سيناريوهات محتملة

 ليش متغيره إنتي هيك؟

ليش أنا كيف كنت قبل عشان يطلع معك إني متغيره؟

كنتي ع الأقليه دايماً مبتسمه وما بنلاحظ إنك مكشره حتى لو كنتي ف نص طوشه

معرفتش إنه إلي " كتلوج" إلا هلأ ,, ت تتصفحيني وإنتي مبسوطه ع حالك

لا تكبريها,, كل قصدي إني حاساكي قالبه ل بني أدم جديد

مممم,, كإنه أنا عم بكبر وبعدني عم بكون شخصيتي وبتقدريش تحكمي عليّ هلأ

مش حلو هالبني أدم ع كلن

أنداري

مش ملاحظه إنه " فلان" بيخصك بالصباح بشكل مميز كل يوم-

لوووووووووووووول-

ليش بتضحكي هلأ,, أنا بحكي صح وإلا مش مصدقه؟-

طيب ماشي,, وبيخصني بالصباح وبعدين؟؟-

لا بس مستغربه ليش هيك بعاملك كويس بزياده حبتين-

وين الغلط؟-

مش غلط,, بس ليش إنتي بالذات دونن عن الكل-

مش كإنه في عشره عمر بيناتنا ,, وفي علاقه أخويه بكل الشركه,, وبعدين فلان,, بس يجي ع المكتب بيسلم ع الكل بدون إستثناء وبحكي معي لإنه في شغل مشترك بيناتنا مش أكتر

أنداري-

ييييييييييييييي,, ليش لابسه هاد الشال ع الجاكيت الأسود,, طالع مش حلو

بشو بتنصحيني

إلبسيه ع الجاكيت الأحمر بطلع طقع

المشهد تاني يوم ولابسه اللبسه المقترحه

يييييييييييييي,, مش حلو طلع,, لبسة إمبارح كانت أحلى

خلص بكره برنلك قبل ما أطلع عشان ما أغلط زي هيك مره تانيه

مش حكتلك,, كل ع زوقك وإلبس ع زوق غيرك

أنداري

بي إس,, يعني لو أنا مش مقتنعه بلبستي وشايفاها الف مره ع المرايه قبل ما أطلع,,وقاعده أكوي من صباحية ربنا..  رح أستنى المخراجات ومداخلاتكو عشان أعدل من لبسي وزوقي؟؟؟

كتير سناريوهات بتصير مع الواحد بتخليه بمشي يحكي مع حاله,, وين الغلط؟؟