الله يكون معك,,فرتوشه ئلبـــــي

هالبوست إهداء لصديقتي وأختي وحبيبتي فرتوشه ئلبي إم الأزعر جادوه

بجوز ما تقرأه حتى،، بس المهم إني حكيت

فرتوشه قدمت إستقالتها عشان تتفرغ للباشا جادوه وعشان حياتها جاي على مناحي ومنحنيات كتيره،،

رح افتقدها إكتير مو شوي

اوكي رح بنضلنا ع إتصال،، بس اكيد مش زي لمى تكون هيه موظفه،

حياة الموظفه بتجبرها في معظم الأحيان تكون ٨ ساعات أون لاين ع المسنجر عشان الشغل..

وهالإجبار،، بجبرها إترد ع الناس اللي بتراسلها بالمسنجر،،خاصه الدبقات واللزقات أمثالي ...

أنا وفرتوشه صرلنا من ٢٠٠٨ تقريباً مع بعض

 ما بمر يوم إلا بنتحاكى شي ٤ أو خمس مرات

إزا مش مسنجر ف تلفونات ومسجات ورنات وتسكيرات

مديري حفظ صوتها،، وبعده بتزانخ عليها من كتر ما بسمعه

سنحه تسنحه صحيح :(

أنا أوحب فرتش،، لإنها الكربونه البيضا مني

أنا الوجهه الأسود وهيه الأبيض

أنا اللي بتلجألي هيّــه عشان اساعدها ف مشكله 

بتلاقيني وقعتها ف الف مطب ملوش حل

حتى لو إلها الحق،، بطلعها غلطانه ولازمن تتأسف لمين ماكان الطرف التاني

مش من قليل إبتكرهني هيّــه...

أنا اللي مسموحلي أتزانخ عليها ع النت وبرات النت،،

صحيح بتردلي الصاع صاعين،، وبتحسسني إني حشرة وبتكشني عن وشها

بس المهم إني بفرح بهاي المناغشات القليلة...

على فكره،، فينا صفات متشابهه

بس الصفات اللي بنتعاكس مع بعض فيها أكتر بكتيييييييييير

الإختلاف دائماً متواجد،، ودائماً في نقاشات طرشان بيني وبينها بتنتهي بتغير الموضوع لإنه محدنش رح إيغير رأيه عشان سواد عيون التاني ....

**خاصه هالسمايل اللي بتخليني أطلع من مودي عليه { :) }

حبيتها لإم جادوه،،

 دخلت بيتها ،،

 دخلتني عيلتها وعيلة زوجها،،

إنبسطت إكتييييييييييير بهيك معرفه وهيك صحبه وهيك أخوه 

ناس طيبة ومربايه صح ومحترمين لأبعد الحدود....

قلبي متشنج ع فراقها بعد شي كام يوم

حاسيته إتخدر ومش راضي يشتغل 

يارب ما أنحرم منها،، وماحدن ينحرم من أحبابه 

:(((((((