المواقع الإلكترونيه,, الواجب المتأخر

من بعد طول مراوغات بالمدونين,, ,,
بكفي,, رح احل الواجب
ورغم إنه أحمد و ليو و فرتش بعتولي واجب القراءه وانا إعتذرت,,

( إنكرت معرفتي ل حالي)
بس,, خلص :k:

مع إني حليت الواجب عند خالتو كيكي,, بس خلص,, بدهم يدبسوني والسلام

مين إرسلي الدعوه,, السؤال الأخف ,, مين ما أرسلي الدعوه ؟!؟

جهاد,, بقبوقه,, أشرف,, ويسبر الشريره( شفت الكلام اللي كاينه تحكيه,, قال اسلوب قديم قال بقررررررررررهق أنا)

1- ما هي المواقع المفضلة لديك (كِ) وتزورها باستمرار؟ ضع (ي) رابطها و ما تستفيده منها ؟

بي إس :بعض المواقع بتابعها لإنه مابعرف أي ساعه بتنعرض ع التلفزيون,,

· أوبرا وينفري عشان أنقهر من الهدايا اللي بتوزعهن,, سيارات وبيوت ,, وأخر شي قصه رحله استراليا.. جابتلي جلطه ع الجرابين,, رسمي بحب شخصها وكفاحها ت وصلت للي وصلتله وتحقيقاتها وتعبها في سبيل إنها تحسن مستوى معيشة الناس حوليها( الله يبعتلنا وحده متلها)

· د فيـــل,, عشان اعالج الإنفصام اللي عندي,, قصدي عشان اشوف النقاشات

· فتافيت,, طبخات وزواكي جداد,, وطريقه مختصره لقلي التوم,, وفتح المعكرونه,, وبلا ريحه سمك بالمطبخ مع شويه مراميه في الزيت

· ريتشل ريّ,, بحكولي بببرم متلها,, بحب صرعاتها وقصصها الطرمه

· فيس بووك,, ملوش سبب محدد,, بس وجوده حلو ف حياتي أحياناً

· أبو محجوب ( منتدى وكرتون) سبب معظم صداقاتي هوه ابو محجوب ومنتداه,, معظمنا طلعنا منه وبعدين بلشنا تدوين

· جريده الغد الأردنية,, بتابعها من بداياتها ايام ما كانت توزع مجاناً ك نوع من الدعايه

· المدونات كلها بشكل عام,, حتى لو مابعلق ,,وفي مدونات مابعمري علقت عندهم,, لكني متابعه للأبديت أول بأول

· موقع طقس الاردن,, كلنا بنتابعه شكله

· عمو قوووقل,, أي شي بجوجله,, إزا عطست عطسه وشكيت إنها غلط,, بجوجلها( إلي مواقف لااااا تذكر ع جوجل غلط)

· مدونتي الخاصه,, المخفيه,, ملهاش لينك,, لإنها مخفيه

2- ارسال الدعوة إلى أربعة مدونين : (( ))

عاد شوفو ما أحسني ( مش إنه مش ضايل حدن ماتورط,,لا ابدن) انا بغصبش حدن,, اللي حابب يحل الواجب,, الطريف مفتوحااااله

بي إس,, بكرهك ويسبر,, بقرهقققققققققققققققق