أنا ,, بحب ,, أنا

بحب التناقضات الموجوده فيني

بحب  إنه إزا كرهت شي،،

لو القرود الزرق طلعولي يقنعوني أرجع أحبه ما بقدر

بحب إني بعرفش أكون موجهنه،، 

يابكرهك يا بحبك

و بوَصّلك إني عندي هالشي،،

عشان ما تنغر بتصرفاتي،، أو تفسرها ع كيفك

بحب حياتي هلأ،، مش إللي كانت قبل

بحب،، قدرتي إني أطلع من أي مشكله بتوقع ع راسي بالحكمه والتأني وأكيد التوفيق من ربنا( هاي جديده )

بحب السعاده اللي أنا بصنعها حتى لوكنت غرقانه بمصيبه ومش قادره أخذ خطوه واحده لقدام،، 

حبيت شعور السيطره اللي بتملكه في بيتي،، مملكتي

مافي شي بيمر ع بيتي بدون إذني

أشياء سخيفه وبسيطه وممله أحياناً ،،

 عندي شعور بالنشوه بتملكني وأنا بعملها

شو أطبخ،، شو ألبس،، شو ألبس الصغار،، وين مكان الأثاث،،

 شو أكب بالزباله،، مين أستقبل ،، مين ما أستقبل 

مملكتي الخاصه،، اللي فيها سيطرتي المطلقة

حبيت الحاسه السابعه اللي عندي

إني بقدر أحلل الشخص اللي قبال بيكرهني وإلا بحبني،،

 وإلا مش شايلني من أرضي

وهالشي خلصني من كتير مشاكل،،

 وريحلي راسي وفلترلي الناس اللي عايششين حوليّ

حبيت ،، وحبيت،، وحبيت

في أشياء كثيررررررررررة فيني بحبها،، 

حتى لو لقيت شي ما عجبني،،

بضل وراه ت أغــيره عبيل ما يصير يعجبني

تعلمت أتقبل إل " أنا " كيفمنكانت،،

واطورها وأشتغل عليها لإنها أول شي مفروض أصادقه بحياتي

شو بتحبو بحالكم إنتو ؟؟؟

هاي للناس اللي نطت لأخر سطر 

بكرهكم