صباح الخير
كالتالي:
شرحتلهم بالرساله الخاصه وين بالزبط المشكله
والحمدلله اليوم لقيت الشارع كلللللللللليته
من أول لأخر،، مردومه الحفر ومعالجين المشاكل كلها
عارفين إش يعني شارع بطوووووللللله،، ولاااااااااااااااااااا حفره فيه
ومشتغلين يوم الجمعه كمان؟؟؟
وكل السبب تويته صغنونه
أشكركم أمانة عمان
من كلللللللللللللللللللللللللل قلبي بجد
اللي خلاني أبعتلهم هالتويته إني الإسبوع الماضي عملت حادث مرتب على هااد الشارع لوجود أكثر من حفره،، وفي بعض المناهل هافته
السياره اللي قدامي تفاجئت بالحفره
شحطت بريك قوي،، معرفش يتفاداها
وانا كنت للأسف عامله تتابع قريب
وهووووب،، لبست بسيارته رسمي
طبعن محكيلكمش عن منظر سميحه السياره،، توفت والحمدلله
وربنا سترني رسمي إنه الشب كاان محترم ومرضيش يفتح كروكه وحكالنا بيصلح وإحنا بنحاسب وهاد اللي صار،،
الحمدلله على كل حال وبكرر شكري وإمتناني لأمانة عمان الكبرى على تجاوبها السريع وحل المشكله بوقت قياسي،،
ربنا رحمنا من حفر هاد الشارع بالذات
الحمدلله،،
16 comments:
بالك اذا بعتنالهم يهدّوا شارع الجاردنز ويرجعوا يعملوه من أول بيردّوا؟
والله كويس اوى انهم يستجيبو وبسرعه
لكن على الهامش مش غريب بقينا نشكر المسئول اللى يعمل واجبه هههههههه حال متشقلب
لكن اهى خطوة للامام واحسن من التطنيش وعدم سماعهم للشكاوى
ربنا يسلمك من كل سوء ام عمر
انت عارفه ان ابنتى كارولين اسمها ايضا ام عمر فربنا رزقها بولد عمر وبنت زينه
الحمدلله على السلامه ام عمر
...كم سميحه صرتي شاطبه لهلا؟؟؟
بالنسبه للامانه الله يعطيهم العافيه...
في إن بالموضوع!!!
ممكن يكون هددتيهم بالكعك مثلا؟؟؟
:)
يا خطيرة يا ام عمر ما عرفتك :)
ونعم المواطنة الحريصة على مصلحة الوطن
دمتِ ذخرا للوطن :D
بقبوقــة
عليّ صوتك,, مش شايفك
أمــة الرحمن
ههههههههه,,هوه انا هيك حكيت بيني وبين حالي
بس شو بدنا نعمل,, مجبورين نتأقلم ع الوضع
صباحك خير
عمو فاروووق
الله يسلملك عمرك وأحبابك يارب
الله يخليك كل بناتك وأحفادك,, الإم عمرات غلباويات
أنا بعترف
نيسانة
الله يسلمك
إزا أبو عمر محكاليش هالجمله,, بدك تكوني ضميري هلأ وتعاتبيني
::سمايل بعيط::
هيه سميحتين,, وحده إنباعت اولها,, وهاي بعدها بتتصلح وصامده
بس معروضه للبيع
إلك مصلحه ؟؟ ههههههههههههههههههه
ماأعطيتهم كعك
أعطيتهم حباً وحناناً
هههههههه
ليو المشاغبه
بعض مماعندكم
http://messymyself.blogspot.com/2010/05/blog-post_4069.html
ههههههههه,, بعرف بتكرهيني
shy:
الشكر موصول لبلدية نابلس التي اتاحت الوصول لاكبر عدد من (جور البنانير) في الشوارع العامة بهدف تسلية اولاد الحارات الى حين انشاء حدائق عامة ...
تحيه صباحيه مطنطنه لخيوه ابو عمر:) و الله يخليلك اياه يا رب
لا مليش مصلحه ....الله يكتر التكاسي في البلد ....وممكن اذا كترت مشاويري شوي اطلعلي بكتاب محترم عن قصصهم وافلامهم
وبما ان الشيء بالشيء يذكر و بما انه جاي عبالي اقر على الصبح خذيلك هالنكته
في وحده شافت صاحبتها بتقولها ليش هالقد نحفانه ؟
قالتلها جوزي مجنني بيسكر وبيضربني وبيلعب قمار وبيصاحب بنات...هلكني وعدمني عافيتي.
قالتلها طب ليش ما تتركيه؟
ردت عليها: ضايل لي سته كيلو كمان:) لوووووووول
صباح الفل
فاينل وييه
عقليتهم تجاريه,, إنتو بس مش فاهمينهم مش أكتر
نيسانـــة
هوه يسترجى يقول غير كده؟
يوم هاد الحادث بالذات,, اجاني وانا ومعصبه وبصرخ وهوه اللي بهدي فيه وبحكيلي فداكي ههههههههههه
والله انه التكاسي مرمطه,, وبس ما تكون معي سميحه بتلاقيني شايطه وبده الدم يفقع من وجهي
الله يكون في العون
شو بالنسبه للحاجه إم الإختراع دي
هههههههههههههههههههههههههههههههههههه
هههههههههههههههههههههه,, يا إمي يا إمي
صباحك عسل متلك إنتي,,هههههه
صباح الخير
ههههههههههه
تحسب لهم سرعة الاستجابة..
ويحسب عليك تاخر ابلاغهم عن الشارع..
يعني لازم تعملي حادثة قبل اسبوع ع شان تعملي هالتويته..
ليه مكنش نفس اليوم ومن غير حادثه يعني
هههههههههه
هيك فهمت.. والا انا فهمت غلط :P!!
أهلين قموره
صباحك فل
متأخرتش بالإبلاغ,, رنيت ع ارقامهم الأرضيه وماحسيت في تجاوب بوقتها
ولمى لقيتلهم أكاونت ع تويتر ع طوووول بعتلهم
لا,, فهمتي ع المعطيات صح,,بس غلط
هههههه
I just read ur blog about the accident, and I have one thing to say, as u know bad drivers make accidents and thats it ! La t7kili ma6abat wala 7ofar wala s5am el been
Mr. Anon,
just wanna tell u that you can't judge me whatever your knowledge say, بالعربي الفصيح, بكرهك
حمدلله ع سلامتك... فكرتك فكرة
Post a Comment