بتكون في حالك ,,في أمان الله
مابتشوف إلا المصايب ( جمع تطبيل) بتدق عليك الباب
ومعندكش خيار أو أوبشن إنك ماتفتحلها الباب
بتحاول تحبس حالك عن كلللللللللللل الدنيا ت ترتاح شوي
أو مش ترتاح,, بعيد هالمصطلح
ت تتناسى,, ت تتلاشى الشي اللي بوجعك
بتلاقي الدنيا ,, صارت فجاءه تحبك
وتطارد وراك
وبتصير -بس بوقتها- شخص مهم عند العالم وبهمهم يشوفو سحنتك بالوقت اللي إنت فيه بتكون مش طايق ( جراباتك) ونفسك تنعزل ع جزيره محوطه بأسلاك شائكه كهربائه ت ماحدن يحاول يوصلك بعد هيك
شو تعمل بساعتها؟؟
يا بتهرب,, يا بتواجهه
الهروب أحلى,, ليش؟؟
لإنه النهايه بتصفي غير معلنه
حتى لو منعرفها
بس بضل إنه إنتهت القصه أوالحكايه ع شي غير معروف
وإنت هربان,, بتحاول تقنع حالك إنه إنت مبسوط
وفرحان,, ولازمن تعيش كل ثانيه بفرح وسعاده ونط نطه
وبتمارس كل شي كنت تاركه ,, وناسيه
بتنخرط بالمجتمع,,
بترسم قناع الضحك الأهبل ع وشك ت تقنع العالم إنك بعدك عايش بسعاده وسلام
وع غمزه عين,,
ع شي سخيف
ع مقارنه هبله
بتصحى
بتلاقي إجريك بعدهم ع الأرض
وبعدك إنت الخسران
وبعدك لحالك واقف تحت المطر,,
فش إشي يحميك,,
فش إشي يدفيك
..
.
.
صارلي فتره بحاول أشطب إيميل الياهو بتاعي برغم إني أنشأته بال99 وعليه كتير داتا وبيانات وصور بتخصني وبتعز عليّ
هلأ ت إنشطب معي,,
مافرحت ولا زعلت ,, غريبه
بعتذر من الناس اللي كانو مضافين عليه,, بس هيك أريحلكم ما تشوفو وشــي عليه كمان
كنه الإسبوع الجاي دور الهوت ميل
:)
الله أعلم متى دور هالبيت الإلكتروني
10 comments:
الهروب ...أحسن و احلى واريح
واللي مش عاجبو يواجه المواجهه لحالو
...ما عاد في طاقه لمواجهه ولا للنقاش ولا للجدال
خديني معك
لحظه لاشوف انت ضايفتيني عالياهو ويلا الهوت ميل :$
:)طلعتي ما بتكرهيني كتير
بكره بس يكون سبب الديق اللي عندي مش من اشي انا عملته او من شي انا قصّرت فيه لأ من الناس
و بالعاده بكون هالديق و النكد من الناس, ما بنقدر نعزل حالنا - هيك مميتي حكتلي مع اني بقدر :) - بدنا نتكيف مع الوضع مع شويه فرض لقوانين بترضينا لحتى اللي حوالينا همه اللي يتغيرو
دجّي بالعقل و شوي شوي بتتعود الناس :)
هاي خطتي الخمسينيه اللي لسا قيد التخطيط مش التنفيذ :(
و موضوع تسكير هالبيت الالكتروني رجاءا اقرئي قانون التدوين....منّوع منعا باتا ماتا تسكير /اغلاق/ قفل/رد درف اي مدونه الكترونيه
حتى اسألي هيثم :)
حتى إسأليني ، آه!
هذا خط أحمر قرنفلي ممنوع تجاوزه!
البيت بيظل موجود
انتهى! (فرَمان)
**مالكو يا جماعة الخير هاليومين! :(
نيســـانة
رح بعتمد كلامك,, وصدقيني
محدنش رح بيكون مبسوط (معي) بهروبي
شكله في مؤامره من كل أطراف الدنيا إنها تهجم علينا بنفس التوقيت,, ت مش بس ينهد حيلنا,, لا
ت ينشل أملنا وينقطع نفسنا من مره
ويسبر
ضايفاكي هوت ميل,, بس ما هوه لاحقه الدور كمان ;)
يااااااااااااااريت أتحاسب ع تقصيري,, أو إنه تكون مشاكلي ع إني وحده ( مثلن) مهمله أو مقصره,, او أو
ياريت,بجوز ع الأقليه ما أحسش ساعتها بالذنب إنه ليش هيك طبلت معي
حكتيلي نتكيف أه,,
أزا زبطت خطتك,, أطعليني ع بنودها الخماسينيه بركي شريتها منك
شو بالنسبه للمنع؟؟
مين هيثم؟؟
هيثم
أه,, إنت هيثم
غريب,, هوه النت أعطاك مفاتيحه من ورانا وإلا إيييه؟؟
رح بيضل البيت موجود/مفتوح بأوامر من السلطات العليا ,,مش مني
لو بإيدي,, كان إتسكر/ إنحذف/ إنحرق من قروووون هالبيت
بس بمونش :)
ما مالنا شي,,, مطبله بس
آه أني هيثم
و اللا شو لعااااااااااااااااد
أنا بستنى صال صال ييجي و يشعبر هون عن معابره
:)
أنا معي مفتاح واحد بس
بقية المفاتيح مع نانا ويسبر
"بحكم الأقدمية طبعا ً "
هع هع
هيثم
مع إنه التالي إله ذكرى حلوه,, بس هالمره مش رح تتزكرها إنت بشي حلو
ضحكه جاجه ع باب تلاجه يارب
,, قال معي مفتاح قال
شيك عليه,, بتلاقيه مش أصلي
عليه صدأ من الأطراف
مفتاح النت ليزري, وبنتسخش منه وموجود معي ,, و هوه هلأ مش معي
انا لاعلى هوت ولا على ياهو هههههههههه
كوني طيبة
صدقيني من حسن حظك
لووووووووووووول
Post a Comment