خلينا نتعلم من بعض،،
أنا بحكي معظم اللي عندي وإلي ضليتني أقراء وأبحبش عليه
وأراجع طفولتي وأغربلها
عشان أطلع بخلاصه أفكاري بتعاملي مع الأطفال
وإنتو بتحكو رأيكم وتعليقاتكم حتى لو ماكنتو عايشن تجارب مماثله
أوكي حكي " الورق" بختلف عن التطبيق
والتطبيق صعب وبده صبر وتكرار ممل أحياناً
بس بيضل إنه إحنا عملنا اللي علينا ومنترك الباقي على تساهيل ربنا
العقاب
أهم شي تعلمته وتزكرته من طفولتي، ومن مشاهداتي للأسر الثانية
إنه الضرب عمره ما بجيب نتيجه
وبالعكس،عواقبه السلبية اكتر من الإيجابية
وممكن الطفل يوصل لمرحلة إيبلد فيها ويتعمد الغلط "إكمنه حلو الغلط "
وعارف إنه أخر العقاب"قتله وكف وبربيش" والسلام
الضرب مش عقاب رادع ولا تأديبي خصوصن في مرحلة الطفولة المبكره
عم نحكي من عمر 3 سنوات لعمر 7 سنوات
إزا كان الإسلام أقر الضرب للأطفال بعد عمر العشر سنوات على أكبر وأهم عماد للدين "الصلاه"
نيجي إحنا نسلوخ أولادنا لإنهم كسرو مزهريه أو حكو كلمه غلط؟
بحس الأطفال اللي بنضربو ع الكبيره والصغيره عندهم إنكسار بالخاطر
أو حتى شعور بالنقص ، إنه أنا شو هالهذنب العظيم الي عملته عشان أنمد فلقه أو أنضرب قدام أخوتي أو قدام الضيوف؟
لا، في أساليب أحسن وأرقى ممكن نستخدمها
أول عقاب، النظرة الحادة
ههههه، شكل الإسم بضحك بس بجد طالما إنك إتطلعت بإبنك بنظرة عصبية مع تغير درجه الصوت
أكيد إبنك رح يعرف قديشك زعلان منه وقديش ممكن يتعاقب إزا إستمر بهيك تصرف
تاني عقاب،الحرمان من الحنان
إنه خلص ما في "حضن" أو "عبوطه" أو " يقعد الولد بجنبك"
هاي كتيييييييير بتأثر خصوصي لمى تكون العلاقه بين الأهل والطفل كويسه ومبينه على التواصل المستمر
ثالث عقاب، الحبسTime Out
إنه الولد يقعد بغرفته وماحدن يحكي معاه أو يعبره أو يرد على ندائه
لفتره لا تزيد عن خمس دقايق
على حسب الغلط وكبره وصغره
بدون ما نسكر الباب بالمفتاح،
خلص إنت معاقب وممنوع تفتح الباب وتطلع برات غرفتك
هاد أخر وأقوى حل بنظري
العقاب من نوع " مافي زواكي" و " فش تروح مشوار" و " فش أجبلك ألعابات" برضو بتمشي
بيضل الحكم والإختيار للأهل على قدر ما الغلطه بتحرز إنه يتعاقب عليها الطفل
بدناش ننسى إنه ال "طفل" بعده صغير وعم بتعلم
بدنا صبر،وإرادة،ومتابعه ٢٤/٢٤ساعة
بدنا برضو نحاول نتجنب العقاب قدام الأهل،او إنه بوجود حدن غريب،مراعاة لمشاعر الطفل
أي إضافات ،، تعليقات، حتى لو مسخرات على كلامي،انا جاهزه
5 comments:
تحياتى اليك سيدتى
ما هذه الروعه
بجد موضوع فى قمة الجمال
وانا شخصيا قد استفدت منه
اما طرق العقاب فرأيى ان تبنى مع ابنك جسورا من الحب خيرا لك من ان تبنى بينكما اسوار من الكراهيه
بجد الموضوع رائع مرة اخرى
تحياتى
من مشاهداتي لتجارب زوجات اخواني... فعقاب التايم اوت هو اللي ماشي اكثر شي
العقاب المفروض يكون بمكان ممل ما فيه لعب و تلهايه و بنفس الوقت تكوني انت شايفتيه للطفل و دقيقه عن كل سنه من عمر الطفل
مرات بزبط ومرات ما كان يزبط
وفي موضوع الحرمان من الاشي الزاكي او اللعب بشي معين
عبود كان يتدمر حبيبي من هالعقاب...بس فروحه ولا على بالها
لدرجه انهم مره اشترولها مطبخ لعبه بعد ما قعدت تطلب فيه اسبوعين و عملت شي غلط و تعاقبت انها ما تفتحه يومها و تاني يوم الصبح تهددت انها اذا عملت شي ما حتفتحه ولا همها و ضلو يومين قدامها بالتغليف ولا عند بالها :$
الموضوع انه ما في عقاب واحد يطبق على كل الاطفال...كل طفل اله شخصيته الخاصه و الاشي اللي بأثر فيه
في الجحره بتكفيهم و في العقاب اللي بمشي معهم و هيك
غلط و ظلم كبير نتعامل مع الكل بنفس الطريقه
وووووووو بس :)
كل طفل له شخصيته اللى تناسبها نوع معين من العقاب
اهم شئ فى العقاب انه ما يتولد عنه متاعب نفسيه تظل موجوده بداخل الطفل
وانه لا يكون اكبر من الخطأ اللى عمله
الطفل ذكى جدا واذا عاقبتيه بأكثر مما يستحق بيكره او يصبح عدوانى او انطوائى لكن دايما بيكون عنده رد فعل عكسى
الموضوه رائع ام عمر
دمت بخير
احسنتِ ست ام عمر
في اهالي بيضربوا وبيبهدلوا عالطالع والنازل والولد او البنت مش عارفين اصلا ليش اتبهدل
!!!
...المهم انه الطفل يعرف ويفهم الغلط اللي عمله و ...بدون اهانات اكيد...
الضرب = فشل للوالدين
"إذا كان لسا طفل خاصة"
تراتب درجات العقاب مهم
و يعتمد على الموقف بشكل كبير و مش شرط يكون ثابت
من أهم الأشياء -زي ما بقولوا الشطورين بتربية الشياطين قصدي الأطفال- أن يكون العقاب فوريًا لكي يربط الطفل بين الفعل و النتيجة
+ كلما كبر أن يُشرح له بلغة سهلة و مباشرة لم تم العقاب
-----
كلام حلو يا أم عمر :)
"مش كلامي! أفففففت، إنت إنت .. كلامك .. يا حرام شو تعاقبت تا تعقدت بحياتك ,, هيهيهييييييي... "
:paranoid:
--------------
طبعًا المكافآت مهمة أيضًا :)
و أن تكون مباشرة كذلك بعد الفعل
Post a Comment