بيخلوني أضحك؟؟!!؟؟

أنا من الناس اللي ذاكرتهم فولاذ

هالشغله حكينا عنها بمدونه عمو يوسف بالزمنات

مش هون القصه,,أو الحبكه

الحبكه,, إنه اي ذكرى أو موقف برجع بنط قدامي,, بس اتزكر 

كلمه صارت خلال الموقف ومرتبطه فيه 

او حرف

او غرض إنمسك

أو

أو

يعني بس اشوف / مثلن/ قهوه إنكبت

بتلاقيني أوتماتيكي إتزكرت كل فنجان قهوه إنكب قدامي بحياتي

وشو صار

وشو عملت

وضحكت وإلا إتدايئت

وإزا ضحكت

يا خرابي,, برجع بضحك كإنه الموقف هلأ,, هلللللللللللأ هلأ صار معي

حتى لو كنت بالشارع ,, او بين ناس

بس اصحى ع حالي والاقيني متل الهبله بضحك,,بدون سبب واضح,, بعمل كإنه كنت عم بكح ومش طالعه الكحه

التالي هيه مجموعه مُصغره من مصطلحات إزا بسمعها او بشوفها بصير بضحك

بطريقه هستيريه في بعض الأحيان

كنت سنه أولى كليه,, وأيامها كان يجي الباص ياخدني من باب البيت

طلعت بالباص,, وحسيت إنه البنات بتضحكو عليّ

لفيت وشي عليهم,, عملو حالهم بطلعو ع شي تاني

سألت صاحبتي,, ع اساس,, إنه وك شوفي

حكتلي ولا شي,, أبصر 

وصلنا الكليه وخلص النهار وروحت ع البيت

وأنا حاسه كل العالم عم تتضحك عليّ

بس رجعت ع البيت,, وإز ب اختي الصغيره بتضحك برضو

وراحت نادت إمي,, وصارن يضحكن

أنا إنجلطت,, ولكو وشوو فيييييي

بتحكيلي إمي,,روحي شوفي حالك بالمرايه,, بس ع الجهتين يا بطه

رحت زي الأسد,, اشوف إش في

وإز بي ملقط غسيل من الحجم العائلي معلق ع قبه قميصي من ورا

أتاري المفعوصه إختي بدها تنتقم مني عشني اكلت حبه البوظه تاعتها

بكرهها

 

 روحت من الشغل,, ومهدود حيلي

بالعاده بروّح ومعي زواكي وشبوسات وعصائر وهيك قصص

عموره بينط بيفتح شنطتي كل دايمن عشان إينقي أغراضه 

مع إني بجيب من كل غرض قطعين عشان ضرته بيسان

ف يوم,, فتح شنطتي وصار يعيط

إييييه,, وك شو مالك يا ماما؟؟

محكاليش,,  وفكرته بتزانخ اصلاتن

طلت من الشنطه بوكيت شيبس وفتحته بدي أطعميه

هرب ع الغرفه التانيه وصار يبكي

أنا إنفصمت رسمي,, لحقته ورجعت سألته مالك

بحكيلي بديش أكل شيبس

وك ليش

بديييييييييش,, كلي إنتي بالأول

متل الهبله أكلت أنا ,, ورجع هوه إيعيط

ضليت شي خمس دقايق أستجوبه إنه شو مالك

بالأاااااااااااخر حكالي

هسه باكل من الشيبس وبطير ع السقف وبنزل في البركه

بس إحنا ما عنا بركه ؟؟ وين رح أنزل

لوووووووووووول,, طلع مصدق دعايه شيبس الدوريتوس وخايف من الشيبس

لهلأ مابياكله هوه,, ولا بقرب صوبه 

 

يوم ولادة عموره,, وبعد ما طلعت من غرفه العمليات

حطوني بغرفه الإنعاش عبيل ما أصحى من البنج

ونادو إمي عشان تضلها معي عبيل ما أصحصح وأنزل ع غرفتي

إمي شافت منظري فكرتني ميته وبلشت تبكي

والممرضات يهدو فيها,, وهيه أبدن

عبيل ما صَح صَحٍـت أنا وبلشت اهذرب

شوي,, إلا أنا بنادي ع إمي

وبحكيلها,, ميزو,, ميزو,, بدي ميزو

وببكي,, وبعيط بصوت عالي

إمي إلتخمت,, إنه شو ميزو هاد,, ولكو حدن يعطيها ميزو ويسكتها فضحتنا

أغمن عليّ  ونمت 

بعد شوي,, صحيت ورجعت طلبت الميزو

بس هالمره حددت طلبي

حكتلي يما,, بدي إتحطولي إياه في الجلكوز,,بدل هالميه اللي في الكيس

جعانه كثير

هالمره إمي خف عقلها وبلشت تضرب أخماس بأسداس

اجت الدكتوره وطمنتها إنه كله تمام وهاي كلها هلاوس بينج

الزناخه في الموضوع إنه يوم ولادة بيسان عملت فيها نفس الفلم

وطلبت نفس الطلب,, بدي عصير ميزو برتقال وجزر 

 

إزا متخوثتوش عليّ إكتير بكمللكم الحكي 

:))