جعبالي أضحك " بيخلوني أضحك؟؟!!؟؟ جزء ثاني",,

لدخول المود بحالة الركود الصحي نظراً للمطبات والرفعات والبنزينات

قرقرت أضحك

واتزانخ عليكووووو

متزكرين  هاد البوست <<<   بيخلوني أضحك؟؟!!؟؟ 

رح أحاول أختصر هالمره :)

أول ما جبت سميحه السياره،ف شهر رمضان الماضي

كنت أمر على زميلاتي أخدهن ع الدوام،إكمنه بطريقي

وحده منهن، كانت كل يوم تعمل فيني فلم يطلع من راسي

الله إيسهل عليها

بيوم،وصِلت ل بيتها ،رنيت ع تلفونها وإستعجلتها

طووووووووولت الأخت

رجعت رنيت

صارت تفصل

قبعت معي،صرت أزمر،"كتير ناس سبو علي ّ بس عاي"

بعد شي ربع ساعة إلا في بنت طالعه من بيتها ولابسه يانس صلاه ومعها كياس ومش عارفه إيش

أنا بتطلع بالمراية ومش مدققه ومعصبه ع التأخير

شوي إلا البنت بتفتح باب السياره؟؟؟!!!؟؟ 

إنه ميييييييييييييييين،،

 شوووووووو،،

 كييييييييييف

بحكيلها للبنت، شو وين داخله عمو،مش بيتكم هاد؟؟

إوبااااااااااااه،

وإزا هيه الست بدور

 بس لإنها تكاسلت تغير اواعيها

ف إستسهلت تلبس اواعي الصلاه ،، وجايبها غيارها ت تغير بحمام الشركة

ضليت طول اسبوع أضحك ع منظرها

وع قد ما كنت معصبنه ع تأخيرها،ع قد ما ضحكت

ب سنة ال٢٠٠٨ ، كنت أضلني كتييييييييير على المسنجر 

شات وطوش ومعارك وضحك وإشي من الأخر

معظمه كان بوقت الشغل

أه،كنت مهمله بس أصلاتن مكنتش مترفعه ولا نيلة

المهم،، بحكي مع أكتر من حدن في أن واحد

ومن ضمن الحديث ،سألتني صديقتي عن رأيي باحد الأشخاص بموقع "محجوب" 

ف أنا ،وبكل فخر حكتلها تصوري عنه،وإنه بني أدم مش مزبوط 

وأسهبت بالحكي،وماخليت ولا بقيت

مش إستغابه،عادي معظم اللي حكيته بإمكاني أعيده بوجهه الشب،

وبنص إندماجي،بحكي مع نفر " محجوبي" أخر

وعملت بيست " إلصاق" لكل محادثتي مع البنت ف شاشته

و إنتـــــــــــــــر

وياااااااااااااااااااا هملاااااااااااااااااااااااالي على التطقيس والمألسه والتخويت اللي أكلته

تفكير ذنوب عن سنة وشوي

ومره أخرى، عم بطقس ع نفس الشب،عشان يعتقني من قصه الكوبي بيست

رحت دورت ع اسمه بجوجل " لا فالحة بعرف "

وعلى أول موقع طلعلي اسمه عملت " كوبي بيست" وطياره لعنده

وبعد ما بعتت الشات،حملت الشاشه الموقع اللي بعتله إياه

هههههههههههههههه،

 وطلع موقع زباااااااااااااااااااااااله،وزباله اقل كلمه بتنوصف

اللي صار بعديها أكيد عندكم،الله يرحمني قديش إنضحك ع هبلي وتسرعي

إلي متزكريته إني بيومها كان عصيب

ودوام طويل وعندي شغل

ومعصبنه،وطالعه روحي

سوكرتيرتي " الله إيسهل عليها" عارفه كل ما سبق

ونازله تتزانخ عليّ

معتقنيش

بنص زناختها بتحكيلي:اعطيني نص حبة "علكة"

ف أنا قمت ع السريع للمطبخ،جبت سكينة

حكتلها روحي إشحدي مسطره يكون السانتي مترات إمبينة و واضحه ومش ممحية

وبعد ما جابت العدة

مسكت حبة العلكة وقعدت أسنتر فيها وأخطط بالقلم عبيل ما وصلت النص

وقعطتها 

ورجعت قستها،وإتأكدت إنه مناصفه

وأعطيتها إيااها

أه ، لهلأ متزكره صوت الضحك وكيف المدير أجا و " شكمنا" 

بس عادي برظو

الله راحمني ما عندي فيس بوك،

كان شفتوني بتهزق بعد الإفصاح عن أعلاه