إنسو البنايه اللي بتمسك فيها وكان عاملها معّلم تاريخي للزياره
معظم الدول بتحافظ على معالمها إلي إتدمرت خلال حروبها مع العدو
بيحكيلكو: الليله زحف سلمي
وأما بعد,, في زحف من الداخل( دموي يعني) وبعدها أٌمــمّي
أول مره بشوف حدن بيطالب شعبه بالتلاحم
بيدور ع حمام دم,, ومبسوط عشان في إله أتباع
هاين عليه شعبه لدرجه إنه مش سائل ف إتباعه يموتو أو ينحرقو أو يتشنع فيهم
قال شو: إلبسو باجات ع إيدكم عشان تنعرفو وروحو ظبو أولاد المخدارت من الشوارع
هظول اللي بالشوارع ناس محبحبين,, وسكرانين
في مصر,, وصفو الثوار بإنهم ( مخنثين وشباب فافي ملهمش لازمه) وهوه وصف شباب شعبه اللي بدهم التغير والإصلاح ( بتعاطو حبوب ومش صاحينين- وين كنتو )+ ( جرذان)الله يعينه بس
والمرتزقه,, مش هوه اللي جابهم
وأصلاتن ( ع قولته) الأمن سلمو أسلحتهم للدوله لإنهم أجتهم أوامر من القذافي بعدم إطلاق النار على الناس العزّل؟؟!! ؟؟
دقت ساعت العمل,, أهلين,, أهلين
مش مكفي إنه خرب كل العلاقات بينه وبين شعبه,, راح ( زاد الطين بله) وخرب العلاقات بينه وبين دول الجوار وبين الدول إلي إلها وزن في الساحه الفنية
السؤال اللي محيرني,, وحكيته كتير
معقول إنه هالجنان هاد طلع "بكبسه زر" ؟؟
معقول طول هالسنوات الإربعين كان عاقل ,, وكل تصرفاته لشعبه بتجنن وهلأ بس إختل توازنه؟؟
معقول الشعب اللي ماكنا نعرف كيف عايش,, هلأ صرنا نعرف إنه كان ماكل روح الخل؟
الهتافات الجديده هلأ
الشعب,,, يريد,,, تفسير الخطاب
20 comments:
سلام
أنا بس بدي أهنيكي كيف قدرتي تفهمي عليه شو بيحكي...امبارح ضليت أحول أفهم و أجمع الكلمات و أعيد ترتيبها و حتى لعبت فيها كلمات متقاطعة مشان أجمع جملة مفيدة بس عبث
مواطنون بلا حدود
أهلين
تسلم يارب,, ما إستصعبت ولا كلمه
برغم إني قضيتها أضحك وأصرخ
مهو أول ردة فعل بالشارع كان إنه بدهم ترجمه للخطاب
صباح الخير
تراكمات هبل و أشياء أخرى كثيرة
!
الله ياخذه
و بعدين ديري بالك مش عمر المختار اللي جاهد ضد الطليان..جد القذافي هو اللي حرر ليبيا كلها
أصلا مين هاد عمر المختار؟؟؟؟؟؟
بالله حدا عاقل بيحكي أنا المجد و أنا العزة؟
جنون العظمة
is the understatement of the year!
عمر الكلام يا ام عمر مايرجع اللى كان وعمر الخطاب مايدارى الخراب والحقيقة ان الشعب يريد مزيدا من الخطابات التى تؤخر ولا تقدم الا لمزيد من شعلة الانتفاضة وصولا الى ثورة الحق لكل الخلق مع تحياتى
القذافي طول عمره ما حكى كلمتين عدلات على بعض
بدكم هسا يبدع؟
ما إنتو شايفينوا همجي من يوم يومه
مش بحكولك ديل الشو إسمو طول عمرها عوجه؟
ما رح يطلع و لا رح يتنازل! رح يسحلوه بالشوارع.. و بكرة بتشوفي. واحد افضل ما يمكن وصفه به هو انّه "معتوه" و يجب مداراته. يعني و الله ... الله يعين اهل ليبيا على هذا الطاغية السفيه
بدّو حمّام دم؟ ممكن ... لكن سيكون اوّل من سيغرق فيه...
لعنة الله على هيك زبالة صارت تهدد و ترعب و "تحكم"... الله ياخده
أم عمر
مش بكبسة زر....مهو مجنون من زمان
لكن هلا هستر "من هيستيريا" وشكراً على التوضيح لاني امبارح كان معمي ضوي من الكموني اللي لابسه وما فهمت عليه الا الجرذان والمقملين...الله يحرقه قد ما حكى مقملين صرت احكحك شعراتي:) الله يهدّه يا رب
هيثم
تراكمات كتير أشياء,,
بس معقول حاكم وأهبل؟؟
لاء
الله يطول بعمره ويهد حيله
بقبوقه
اه ,, نسيت أدونها هاي
قال كمان, أسيب رفات أجدادي الأحرار وأهرب
ع أساس عايش ع اثرهم,, للأطهار ,, إن كانو
ع قولته
مين عاقل؟؟ مين هوه أصلاتن؟؟
is the understatement of the LIFE!
