بضربولي ع وتر التعصيب
بخلوني أعصبن وانجن و أصير اخابط بالحيطاان
هدول اللي بشوفولك واحد مشرد,
ومبين عليه مش ماكل وصحته متدهوره
لا نوه شحاد ولا عم بطلب صدقه
وبجو بنطولك " شوهو المظهر الحضاري لعمان"
ياسيدي,, هيه عمان بعيده عن التكافل الإجتماعي؟؟
بعيده عن الشفقه؟؟
بس خايفين ع منظرنا قدام السياح والسائحات
الأحياء منهم والأموات؟
لك ,, خافو الله وإتقو الله
قبل ما تروجو عن هالعالم الغلبانه
اللي ربنا ستر عليها
وخلاها قدرت تنام بساحة مسجد
بدل ما تنام بحاوية زي الطفل اللي مات جوات حاويه ومكنش حدن عارف عنه
وصار إصطدام وإنفعست الحاوية
شوفولكو حل إلهم وساعدوهم بدل ما تقّلبو السُلطات والتنميه الإجتماعية عليهم
متكونوش إنتو والزمن والأجارات والدفعات والكهربا والمي عليهم؟؟
قال نو كومنت قال؟؟
منيح فيه اللي ملاقي شغله يركبها وتوصله لمكان ما بده
تلاقيه " والله أعلم" معوش ربع دينار اجرة الباص
3 comments:
#reformOURSELVES بالأول
و هشتقني يا معلّم
مسكين هالولد
!
واقف يسند الكراتين لا تفلت عالشارع...اما هو يفلت وينفعص مش مشكله
!
أخ يا يا قلبي
ع ايش واللا ايش بدنا نحكي يا ام عمر
الامور كلها خربانه
اسمعي بالنسبه للشحادين واللي مش عاجبهم لا تعصبني ولا عبالك احكيلهم بلاش فلسفه وعنطزه عالفاضي ...خليهم يروحوا يشوفوا شوارع لندن ونيويورك...كلها مناظر سياحيه بتغم البال
سيدنا عمر لاقوه مره نايم في أحد الطرقات وبتعرفي شو حكو وقتيها
هداك اليوم شفت حد زار الأردن وشفت الحماية والزمامير وتسكير الشوارع وتزكرت كمان كيف لما أوباما زار بريطانيا وكانت سياراته مصفحة وإلخ إلخ
بحكي يا ويل كيف سيدنا عمر كان أمير المؤمنين وكان ينام في الطريق ولو نام في بيته تلاقي بيته بسيط ولو فتش في جيبته ما تلاقي دينار ومع هيك عيونه كانت في الجنه وما كان يقبل شي ولو على قطع رقبته
الناس هدول لسبب ما بحسو بأمان عجيب ما عندو شي يخسره ما عندو شي يخاف عليه في نفس الشي واحد بلم على الحاويات هوه وأبنه بآخر الليل أبنه زغير ولو سمعتي شو بحكو يعني بتصفني كيف الأبن بحكي مع أبوه وبحاوره والأب بجاوبه بحب وبنبره تعليميه يعني بتحكي وين يلي عندو هيك وقت يقعد مع أبوه أو يقعد مع أبنه ويحكو
هدول يلي بخربوا المنظر الحضاري على قولتهم ما بنكر إنو في منهم مش ولا بد بس برضو في منهم لو ربنا كتبلهم الجنة رح يسبقوا الكل ب 500 سنة ولو بيوم أحسنتي أليهم بحكيلك الحسنه همه بحملوها إلك يوم القيامة يعني هدول الناس فضلهم سابق علينا قبل ما إحنا نتصدق عليهم أو نعطيهم أو نخبر حد يعطيهم
Post a Comment