ريحه القهوه

الصبح,, صحيت وجعبالي فنجان قهوه ساده
ريحة القهوه وانا بعملها عملت فيني العجايب
حملتني لذكريات حلوه,,ناعمه,, لزيزه,,, كنت دافناها

حملتني ليوم العيد الصبح,, وإمي بتغلي بالقهوه الساده ,,
وبتستنى بوالدي يرجع من صلاه العيد عشان نعايد عليه ونبوس إديه ( الله يخليلنا إياه يارب)
خلتني اتخيل منظرنا وإحنا عم نلبس أواعي العيد بعد الصلاه
وبنتسنى الوالد يفطر عشان نطلع معاه ع القرايب والحبايب
حسيت بفرحه العيد عم بتنط من عيوني,,
مش ناقصها إلا إني أطير لعند خزانتي
وألبس فساتني الأبيض والأسود اللي اشتريته بصف سادس
وأطلع اول وحده لعند السياره عشان اركب بجنب ( أبوي)
ويجي محمد ويحكيلي,,إركبي ورا,, البنات دايمن ورا,,
وأزعل وما أرضى إلا ت ( أبوي ) يحكيلي,, بالرجعه بتركبي بجنبي

وبعديها,,,,
حست ريحه القهوه قويت,, صارت متل الجبل
دخلت مش بس أنفي,, دخلت ع ذكرياتي الحلوه
خلتني أحس إني طيف وإلي جنحان
اخدتني لمكان رحته كم مره بس
مع إني كنت أكرهه,, بس صرت احبه بعد ماتركته
خلتني اقعد ع نفس الكرسي,, وأطلب فنجان قهوه ساده برضو
وأضحك ع ارجيله تمنيتها و ما طلبتها
خلتني بدل ما اهرب بعيوني لبرات المكان
اسمسر عيوني ع الكرسي الفاضي,,
وأسأله ,, يا ترى شو صار معك
شو صار فيك
بعدك,, هوووون وإلا؟؟؟؟؟


إشتقت بكل كياني لعيد زمان,, لعيد طبيعي ,, لعيد فيه أقارب وأحباب
إشتقت كمان لعيديه صغيره,, اخدها واشكر اللي أعطاني إياها
إشتقت إني أحس إنه في عيد
إشتقت ,,
وإشتقت,,
وإشتقت كتير كمان,, إني إشتاق :(