ببساطه,, وحلاوه كانت حفله فلاحيه من الأخر
وكان فعلن في حنــه مش بس بالإسم
حتى العروس ,, مع إنها مش فلاحه ,, لبست عشان إمي ثوب الملــلكه,, تاع اهل نابلس
إمي رقصت بسدر الحنه ت قالت بس
و وزعت الحنه و المطبقنيات ع الموجدين كإنها بتوزع تفاح من الجنه
صحيح أهل العروس إنصعقو جدن,, إنه الدي جيه إتسكر ساعه الحنا وأكتر
بس إنبسطو ع هالشي الغريب عليهم,,
العرس يوم السبت بإذن الله,, رح تكون معظم اغانيه فلاحيه
امي وخالاتي و خواتي وأنا ,, فصلنا ثواب فلاحيه,, مش قادره استنى ل ساعه العرس عشان البس ثوبي الجديد
الكل بحكيلي بلا هبل,, عرس اخوكي وتطلعي محجه وبالثوب كمان
بجاوبهم,, إنه فش احلى من الثوب,, والستره,, طيرووووو
14 comments:
إن شاء الله يتمم ع خير، و يتهني أخوك و عروسته (بالعربي "عروسه" بس خفت أكتبها لأنفهم غلط) و يهنيكم كلكم يا رب، فرحت لفرحكم، و افرحت أكثر لما عرفت إنه فيه لسة ناس بتدور ع التراث و بتحافظ عليه، فيه ناس بتسمي حاظ الشي "ترف ثقافي"، لكن بالنسبة للفلسطيني هاظ هوية لازم يتحافظ عليه لأنه فيه من بيحاول يسرق هالتراث و يسجله بإسمه أو بيحاول يطمسه.
ألف مبروك خيتوه و إن شاء الله بتفرحي بالشباب إللي عندك.
قولوا ل أمه تفرح وتتهنى
ترش الوسايد بالعطر والحنّه
http://www.youtube.com/watch?v=wej_k9ECaxU
مبارك والتمام على خير
الله يسامحك انا حكيت هلأ بكون في صور من قلب الحدث ...طلعتي حاطه صوره موديرن :$
احنا ما عنّا هالحفلات بس يا الله شو بنبسط بس اروح عحفله فيها هاي التقاليد :)
الله يهنيكم والتمام على خير يا رب :)
بدنا صوره للثوب الجديد ماشي :)
يا الله شو بحب هاي الاشيااااااااااااء
عن جد أحلى بألف مرة
اذا بتقدري تصوري توبك و توب العروس في الحنة و تحطي الصور حطي بليييييز
عمو صال صال,, انا من يومي ع اي مناسبه بفضل إني البس توب,, بحسه احلى بما إنه الواحد مابطلع بإيده يطلع فيه بالنهار ع مناسبه عاديه,, مابعرف,, بحسه احلى والبق
الله يهنيك يارب ويسعدك وين ماكنت
نيسانه,, بتصدقي غنيناها هاي
ريتك سالمه يارب
ويسبره,, مش
حكتلك المنحوس منحوس,,
مع إنه كاميرتي جديده,, ضرب الكرت تاعها
ولا أنا كرت ولا بشتغل :(
بس رح أحاول اصور ثوبي إزا الله راد,, ويالله بتشوفوه الأحد او بكره الصبح ع التساهيل,, تسلمي ع الدعوه عسوله
بق بوقه,, شكله الطلب زايد ع الصور,,
الله يستر ويعجبكم بس,, لإني تعبت ت لقيت التصميم اللي بدي إياه,,وترى القطبه فلاحيه كمان,, مش درزه ماكنه :shy:
أم عموووورررة ^_^
ريتو ألف ألف مبرووووك يارب، وان شاء الله التمام على خير و يتهنوا يارب :)
أنا فلاحة بالاسم ما حتى عمري حضرت هيك حفلات فيها التراث و العادات الفلاحة
بس و انا عم بقرأ اللي كتبتيه حسيت حالي معكم و تخيلت الفرحة :)
عقبال ما تفرحي بعمووورة و بيسووو D:
الف مبروك
والعرس الفلاحي على فكره كتير حلو لما يكون مزبط
لا دي جي ولا بطيخ كل الاعراس صايره نسخه من بعض :)
مبروك و يتمم على خير
بالعكس انا باغلب المناسبات بحب البس التوب الفلسطيني بيعطي رقي حلو و شي مرتب و كمان غريب ببعض الاحيان
حتى برمضان بحب البسوا وقت ما نكون معزومين او عازمين حدا عنا بالبيت
يعني انا بحب البسوا
يمكن رجعة لاصولي الفلاحية
حتى لو كنت مش محتجبة لهلا بس بحب البسوا
مبروك مرة تانية
بس ليش ما صورتي سدر الحنة :)
كان نفسي اشوفوا
ليو يا حلوه,, بس تيجي ع الاردن هالسنه ازا الله راد,, رح بعملك حفله فلاحه من الاخر :rgs:
والليله حنه العرايس يا سلام سلم
:rgs:
تسلمي مياسي,,
العرس دي جي,, بس معظم الأغاني اللي اختاروها العرسان فلاحي,,وكم غنيويه موديرن للصبايا الكووول اللي ماعجبهم الفلاحين لوووووووووووووول,, عصابات
اهلا جفرا,, ريتك سالمه يا عسل
ماصورت لإنه ضرب الكرت بتاع الكميرا ساعه الحفله بالزبط,, حظ بفلق الصخر
شجعتيني ع موضوع رمضان,, بركدن لبست هالسنه ع العزايم كمان,, اصلاتن بتوفري عليّ لبس وتشخيص
Post a Comment