حماي ومرته مسافرين يغيرو جو من الإسبوع الماضي,, وتركولي البيت اسرح وأمرح فيه
لا شو أسرح,, ادير بالي عليه
ف صرت مسؤوله عن شب وصبيتين و ولاد تنين صغار
ما أصعب المسؤوليه,, والمتابعه والتفتيش
كلها أسئله بأسئله
-أي ساعه بدك تروّح ع البيت؟؟؟
-واي ساعه بدك تصحى الصبح,, وإنتي شو بدك,, شو ناقصك
-وإنتو الثنين خلصوني أدرسو ,, ونامو بدري عشان مايروح عليكو الباص
-وإنتي الباص زهق وهوه يزمر الصبح,, صحى الحاره,, اصحيلك ابدر شوي
-ورن ع اخينا وإحكيله,, متى مروح,, اه كمان شوي,, طب لا إتطول بدي انام انا عندي دوام بكره
وعاد تااااا يتزكر يروّح بتكون الساعه بدها تصير 3 الفجر,, وهاااد عنده دوام كمان كيف لو عاطل عن العمل
- شو حابين نطبخ,, اه بتحبش المعكرونه,, أأأأه مشجعبالكم جاج,, أأأيوووواه الباشميل بعملك حرقه بالمعده,, اااااخ لا أحط بتنجان ع المقلوبه,, طيييب,, بدك نعمل حفله سكالوب ومقالي ,,لا هداك مابده,, وهديك عامله روجيم
- حدن بده يحط ع نيكلوديان,, والتاني بده فلم,, والصبيه بدها ميلودي ,, طب خلص شغلو التلفزيون التاني,, وك وطي التلفزيون صغاري نايمين, , وك قوم نام مش مفروض تحضر هيك افلام بهيك وقت,, وك,, شو مالكو عليّ انا إستبداديه صايره,, لا مش معقول
مش إني عم بتعامل معاهم بقسوه وديكتاتوريه,, لا,, بس حاسه كل حياتي معاهم قالبه دراما خليجيه
وطلعتلي فنه بالشغل,, رح تعجقني ل راس السنه الجاي,, إزا مش لبعدها
بطلت العب ,, ,,,
: سمايل بعيط وبهرب اسرع من سلام دنك:
لا شو أسرح,, ادير بالي عليه
ف صرت مسؤوله عن شب وصبيتين و ولاد تنين صغار
ما أصعب المسؤوليه,, والمتابعه والتفتيش
كلها أسئله بأسئله
-أي ساعه بدك تروّح ع البيت؟؟؟
-واي ساعه بدك تصحى الصبح,, وإنتي شو بدك,, شو ناقصك
-وإنتو الثنين خلصوني أدرسو ,, ونامو بدري عشان مايروح عليكو الباص
-وإنتي الباص زهق وهوه يزمر الصبح,, صحى الحاره,, اصحيلك ابدر شوي
-ورن ع اخينا وإحكيله,, متى مروح,, اه كمان شوي,, طب لا إتطول بدي انام انا عندي دوام بكره
وعاد تااااا يتزكر يروّح بتكون الساعه بدها تصير 3 الفجر,, وهاااد عنده دوام كمان كيف لو عاطل عن العمل
- شو حابين نطبخ,, اه بتحبش المعكرونه,, أأأأه مشجعبالكم جاج,, أأأيوووواه الباشميل بعملك حرقه بالمعده,, اااااخ لا أحط بتنجان ع المقلوبه,, طيييب,, بدك نعمل حفله سكالوب ومقالي ,,لا هداك مابده,, وهديك عامله روجيم
- حدن بده يحط ع نيكلوديان,, والتاني بده فلم,, والصبيه بدها ميلودي ,, طب خلص شغلو التلفزيون التاني,, وك وطي التلفزيون صغاري نايمين, , وك قوم نام مش مفروض تحضر هيك افلام بهيك وقت,, وك,, شو مالكو عليّ انا إستبداديه صايره,, لا مش معقول
مش إني عم بتعامل معاهم بقسوه وديكتاتوريه,, لا,, بس حاسه كل حياتي معاهم قالبه دراما خليجيه
وطلعتلي فنه بالشغل,, رح تعجقني ل راس السنه الجاي,, إزا مش لبعدها
بطلت العب ,, ,,,
: سمايل بعيط وبهرب اسرع من سلام دنك:
21 comments:
هلئ جد المطلوب منك اتابعي كل زغيرة و كبيره بهالطريقه؟؟؟؟
انو كأنو بالموضوع صبيتين؟؟؟؟ و الشب النضوة قلقانه عليه و عدوامه؟؟
نياااااله ابو عمر.....
سهلة! ارفعي إيدك و حركي أصابعك و هيك بتحكي راسك
العفو!
عن إذنك أخوي هيثم باشا، عندي حل ثاني:
خلي عمورة الأمورة يحكلك إياه.
و بأيّد كلام نشوة هانم و بالذات آخر جملة
;-)
ام عمر بلاه الكاز هاليومين طالما مشغوله شكلو عاملك حساسية.
