ماقبل عيــــد الأمــــ

صباح الخير

مين فيكم مفكر يجيب ل إمه,, حماته,, جدته,, أختــه,,زوجته,, جارته 

هديه بمناسبه عيد الإم؟؟

بعرف,, وكلنا بنعرف حرمة الإحتفال والتفاخر بهيك مناسبات 

وإنه إحنا ك مسلمين مش مستحب نتبع هيك عادات

** الله يرحمك يا ستي**

أنا بالنسبه إلي,, كل فترة والتانية بهدي أمي لو ( حبه شكلاطه) بمناسبه أو بدون

وحماتي كمان بنولها من الحب جانب-إلا ما يطولها طرطوشه

وعند عيد الأم,, بجبلهم

مش بنفس اليوم,, قبل بيوم أو بعد بيوم

من باب إنه النسوان,, كل ماكبرن بيزيد عندهم شعور الغيره من بعض

يعني إشمعنا ( فلانه) جابت لإمها مع إنها بني أدمه ملتزمه وبتعرف ربها

وكمان الحنيه ل إنه يلاقو حدن يخصصلهم شي مميز,, حتى لو يوم

وبحبن يتفاخرن بين بعض إنه بنتي شو جابتلي ,, وكنتي شو جابتلي

أنا ت ما أخوض بهيك جدليه,, خلص

بجيب هديه,,(بنفس طيبة صدقن) وأمري ل الله

لإنه مابحبهن يحسن بنقص أو إنه أنا ناسيتهن ومستخسره فيهن هيك يوم

وعشان أشوف الفرحه اللزيزه بعيونهن بساعة مايشوفها

بتضلها إشي خاص,, مميز,, ملهوش وصف 

كيف كإنهن برجعن طفل 5 سنين وجايبله لعبه صارله سنه بيطلبها

وبيترجى ت ياخدها,, زي هيك أنا بحسهن

:(

هاد عموره بعد كم يوم :)

إحكولي

غششوني ,,شو رح بتجيبو ,, إزا جبتو؟؟