إنه حدودنا مع سوريا إتسكرت بسبب وجود إتهامات بتهريب أسلحه عن طريق الحدود الأردنيه السوريه؟؟
وعشان هيك,, وبنفس اليوم أي منتج سوري متداول بالسوق إرتفع سعره أو إختفى لإنه مش رح ينجاب متله مره تانيه؟؟ ( كل تاجر صار يسعر على كيفه)
حتى المنتجات اللي بتنشحن عن طريق البر وبكون طريقها ( سوري ) إرتفع سعرها؟؟
أسخف مثال الدخان اللبناني,, زاد بنسبة 30% بحجه إنه مش رح يشتروى مره تانيه ؟؟
يعني مش بس وقفولي خط شحن( عم بحكي عن شغلي ) لاءه وكمان منعو تصدير أي شي عن طريق سوريا؟؟ وإلي إلهم بضاعه هناك إنحجزت ع الطريق وإله والله كريم عبيل ما يرجعو يفتحو الحدود؟؟
وبتعرفو إنه تم إيقاف إستيراد الدجاج من الأراضي الفلسطينية بسبب ظهور إنفلوزنا الطيور في الدواجن المستورده منها؟؟
بتعرفو ,,بسبب الأوضاع العربيه اللي حولينا,, كثيررررررررررر مصالح بالبلد إنضرت وبلشت إدارات الشركات ( تطرد) بطريقة أو بأخرى بموظفيها لإنه فعلن بطل معاهم يدفعو أجارات المكاتب ؟؟
المراكز الجمركيه اللي أصلاتن بتطالب بعطله يوم السبت,, عشان الموظفين يرتاحولهم يوم زيادة..وبعد ماكانت مكتظه بالحاويات و معاملات الترانزيت صارت ( إتكش ذبان) ؟؟
خطوط الشحن والملاحة البحريه صارت أبطء من البطيئه.. الباخره أو الشحنه اللي كان جدولها 16 يوم ( إن ضربها القرد),, صارت تنط عن 25 يوم بدون إبداء سبب محدد؟؟
مضلش حدن ما أضربش أو أبدى النيه إنه يعمل إضرابات,, باصات خطوط النقل العام,, الأطباء,, المحاميين( هوص نوريه) ,, طلاب المدارس,, المعلمين,,نقابة الممرضين,, أولاد الحارة.. إلخ,, إلخ
معلومات فش بيناتها روابط واضحه,, بس بلّـشت كلها بنفس الوقت ,, ومفروض فينا إنبه بعض عليها....اسفه إنها كلها معلومات ( مش حلوة) و سوداويه,, بس هاد اللي صاير!! وكان في كتير إستنتاجات ,, بس إضطريت أشطبها عشان ما أنفهمش غلط كمان!!
23 comments:
انا بدي اعرف استنتاجاتك المشطوبة
بدي افهمك غلط
:ch:
افهم من هيك فش تويست وروبي بعد اليوم
:sad:
على الهامش: اشحنو جوي بلاه البري
:؟؟؟:
هممممممممممم انا مش عارفه شو القصد بس بتصور الكل صاير عنده هالشي لانه في مرحلة تغيير وهاد عادي
لا تخافي الشركات الاوروبيه والامريكيه والخليجيه ما الهم الا انهم يستنوا وبعدين كله لصالح الاقتصاد لانه في النهايه لما تكون في حقوق محفوظه الكل بيعمل بنفس مفتوحه والثاني من الممكن انه يتم تخفيض نسب الفائده اللي بنوك الاردنيه وللاسف عم تاخذها من الشعب والاستثمارات
يا حبيبي حاسس حالي باعطي محاضرة ع العموم با ام عمر الله يجيب اللي فيه الخير
met2akdeh mn hada el 7ki?
msakkreh 2oddam el mosafereen wella bs el sha7enat?
http://www.addustour.com/ViewTopic.aspx?ac=%5CLocalAndGover%5C2011%5C03%5CLocalAndGover_issue1257_day23_id313078.htm
و الله يا ستي انا راح اعلق على الجزء الاول! هاد اشي بخزي و بفرجيني قديش احنا بنعتمد على البضائع المستورده!
