عطلة راس السنه الهجرية,, أنا والمدير,, والذئب!!

تحزير شديد اللهجه،، البوست عباره عن فزفزه ولك ولت وعجن،،

مـــــا بين شد ومد

وهزر وفزر

وتشيجع الزملاء

ومش عارفه شو،،

 قررقرت أفوت ع مكتب المدير العام

وأنا حاملة كل أمالي وطموحاتي،،  إنها تطلع شركتنا إمعلطة 

:(((

ودي الحاجه الوحيده اللي ضربتها بالليله المنيله دي

المهز 

دخلت على مكتبه بكل ثقة،،

 زي الطالبة النشيطة والعاملة المُجده ومعي معاملات بدها شغل

خلصنا الشغل،،

 إستغليت فرصة إنه رايق وسعلتـــه؟؟

يا ترى،، إحنا إمعطلين السبت؟؟

زاح الكرسي بتاعه للحيط،، 

ورفع راسه ،، 

وكتف أيديه،،

 وإتطلع عليّ بنظره شزره " إيه يعني شزره  دي" وحكالي بالفوم المليان

هوه إنتي مسلمه وإلا كيف؟؟

إتطلعت ع حالي،، لقيتني والحمدلله لابسه الحجاب اليوم ( لووول) ولبسي محتشم ومبين عليّ لبس الإسلام ع الأقليه

فـ حكتله أه مسلمه

حكالي،، إزن مش مفروض إتعطلي

حكتله بس العطله عشان مناسبه إسلاميه ،،

رأس السنه الهجريه وإزا إحنا ما عطلنا " كـ مسلمين" منو بده إيعطل؟؟

رجع زبط قعدته وحط إجر ع إجر،، وغير نبرة صوته لشي من الإستهزاء وقااال

لعن الله أٌمـــةً كثرت أعيادها!!!

خلص الحوار تقريبن بعد هيك بكم جملة من نوع " حق موظف" و " نيالهم المعطلين" و شو هالأيام اللي وصلنالا"و " مانشات عسكرية وقرآن"

طلعت من مكتبه،،

أجر أذيال الهزيمة

 ف بيسألني أحد المهندسين شو صار معك،، بما إني دائماً بوز مدفع الشركه

حكتله إطمن،، إستطمئن،، إحنا من غير الملعونين،،

 وكل المعطلين" ع رأي المدير" ملاعين

لووووووووووووووووووووول

حشش المهندس،، وفي بعض موظفين سمعو الحوار إتجكمو عليّ،، وفي ناس أوغمن عليهم من الضحك

ياربي شو حظي في العطل أنا

إشتغلت مع شركه كلها مسيحين،، كانو ميعطلوناش لا راس سنه ولا ميلاد مجيد

إشتغلت مع شيوخ،، لعنو العطل

إشتغلت مع ملحدين،، طلعو بعبدو الدوام وبقدسوه وبيستخفو العطل

وين أروح أشتغل عشان أعطل زي البشر التانيه أنا ؟؟؟

:((((((((