العبرة ,,بتعتمد على الراوي

بدي أحكيلكم عن عدولة

 عدولة بني أدمه مثابره

 وقوية وبس تحط  شي براسها إلا ما تجيبه أو تعمله

عنيدة,مكافحة, برغم كل ألامها بتقدر تروح وتيجي وتبني وتربي أولادها

بتقدر بطريقه رهيبه تنسق بين البيت والحياة الإجتماعية والعيشه مع الأولاد

أولادها حركين,بس مهذبين وبسمعو الحكي وعليهم حركات بتجنن

عم بتحاول تواكب كل شي,موضه تكنلوجيا تتطور

بتحسها ما بتقصر لا بحالها ولا ف بيتها 

مقسمه جهدها ما بين الشغل والبيت

بتنكسر,بس بتوقع واقفه ع إجريها

بدي أحكيلكم عن عدولة

عدولة بني أدمه إمسخمة إملطمة, الدنيا جايره عليها

تعب وشغل ,وقرف وأولاد

طول نهارها طوش بالشغل وبالشارع وعند الخضرجي 

يامن تراها معتله وطالعه ونازله لا حدن بيساعدها ولا حدن بيحس فيها

الله مبتليها بأولاد بضلو إينطنطو ويقفزو قفز حر 

ومش عارفه ليش ماشفتها بتضربهم قبل هيك؟

عائلتها مفككه,لا عمام ولا عمات ولا أخوه

بحسها منهاره بالأعياد لا زائر ولا ضيف ولا زياره حتى

أي قصه ,و أي مغزى بالدنيا إحنا بوصللنا عن طريق الي برويلنا إياه

هوه بهتم بتفاصيل وبهمل أشيائات أهم

بحكيلنا وجهة نظره وبخلينا نقتنع فيها ,حتى لو كان إلنا رأي أخر

صح؟؟