يعني ازا الواحد فكر او قرر يمرض لا سمح الله,, مفروض يحط ثلث راتبه بين تحاليل و كشفيه دكتور ودوا
او بستنى ت يطلع الصبح عشان يتحكم بالصحيه وياخد دوا الشعب اللي ,, الحامل والميت والمكسور بينوصفله نفس الدوا
اما إختيار انه يطلع ع الطوارئ ف بعيد عن عيونه,, لإنه ازا طلع لازمن يكون دمه نازل ع الأرض او متوفي ت يتطلعو عليه بالمستشفيات الحكوميه
صارلي 4 ايام مريضيه وحالتي حاله,, واللي قهرني أسعار الأدويه والتحاليل وكشفيه الطبيب الأخصائي
طب شو يعملو اللي ما معاهم تأمين,, او تأمينهم درجه تانيه وتالته
يموتو إزا اجت مرضتهم بأخر الشهر ومامعاهم كاش؟؟
ليش ما تكون معامله المستشفيات الحكوميه للشعب,, متل معاملة المستشفيات الخاصه
أول ما يوصل المريض بوقفو ع راسه ممرضين إثنين عبيل ما يفهمو إش ماله ومين مفروض يهتم فيه
على طول بحطوه ع السرير وببلشو يواسو فيه نفسياً قبل جسدياً
الطوارئ مليانه ممرضين اكتر من الناس المريضه
المستشفى فيه أكتر من طبيب مقيم وطبيب اخصائي وإزا مافيه برنو عليه لو الدنيا نص الليل
التحاليل مابتاخد وقت ومش مفروض تتحرك من سريرك وتطارد بالمستشفى ودمك نازل ت تحاسب وتروح ع بنك الدم وتروح تودي العينات وتيجب النتيجه
كللللله بيجي لحد عندك,, مع كلمة" سلامتك يارب" من كل شخص بلمحك او بيتجي عينه بعينك
وبحسسوك إنك شي مسؤول كبير من كتر مابهمتو فيك,, ليييييييييييييش؟؟
او بستنى ت يطلع الصبح عشان يتحكم بالصحيه وياخد دوا الشعب اللي ,, الحامل والميت والمكسور بينوصفله نفس الدوا
اما إختيار انه يطلع ع الطوارئ ف بعيد عن عيونه,, لإنه ازا طلع لازمن يكون دمه نازل ع الأرض او متوفي ت يتطلعو عليه بالمستشفيات الحكوميه
صارلي 4 ايام مريضيه وحالتي حاله,, واللي قهرني أسعار الأدويه والتحاليل وكشفيه الطبيب الأخصائي
طب شو يعملو اللي ما معاهم تأمين,, او تأمينهم درجه تانيه وتالته
يموتو إزا اجت مرضتهم بأخر الشهر ومامعاهم كاش؟؟
ليش ما تكون معامله المستشفيات الحكوميه للشعب,, متل معاملة المستشفيات الخاصه
أول ما يوصل المريض بوقفو ع راسه ممرضين إثنين عبيل ما يفهمو إش ماله ومين مفروض يهتم فيه
على طول بحطوه ع السرير وببلشو يواسو فيه نفسياً قبل جسدياً
الطوارئ مليانه ممرضين اكتر من الناس المريضه
المستشفى فيه أكتر من طبيب مقيم وطبيب اخصائي وإزا مافيه برنو عليه لو الدنيا نص الليل
التحاليل مابتاخد وقت ومش مفروض تتحرك من سريرك وتطارد بالمستشفى ودمك نازل ت تحاسب وتروح ع بنك الدم وتروح تودي العينات وتيجب النتيجه
كللللله بيجي لحد عندك,, مع كلمة" سلامتك يارب" من كل شخص بلمحك او بيتجي عينه بعينك
وبحسسوك إنك شي مسؤول كبير من كتر مابهمتو فيك,, ليييييييييييييش؟؟
20 comments:
قبل كم يوم كنت بدي اسوي تحليل عبارة عن 4 تحاليل ببعض طلبو 60 دينار غير كشفية الدكتور وغير العلاجات وغير الخوازيق
بخصوص الحكومة عنا نص اطباء وفيه نسبة من الاطباء غير اكفياء بالمرة ( اطباء اوكرانيا )
طبعا اذا الواحد بجيب 97 وما بطلعلو طب من وين بدنا نجيب اطباء ؟؟
وحتي الدكتور صار تاجر يعني بسمسر علك على الدوا الي بوصفو والتحاليل الي بعملها والمستشفى الي بحولك عليه
اصابع ايدك مش وحدة ام عمر
حتى المستشفيات الخاصة في منها اسوأ من الحكومي بمليون مرة
وماله مسلخ البشير..عاطل ??
