حلم ليلة صيف

كانت الريحه معَبقه المطبخ

تقلاية التومه مع شرحات الفلفل الأخضر جايبها مفعولها وعامله سحابه من الدخان اللزيز
وشرحات البندوره,, بتستنى بدورها عشان تتشوح بزيت الزيتون

وتنقلى
وتتحرك
وتتنشف

وينحط عليها شويه ملح ورشه فلفل أسود
وكنت أنا واقفه ,, بستنى إمي تخلص القلايه عشان أفطر

على جنب في صحن مفركه بطاطا بالبندوره جاهز للغزو عليها
وصحن جز مز( بندوره بالبيض) بحكي
هيني,,
هيني,,
هيني

وخبز الطابون الساخن موجود على السفره,,
مقطع لشرحات مثلثه,,
ومهر هر ع الأرض فتافيت إكمنه مشغول صح

وإلا ع منظر صحن البندوره المقطعه وعليه زيت زيتون وبينه شرحات بصل ناعمه,,
ياااااااا إمــــــــــــي
لك يسلمو دياتك يارب
من يد منعدمهاش,,

بلش الغزوووو

.
.
.
.


رن جرس الباب
يالله,, ليييييييييييييييييييييييش هيك بيصير فيني أنا ؟!؟

صحيت,,

إنصرعت

تزكرت إنه عموره بعده صاحي
وإحتمال غزا ع الثلاجه وأنا نايمه
ركضت ع التلاجه


تنهيدت

الحمدلله,,

ما أكل حبه البندوره اللي مغلفاها بكيس نايلون
ومخبياها للزمن وعشان احلف إنه عندي بندوره بالبيت


طلعت صحن الفواكه برات التلاجه عشان ماتراوده نفسه إنه يفتحها مره تانيه

وبعدين
مارديت ع الباب
رجعت ع غرفتي
وكملت الحلم.....
هاي بندوووووووووووووره يا عمي,,
بندوووووورررررررره