أهدافي في السنوات الأربعه القادمه

مودام نيسانه عاملالي واجب مدرسي جديد,, والمفروض احكي عن العنوان اللي فوق


مممممممممممممممممممم,, كإنه من زماااان ما فكرت ل شو بطمح أنا ,, أو شو بدي بالأيام الجاي مو السنوات الجاي


1- اهم اول شي,, اني اخلص من همّ الرخصه اللي موضوعها مو راضي يتيسر,, داااااااااااائماً برسب بالنظري
بس بحكو النظام الجديد اسهل من القديم,, ع حظي كل النماذج كانت تطلعلي ميكانيكا ,, وانا فشل ف مكنكه السيارات,, ومن بعد الرخصه ,, از ا الله راد بجيب السياره.


2-بما إنه في عدّ تنازلي مبلش للرجعه ع الشغل,, حاطه ف بالي إني اتغير كتير,, وأغير من حالي وأدائي ,, وأركز اكتر مما كنت بالسنوات الماضيه,, لإنه كان معظم وقتي مش للشغل,, حتى لو كنت متفوقه بشغلي,, كان بإمكاني أكون اكثر إنتاجاً.


3-ازا الله راد بدي ارجع للدراسه,, ك دراسه مسائي,, تخصصت IT وما إشتغلت فيها إلا ايام التدريب وبس,, حابه ارجعلها لإني بعشقها وهلأ حاسه حالي نسيت كل شي تعلمته,, كله كله,, ويمكن اغير مجال شغلي اللي ما إله دخل بدراستي ساعتها


4- هالهدف مو إلي :-)
عم بحاول اسجل عموره بأكتر من نادي للأيام الجاي,, أزا بده يطلع رياضي الأخ بده تنشأءه من هلأ,, في نادي قبل يسجله بس بعد شهر 9,, ما وراي شي رح بستنى,, وبرضو للنادي الثقافي والمركز الديني كمان,, كله لبعد شهر 9 ازا الله راد,,


للإسف نيسانه,, ما في حدن أمون عليه يعمل الواجب,, ف إعفيني من اخر حلقه بليزززززززز