:sc:
salamaaaat dear :hug:
على الهامش: ليه ما عندك تأمين؟
شركتكم ما فيها؟ والا كيف؟
هيني مشترك درجة اولى ب 7 دنانير بالهشر..ولا عوزتهم وقت المض الله يبعدنا
ازا بدك بشوفلك ان بقدر ادخلك معي..عيى اسمي انه قرابة او هيك
:*oh:
إم عدي
طرمه,,وك إنتي طرمه,, انا عندي تأمين من ال2007 ع حساب الشركه,, ودرجه أولى كمان:k:
قال انا ادفع بدل تأمين وينخصم من راتبي قال,, مش بكفي متنازله وعم بشتغل عندهم
سنحك,, وسنحهم
المستشفى الوحيد اللي عليه تعليق وهو خاص , , مستشفى الإستقلال,, خرب كتير وصارت سمعته عاطله,, الباقي لاااااغبار عليهم بالنسبه إلي ,, إسئلي مجرررررررررربه
الله يسلمك يارب
قط البكتيريا
الرك مش ع الدكاتره,, الرك ع النفسيات
شو دخل معدل الدكتور بإنسانيته,,
كشفيه الدكتور 25 نيره,, غير االإجرائات اللي بالعياده الي بحاسب عليها كمان
الله يعين الناس!فعلا الواحد بس يتذكر بيحمد ربه عصحته مش عشان اشي بس عشان أهله ما يتشرشحوا من ورا المستشفيات و مصاريفها!
خيتي إم عمر، معافية و الله يصبرك و يشفيكي بسرعة.
الفقير ما إله غير ربنا، و النعم بالله.
الدنيا مصاري، معاكي قرش بتساوي قرش، ما معكيش بإلزمكيش، فالمستشفيات الخاصة لازم تعاملك بقدر المصاري إللي دافعتيها، لا أكثر و لا أقل (آه صحيح هاي الخطوط القطرية).
و مرة ثانية إن شاء الله بسة جيران إم عدي و لا إنتي
انتي بتحكي عأي مستشفى
:mal5ooooooooom:
احكي الحمدلله وما عليكي ربنا بتولى الشعب الغلبان.... ما الهم غيره
رغم انه سمعات جديده كتيير ممتازة بالمستشفيات الحكوميه و انو احسن الاطباء موجوده عندهم و بجمله الحديث انه في ناس خبرتني انه كانو بمستشفى الاردن و كانت حالتهم خطيرة و طلبت المريضه بتمها يودوها عالبشير بقدرة الله و خلال ساعات حالتها استقرت...
ام عمراوييي فين الحئيئه المرة وراء المستشفيات الحكومه؟
salmet albek awlan ...
f3ln mwdoo3 el mostashfyat 2estoo 2essa .. bt3amlo m3 el wa7ad k2no be masla5 mo mostashfa w bkono nasyen el qsm ele qasmeeno awal ma t5rjao !! la 7wl wala qwta ella bellah
الف سلامة عليكي يا قمر....جارتكم اليهوديه و لا انتي :)
كلّه بثمنه يا ام عمر
وبعدين احكيلي عن مستشفى خاص واحد برضى يدخل مريض بدون ما يكون دافع اشي تحت الحساب, طول ما انتي مش دافعه ولا حد بشوفك و بس تدفعي بصيرو كويسين
وليش!! علشان يعملولك 100 صورة اشعه و 50 نوع من انواع التحاليل و يصرفولك 30 نوع دوا
كلّه بثمنه :)
بقبوقـــة
وزيدي إنه صار الواحد يمرض ويعمل حاله مش واخد باله :D
صال صال
الله يسلمك يارب,, اه والله أي جاره وأي بسه ولا أنا أمرض :) ,, بس غريب كيف صار اللي معاه قرش بسو قرش,, طب ماهمه المستشفيات الحكوميه بياخدو رواتب منيحه كمان,, ليش الزناخه يعني
فرتوشه
شكلك بدك تجييلي game over حبيتك صحيح,, انا ماعندي اعتراض ع اي مستشفى
بلا ما بكره احتاجهم ويجوجلو اسمهم يلاقوني طارقه اطلسهم طرقه مرتبه
مرووش
مسلخ ,, مسلخ,, المهم نتعالج ونروح أخر الحلقه,, مش نروح ايد ورا,, ومعاطسه قدام
ويسبـــره
أنا عارفه إنه كله بثمنه يا بطه,, بس حتى ثمنه موجود مسبقاً بالمستشفيات العامه,, ليش همه بيشتغلو تطوعي وإلا صدقه,, لا ,, بياخدو رواتب وعلاوات و مش عارفه إيش,, بس بدناش منهم إلا يحللو راتبهم مش أكتر
الله يسلمك,, بس بلاش جارتكو اليهوديه,, حرام
إم عمر سلامتك..