فاروق85
الله يعطيهم العافيه ويكون ف عونهم هالشعب,, بجد كيف بيصبرو ع هيك مصايب ومذابح الله أعلم
يعني إحنا بعدنا بنحلف ب صبرا وشاتيلا
شكلنا رح ننساها قدام اللي بيصير بليبيا
حسبي الله ونعم الوكيل
نور خانوم
ذيل الشسمو؟؟
هوه أنا بتوقع إنه بجد عمو صال صال طرقه عين عند قصه التك توك,, وإلا ما كان في أمل يطلع ويحكيلنا " أنا فهمتكم" زي أسلافه
قويدر الرائع
كنت حابه أرحب فيك ف بيتي بظروف أحسن من هيك
أهلا وسهلا ,, نورتنا والله
يارب يحقن دمائهم ومانشوف لا حمام ولا نيله تنيله
اللي مستغربه,, إنه بده يضحي بكل الشعب
سواءً المقاومه أو الناس اللي معاه في سبيل إنه يضل الزعيم الأوحد ل " ليبا النفط"
اللهم أمين
نيسانـــة
أوبااااااااااه,, نسيت كلمه" مقملين" هيه هاي اللي خلتني افقد أعصابي وأرقع الريموت بالأرض
خسرت ريمونت,, وخربت الدنيا وضحكت من هالكلمه
رح بيصير إسمه,, الكائن الكموني الفضائي
إستني عليه بس
أحتفظ لنفسي بحق التعليق و لكن هذه كلمة سريعة بشأن آخر نقطة:
صباح الخير إم عمر هانم، شكلك جديد جاية من المريخ؟ أي طول عمري و أنا باعرف إنه مجنون رسمي و دائما باحكي لليبيين: ليش يا جماعة بتخلوه يعمل فيكم "استخف قومه فأطاعوه"؟ طبعاً بالحديد و النار و المصاري
و بعدين الهتاف الجديد:
الشعب يريد علاج الرئيس
اولا زي ما حكا مواطنون بهنيكي انك قدرتي تفهمي عليه....اذا الجزيره نفسها كل 5 دقايق ليعرفو يستخلصو شي من حكيه ويغيرو الكلام اللي بالبانر تحت
صراخ و حكي بلا طعمه و انتقال من موضوع لموضوع دليل انه خايف وجبان و بأذن الله راح يموت بارضه هو و اولاده....الحل و الخلاص بموته هو و اولاده
ربك كبير وقادر على كل شي و تغيير من حال لحال برمشة عين
ربنا ينصرهم و يخلصهم من هالطاغيه المجرم عن قريب يا رب
Very comprehensive analysis, the best so far!! You helped me understand what he said now. I really got depressed yesterday when I listened you his talk on you tube. I was in my office cursing him that I had to shut the door so people won’t hear me …lol
How can a lunatic like him be a leader? And Naysan talks about change, what change when they accepted this mad maniac to be their president for 42 years and may be more!!!!
You should be hired by TV channels as Qaddafi’s Translator. You’ll make good money in this current situation………think about it ;)
Best,
Nilly
صدقا ما بعرف كيف قدرتي تفسري اللي حكاه ؟؟ غبي ومتخلف !!! وهدا مش جديد ! ارجعي لخطاباته وشوفي العته اللي فيه
خديلك هدا على سبيل المثال
http://www.youtube.com/watch?v=uo63fHtzrtc
انا متاكدة انه مناهج التعليم عملها بطريقة تخلي الناس منومين مغناطيسيا انه ساكتين عليه
بس ان شاء الله قريبا بطير هو التاني
يااااااربي
وحياتك ياام عمر ما بلحق فِك كلمتين بيحكيهم إلا وبيصدمني بعدو بحكي أعظم منه!
وبيستخدم كلمات لاتصدر إلا عن ناس قذرة بصراحة وكل الاوصاف اللي أطلقها فهي له ولأعوانه
ان شاءالله بيقتلوه ويسحقوا عظاموا سحق
فاضلوا خطاب وبينقلع, متل ماتعودنا باللي سبقوه 3 خطابات و بببححح
أكتر شي فطست ضحك لما بيقرأ من الكتاب الأخضر ههههه بيقرأالكلمات من فوق !!
الله ينصرهم يارب
عمو صال صال
يبدولي إنه الكعك مأثر علينا كلنا
ما قصدت إنه كان عاقل وطق مره وحده, قصدي وين كانو العالم عنه ت يستنو ت يذبح شعبه متل الخرفان ,, ت يتأكدو من هيك حكي
حقك محفوظ,, البيت بيتكم
بإمكانك تترك رأيك بأي وقت,, بإنتظاره أنا
ويسبره
يارب يسمع منك ومنا,, ويعجل ف خلاص هالشعب قبل ما ينزفو أكتر من هيك
تسلمي ع الإطراء خيتوه,, خجلتوني
:-)
بدي كعك
نيلي الجميلة
مابقدر أشتغل بالتي في,, بلاش تلاقوني ف يوم مرشحه حالي ل مناصب إداريه بلوغريه بتخوف
مصاري.. أخر شي بهمني المصاري
بدي كعك أنا
;)
سمسمه
عاد لهجته قريبه من لهجتنا,, ومفهوم كلامه
بجوز ما عرفتو تسمعوه من الصوت العالي بالمخابطه ع المنصه
لوووول
looooooooooool @ the link
رصاصــة
أهم شي بخطابه
اخرجوا الليلة ابتداءا من الغد"
الذين ماتوا في المظاهرات سوف يندمون اشد الندم
قدمت استقالتي من الحكم، لكني كرئيس للدولة لم اقبل الاستقالة
...القذافي يلغي البلاك بيري في ليبيا سواء كان سامسونغ او نوكيا
عمو صال صال
مـ حكتلك بس تجي عمان إلك أحلى كيلو كعك
وإزا بتعيد هالكلمه مره تانيه
" كعك"
ببطل وبتراجع وبطالب بإغلاق مدونتك ع الفور
Post a Comment