تجربتي مع الموت-أكشن

الحمدلله,,, بهيك ببلش وبهيك رح اختم هالفضفوضه
امبارح صار معي موقف,, خلاني ارتعب و أموت بأرضي ميت مره.

بعد داومي اخدت عموره من عند ماما ,, وكنت بدي أروح ع بيتي
ف الحل الوحيد اني أخد تاكسي,,
بعد ما ركبت بأقل من دقيقتين وعند جسر الهاشمي طلعت سياره من اقصى اليمين على نص الشارع,, شوفير التكسي إتخذ إجراء سريع وشحط بريك,, وبهيك تجنب حادث كبير

المفاجئه كانت بعد ما انشحط البريك بأقل من دقيقه اجت سياره مسرعه و ضربت التاكسي من ورا,,, إتحطم التكسي ومقدمه السياره بشكل مرعب.
طبعا اعصابي فرطت’’ لساني كان بس يدعي إنه ما يصير بعموره إشي,,,
ربنا سّلم ,, انا اكلت ضربه خفيفه,, وعموره الحمدلله ما صار فيه اشي

بعد الاصطدام انزلت بسرعه من التكسي,, علقّ الباب
دفشته و ركضت برا,, العالم عم تنادي علي انه استنى ناخدك ع المشفى
بس من كتر ما كنت خايفه حسيت حالي انطرشت,,مسكت حالي ت وصلت بيت اهلي
المسافه ما كانت بعيده,, لمى دخلت البيت مره تانيه الكل تفاجئ
ما أخدو عموره من بين إدي,, الا انا فارطه...

بس الحمدلله ,,, إنقضت ع خير