الجندية الشقراء اللي بنتصبح فيها عالحاجز ولا إنتي :)
لو نفرض إنو مواطن إجا يراجع إدارة المستشفى إنو قسم الطوارئ ما اهتموا فيي تماما.. ساعتها احتمال كبير إنو عشرطعشر موظف بين دكتور و ممرض رايحين ينفصلوا لإنو الزبون دائما على حق.. و لإنو في متابعة إدارية ابتداء من رأس الهرم (اللي هو المستثمرين أو صحاب المستشفى) و كل واحد بحاسب التي تحته بلاش يروح فيها
بالمقابل في المستشفى الحكومي ما في هالنوع من الرقابة.. و لو إنو انفصل بس موظف واحد لعدم الاهتمام الكافي بمريض.. الكل بمشي عالعجين
ملخص الجريدة اللي فوق كلها إنو في المستشفى الحكومي إنتي مريضة بس بالخاص انتي زبونة ;)
تحياتي
الحمدلله عنا تأمين ودرجه اولى بس برضه الف الحمدلله ما بنحتاجه بفضل من الله بس برضه أحيانا بيفكر الواحد مية مره ازا أحتاج مستشفى وين يروح عشان المستشفيات الخاصه ما بتصدق وهيه تلقط مريض عشان تعجب عليه خاصه ازا كان مؤمّن من جهة عمله,,,,فرصه يعني على كل حال الله لايرمينا بين ايديهم,,,
سلامتك يا رب...
بالنسبة للمستشفى الخاص إنت كيس مصاري فلازم يهتموا فيك... أما بالنسبة للمستشفى الحكومي فإنت هم وشغل ومين بيحب يشتغل بهالبلد؟ وأكيد إذا ما اهتموا فيك بتهربي وما بترجعي وهيك بيخلصوا من واحد من هالاكوام اللي بتيجي... والله يعين العالم!
جعفــر
يارب كل الجنديات والجنود اللي عندكو, شقر و صفر وحمر وخظر يارب,,
طب ليش مايصير فيه هال " هرم التتابعي" بالمستشفيات التانيه كمان,, مش كإنه هالشغله بدها شويه ضمير وبس,, إنه إعمل اللي عليك لا أكتر ولا أقل ولا تحّــقر المريض اللي جايّــك وتعامله كإنه هم وزاد؟؟..
الحمدلله إني زبونه,, يارب أضل زبونه وما أصير هم أو مرض على حدن
حلــوووود
الحمدلله ع التأمين,, وانا كمان عندي درجه اولى يا بطه وسقف خيالي للعلاج داخل المنظومه وخارجها ,, الله لا يحيجنا لا لسقف ولا لهيك قصص
كيــالة aka كيكي
الله يسلمك يارب,,
شو القصه,, واحد بحكيلي إنتي هم,, و التاني بحكيلي إنتي كيس مصاري ..
انا بدي حقي,, خلص,, قبعت معي,,
مابقبل بأقل من سفط شوكلاه ع حساب ويسبر كمان
ولو
واحلى صفط بين نارين بالفستق الحلبي لاحلى ام عمر...ولو كم ام عمر عندي انا :)
:: سمايلي شرير بغير الخطه اللي بشتغل فيها ليكسب ود وتعاطف المعلقين ::
ويسبر
تعاطف مين,, ع اساس انا قبلت الزواكي,, وع اساس بين نارين زواكي يعني ؟؟؟
:سمايل بداقر فيكي هالمره :
Post a Comment