أنا بكره الإلكترونيك,,,,

- من جهـه لإنها قتلت فينا مشاعر وأحاسيس مارح يعرفها الجيل الجاي ,, مارح يعرف الشوق واللهفه والإنتظار اللي كنا نستمتع فيه أيام ما كانت الرسائل على الورق,, تقعد أسبوع بحاله تفكر ايش بدك تكتب بمكتوبك,,و تغير اللي كتبته الف مره
وتتردد وإنت رايح ع مكتب البوسطه,, وبعد ما تحطه,, ترسم في خيالك الري أكشن ع الوش اللي رح يستلمه...

يا ترى رح يضحكه هالشي اللي بعتتله إياه,, يا ترى أوفيته حقه من كلام وإلا لأء,,, يا ترى رح يزعل مني وما يرد ع المكتوب,,يا ترى ,, يا ترى

يضل هالشي يلاخم فيك أيام وأيام,, وتروح ع مكتب البوسطه أكثر من مره ,, وأحيانن مرتين وثلاث بنفس اليوم
ت تستلم مجرد ورقه,, عليها كل شي بتتأمله بحياتك,, عليها ضحكتك السريه,, عليها قصه صغيره مابعرفها غيرك,, إنكتبت بس ل إلك,,
بس عشانك,,
بتضمها ,.,
بتشمها,, ,,
بتخليك بعالم غير هالعالم,, مع إنها دوبك ورقه فولسكاب ( طبق ورق ( كمن فسر الماء بالماء))

أيام ,,, وأيام وإنت فرحان فيها وحاسس حالك بدك توقف الناس اللي بالشارع ت تحكيلهم عن فرحتك,, وترجع فيك الدوامه من جديد,, وتبلش بدك تكتب مكتوب ثاني,,,,,......

-ومن جهه تانيه,, خلى العلاقات إلكترونيك بحت,, يعني في نت ,, في تواصل,, مافي نت,, سلااااامتك
أبسط مثال عمو صال صال,, يعني لو اختفى ( لا سمح الله ) شي يوم,, مارح نعرف عنه شي,, خاصه إنه غامض ,, سنحك ع الهامش.
ومثال ثاني,, انا هلأ رجعت من الموت رسمين,, عيتلنا كلها مرضت,, وكل دكتور يحكيلنا شكل,, بس بالأخر اجمعو إنه إلتهاب حاد في الأمعاء,, وماسمعت كلمه سلامتك من اي حدن الكترونيك,, لإنه ببساطه مافي نت :-)

أكيد في مدونين طلعو قبلنا,, وخلصت علاقتهم بالنت وماعاد حدن سمع عنهم أو منهم,, الله يستر هاليوم اللي رح يفصل النت,, ويبطل في النا صدى صوت هوووووون.