لضيوف المكتب بتخبيلي حصتي من هلأ... عالراتب انا جاي اخد الجمعيه اللي حتتبرعولي فيها :)
ويسسسسسسسسسبره
بعد صباح الخير,, هيه شغله الدقاره اصلاتن موجوده بدمي,, ف أتوصيش حريص هياتني لابسه نفس اللفه,, هاع هاع
وعن اي جميعه بتحكي,,
مين ضيافه,,
اي ضيوف,,
مين إنتي,,
مين إم عمر
:mal5oom:
Post a Comment