لكن صابرين,,ذكرة هبلة

صباح الخير  ع الجميع،،
 صباح المطر الجميل ،،

هاد يا جماعة الخير وأنا وبالتوجيهي

كنت مشتركة بشلة بتتكون من ٦ بنات،،
 قاعدين ومتمركزين،، بجهة الشباك ,، كثيرات حكي،، ومتفوقات

برغم إنه كنا من أوائل الشعبه،، لكن هاد  ماكان يغفرلنا قدام الهيئة التدريسيه كلها

والعيب الكبير اللي كان ملزق فينا إنه دائماً مش موجودات للتدريبات الرياضيه والمباريات والمسابقات والتكريمات وقصص المتعلقه بالرياضه كلها.

بيوم من الأيام،،
 كنا مسلطنات وقاعدات بالفورصة( وقت الفسحه مابين الحصص)
بالصف ومنزلناش ع الساحه

وأجا على بالنا موود الغنا،، وإندمجنا،،وسلطنا ع الأخر

وقامت محسوبتكم،،
 إحم إحم

أخدت الطبشوره الحمرا وطلعت برات الصف

وفوق الباب بالزاااااااااااااابط كتبت " لكن صابرين" لإنه الجملة كلها بتضحك

وإلها معاني عميقة،،

للحظ الجميل والسعيد والمبهج،،

بوقت الحصة الرابعة،،كان من المقرر إنه في درس بالشعبه اللي قبال صفي

وبحضره موجهين من التربية :(
 وللأسف مدير التربية والتعليم للمنطقه كان أولهم

دخلو البنات على الصفوف بعد الفرصة
 والكل إستعد لهاي الشغله والكل إنضبط

وإحنا مش عارفين $_$

اللجنه التوجيهيه كانت بقيادة مديرتنا ( الله يسهل عليها) وقبل ما تدخل اللجنة على الصف اللي محضر حاله لإستقبالة

لفت إنتباه القائد العام فيها 
الجملة اللي مكتوبه بالبونط العريض الأحمر "لكن صابرين" 
وقرر إنه يدخل على شعبتنا

هههههههههههههههههههههههههههه

مديرتنا،، للحقيقه حاولت تمنعه وتحكيله هاي خربشات بنات
 وإحنا صرنا واعدين الشعبه ،،

بس هوه أصر إلحاحن يحضر حصتنا

خلصت الحصة ع خير،، ولله الحمد

وبس خلصت،، طلب من المعلمة والطاقم التوجيهي كله يغادر الصف ويتركنا لحالنا معاه

ودي الحاجه الوحيده اللي ضربتها بالليله المنيله دي

وهاتلك ع إستجوابات من النوع:
 اللي إحكولي من اللي مغلبكم وصابرين عليه

وليش صابرين،،
 وشو أساس هالمصطلح،، 
وكيف طلع معكم تضلو صابرين

ومكاتبنا مفتوحه،،
 تعالو إشكو

وهينا بسمعلكم :)

إحنا إنبسطنا أوووي ،،الصراحة ههههه

وحاول الصف كله يفهمه إنه اكيد مش إحنا اللي كتبنا وهدول طالبات المسائي

المدير أقتنع وخبرنا إنه مكتبه مفتوح لإستقبال الشكاوي بإي وقت
وطلع من غرفه الصف وكله تمام

لسه الموضوع منتهاش على هيك $_$

بعد الحصة الخامسة،، تفاجعنا بالمديرة
 واقفه زي الأسد ع الباب

ماطبلت الباب،،
 مادقت،، 
مارنت،، 
مازمرت
أبدن،، أبدددن

ركلت الباب بحذائها الأنيق 
وبحركة سريعه مأخوذه من باليه " البجعة-سوان" بإجرها
طرقت حفة الباب وضربته بالحيط
الصوت بصراحه والمنظر كله مرعب
زكرني بالأشباح وقصص الرعب

دخلت غرفة الصف الجميله المبتهج والمبسوط

طلبت من المعلمه تطلع برات الصف

يادي النيله،،الكل إنطرد

وبلشتلنا ردح من العيار الثقيل

شكلها صار زي الملواني بمدرسة المشاغبين

وحتى إستخدمت نفس المصطلحات

وحلفت إلا تطول لسان اللي كتبت هالجمله من لغااااااااااليغه

وإلا ما يجي يوم وتعرف البنت ال "^)*&" اللي عملت هالعملة الشنيعة

باقي الطالبات عرفو إنه إحنا اللي كتبنا وإتسترو علينا،،
على مضض أكيد

خلينا نفترض إنه باقي البهدلة إتشفرت لدواعي الرقابه النتيه
:(

طلعت المديرة

وأنا أعييييييييياااااااااااط،، 
والفصل كله يعيااااااااااااااااااااااط

وقامن البنات النيردات وبلشن قدح وسب وذم في الشله

ومره أوخرى

خلينا نفترض إنه باقي البهدلة إتشفرت لدواعي الرقابه النتيه

وإحنا نعياااااااااااااااااااااااااط
وزادت الشللية بالصف وصرنا الشلة المنبوذه
لفتره لا بأس بها
هههههههههههههههههههههههههههههه

 كل هاد إتزكرتة،،لإني سمعت هالأغنيه الصبح ع الراديو

برضو ذكرى هبله،، ههههههههههههههه