بتزكرك ,, شو بتزكرك

فنجان قهوتك وسيجارتك، كانن الوحيدات القادرات يغيرن مزاجك

رفيقات دربك، و فشة غلك بعصبيتك

بتعرفي إنهن بضرنك،لكنك،بتحبيهم كتير,ومتعلقه فينهن أكتر

كل أخر ذكرياتي معك بهيك صوره

بتلفي أصابعك الرائعات حولين فنجان القهوه 

وسيجارتك عم بتنازع بالإيد التانيه

وسرحانه ف هالدنيا اللي ظلمتك أكتر ما نصفتك 

تزكرت قديش كان في دموع بين دخانك وقهوتك

تزكرت شو بترتاحي لمى بتنفثي الدخنه ل فوق

وتزكرت أكتر قديشني كنت اتدايق وانا مش قادره أخلصك من همك ومشاكلك

الدنيا دارت فينا كتير

بعدتك عني، وسافرتي،وصعب ترجعي

مخلتلناش إلا رماد سيجارتك،وفنجانك المشرومه ذانه

حاولنا نتخلص منه،عشان متحزش ببالنا كتير إنك مش بيناتنا

بس كإنه هوه ذاته،عم بستناكي ت ترجعيلنا وترجعيله

إشتقتلك،كثير يا زعره، أكثر مما بتتصوري

حبيبتي يا خيتي،، بستناكي