قطع الشوارع,,في الأردن

محسوبتكم عندها فوووووبيييا من قطع الشارع,,
لإني بخاف اصلاتن من الحوادث وقصصهم ومشاكلهم والدم والرصيف والتشحيط والتفعيط,, والبريكات,, وزيت المحرك
مرض نفسي,, بس غير معدي ( واخد بالك ويسبر هانوم )

بس إكتشفت إنه هالمرض ناتج عن سوء تعليم من الصغر ل قصة:
( كيف تقطع الشارع)
الجمله الوحيده اللي متزكراها من اهلي:-
إتطلعي يمين,, إتطلعي شمال,, مافي سيارات ,, إقطعي
ع الواقع,, هاي جمله خياااااااااليه,, أعطيني شارع واحد في الاردن,, حتى لو كان فرعي مافيش فيه سيارات
ف صفى هاد أول مطب بواجهني,, إنه بدي اضل واقفه شي 8 ساعات عبيل مايفضى الشارع وأطبق هالجمله هاي
او بتمشي خمسين كيلو متر عشان تركب ع جسر المشاه وترجع الرحله العكسيه للنقطه اللي بدك توصللها؟؟ حلوو صح
أو بتستنى ت حدن يقطع الشارع,, وبتروح بتمشي بحده,, ت تقطع معاه

طب ليه ماعلمونا,, ( كيف تقطع الشارع بوجود الإزدحام)؟؟؟؟؟؟

من جديد,, يعني ماصارلي شي 6 سنوات صرت اعرف اقطع الشارع
برفع إيدي ( زي لمى الشوفير بده يتجاوز بطلع إيده من الشباك وبلولوح فيها )
وكإني بحكي للعالم
مشااااان الله شوفوني بدي أقطع,,
وبضل ماشيه شوي شوي,, وبس يرضى السائق يخليني امر من قدام سيارته
بحكيله بإيدي إنه شكرن عمو,, الله يرضى عليك,, تفضل اكمل طريقك ياااارعاك الله



اللي تابع برنامج خواطر,, للمبدع أحمد الشقيري برمضان لاحظ إنه الأطفال في اليابان بتعلمو الطريقه الأمثل لقطع الشارع من همه وصغار
وهيه إنك ترفع إيديك لأعلى من جسمك,, عشان سائق المركبه يشوفك إكمنه الطفل أقصر من جسم السياره
حلو صح,, شوفوو الفيديو بتعرفو إش قصدي