بتوووووووووووووب
عمو/ خالو صال صال
بما اني فاضيه رح ارفع ايدي و احطها على راسي لانك بتأيدني :))
بس ليه بتناديني نشوة :(
مو هيك اسمي نادني فرتش الاسم المتعارف عليه بالحارة المدونيه هون
:give:
فرتش هانم، بأحب عادة أستخدم الإسم إللي بيختاروه الناس إ لهم في العالم الإفتراضي، و ما بأحب أستخدم شيء آخر إلا من بعد إذن صاحب الإسم، و إنتي هون مستخدمة اسم كثير صعب عليّ:
Euphoria
و لأنه لغتي الإنجليزية على قدي ما باعرف كيف ألفظه، فباستخدم المرادف العربي لهالكلمة.
و آسف فرتش هانم إن كنت قد أزعجتك
:shy:
و بما إنك فاضية، روحي ساعديها لإم عمر و حكيلها شعراتها
;-))
و بعدين يا خالو يا عمو، ما بأحب أكون معلق لا هيك و لا هيك
فرتش هانم ... مره وحده
لا ما ازعجتني ابدن بس انتا اخدت معنى غير اللي بقصده انا بقصد ب
Euphoria الفرحه D: مو نشوة..
ناديني فرحه مرحه ممكن بس نشوة ما حبيته :)
خال, خال :yai: لاني ملاحظه انو الك بنات اخ كتير بالمنطقه..
:-))
انتي اللي مدلعتيهم بصراحه...
في صبيتين هدول بدهم يتلحلحو و يعملو اشي معك ...الا اذا انتي موعوده بهديه محرزة و بدك تبيني الكنّه الطيوبه المنيحه...اعترفي حافظتك انا
بعدين فرصه تتحمو يا عالم...هينا عايشين وما بنحك راسنا عادي
ملاحظه ع الهامش
ما بعرف ليش ببدا اعلّق منيح بعدين بقلب شريره....شكلي بديت انعدي من بعض ناسات
: سمايلي بضحك ضحكه شريره و بعدين بحط ايده على تمه و هو مندهش من اللي عمله:
أنتي قدها أم عمر ...قدها وقدود
ما تنسي تعملي لهم كعك ...حرام:) وانا بساعدك ...ولا يهمك ...مساعده بدون مقابل او مقابل الدروس المجانيه اللي بدك تعطيني اياها
أم عمر يعطيك العافية :)
بس والله من بوست لبوست بتكتبيه بتعقد أكثر !
يعني مرة بتكتبي عن أزمة العيلة وسي السيد والاولاد وأزمة الشغل، وهسه كمان دار حماكي !!!!
شكلي شكلي ما راح عمري أتزوج علشان ما أتأزّم زيك !!!
فرتووووشة
أه جد هيك مطلوب,, وماخفي أعظم كمان :sad:
وك اه صبيتين بس وحده عندها مدرسه و وحده بتحضر ل عرسها ف مش فاضين,, إمبارح " النضوه" إن جاز التعبير حس فيني وروح بدري حرام,,
ع شو نياله,, إحكي الله يعينه أبو عمر :shrrrr:
هيثـــم
بتصدق كانت رايحه عن بالي هالطريقه السحريه الخياليه ل حك الرأس بثلاث خطوات
الله يجزيك الخير يارب
عمو صال صال
برضو حابه أشكرك ع المعلومه القيمه, بجد كان إثراء رائع للنص
الله يعينه أبو عمر ,, هيك الجمله الأصح
وإنت و فرتوشه,, إتطاوشو سوا سوا بليز:ch:
ويسبـــر
هلأ تقسمت الأدورا,, الفطور والغدا ع الصبايا والعشا عليّ,, خفت المسؤوليه شوي
أكيد في هديه,, حتى بدون ما يكون وراي أمل في رعايه الصغار,, وإحلمي اعطيكي إياها
شو بالنسبه للشر اللي عم بنقط من أحرفك , , جرحتي مشاعري يا بنت
:سمايل بتطلع بنظره حزيطه و بكف كف دموعه وبهررررب من ظلمك يا قااااسيه:
نيــســـانــــة
حتى إنت يا بروتسه
لا مش طبيعي التأثير السيئ اللي عم بنقله بين المدونين,, متزكره كنتو كتير رايقين قبل ما أندحش بصفوفكم,, ليش هيك صاير فيكم
ببلاش الدروس,, إنتي جيبي معك 5 كيلو كعك هووم ميد,, ومابدي منك مصاري,, ولوووو,, اكم نيسانه عنا ؟؟
كـــيـكــي
لا تفكري إنه كل شي بيصير معي,, حاصل بكل البيوت,, صدقن انا حاله إستثنائيه بكل المقايس
الزواج والأطفال والقصص الطرمه إلها محاسن اكتر من مساؤءها,, بس مابتنذكر ع الببلك يا صبيه
تتعقديش منّــي ,, أنا غير
:سمايل جورج وسوف إنت غيرهم يا حبيبي:
مع إني حاسس إني تبهدلت بلوغريا ً بس معلش... و لو إحنا هدفنا نخدم :]]]
هيـــثم
منعرف إنك رافع شعار احدى الأمانات
نعمل لإزعاجم ونأسف لخدمتكم
لا ماكانت بهدله,, حاشا وماشا,,
LOOOOOOOOOOOOL @ drama 5lejeieh!
ya waily 3laiky allah y3eeneeeeeek
there's absolutely no way I could make you feel better about this!
:smiley mshallef:
بقبوووووقه
بنفع احكيلك " بكرهك" بدل صباح الخير مثلن ؟؟:ag:
يعطيكي العافية قد ما مشت الجاجة حافية
غير معروف Mustafa Faour.
يعافي عمرك
Post a Comment