مش ناويين تضربوا انته كمان؟ مثلا اضراب للمدونين ؟ بس بشو بدنا نطالب، انترنت اسرع مثلا؟
خلص و أنا كمان قررت أعمل إضراب عشان تكمل الشغلة و يرتفع سعر الكعك
والله يا ام عمر قديش الوضع بتعقد وقديش الناس بتقويل يا ويل و قديس الناس خايفة انا حاسس انو مقبلين على الاحسن بعكسك تمام ...
تفائلوا خيراً تجدوه وانا لاول مرة بحياتي بحكي هالحكي ... وبأذن الله احساسي رح يصدق
طبيعي ان اقتصاد كل البلاد تتأثر بس يوقف اقتصاد بلد معين
ولكن انا برأيي....الحريه ثمنها غالي و اذا احنا بنعاني فاهل نفس البلد بعانو 100 ضعف, اقتصاد ميت و واقف تماما و لكن كله فدا الحريه
ربنا يعينهم و يعينا...في اسباب و مسببات ولكن اولا و اخرا الرزقه بايد رب العباد
ام عمر
مساء الخير
شو بدنا نحكي ؟؟؟
حسبنا الله ونعم الوكيل
نقروده
ماتفهميني,, أصلاتن إنتي برات راسي
:k:
إحتمال أه,, إزا ما زبطو الوضع رح بينقعطو فتره مرتبه
:sad:
بالله عليكي؟؟
وك الشحن بالجوي بكلف للكيلو 8 دولار,, فقط لا غير
أما البري ف الشاحنه كلها بتكلفك من 150 ل 200 دولار
كيييييييييييييييف حالك إنتي؟؟؟
:ut:
سوزي
المصيبه إنه الشركات اللي عم تستغني عن موظفينها ,, هيه إردنيه بحت
يا حلااااااااااوه صح؟؟
الشركات الأجنبيه والخليجيه ما بلشت تعمل هيك,, لإنه أصلاتن بكون عندها خطه بعيده المدى ,, وتعطيلها لفتره صغيره مارح يكسرها زي الشركات المحليه
فهمتي شي؟؟
مواطنون بلا حدود
بقدرش أزاود ع الأمن العام
لووووووول
متأكده من اللي صار معي إنه بضاعتي رجعت ع الشام وبضاعه كانت طالعه ل لبنان رجعت عن الحدود البريه
شكلهم سكروها بس ع إسمي؟؟
دكتورنا
الشي اللي بخزي مش إنه ماعنا صناعه وطنيه,, بالعكس إزا بتدقق ف كم غرض بتلاقي إنهم بلشو يشتغلو فيها
اللي بجلط إنهم برفعو سعر البضاعه المحليه ت تصير أخلى من الأوربيه ,, بحجه الجوده إنها أحسن
بدنا نِـضرب ,, كـ مدونينن, أكيد
ونضالب ب طرد عمو صال صال من سدة الحكم,, شو رأيك؟؟
عمو صال صال
مافي كعك,, وسنعمل لإزاله كل " مدون" والإطاحه فيه إزا كان من حزب" إم عمر بدنا كعك" وقد بعزر من أنزر
جهــاد
إن شاء الله نكون ماشين للأحسن,, مش رح نخسر شي وإحنا منستنى
ونعم بالله,, منحاول نتفائل ولا يهمك
ويسبره
يا سي سي ع المحللين الإقتصاديين
عاد ع حد علمي الحريه ( ببلاش) بس بدها حدن يعرف إيطالب فيها مش أكتر
بالنسبه للرزقه,, هاد شي أكيد,, بس أنا بكره الناس اللي بتتجبر في موظفينها بوقت الأزمات
بدل ما يكونو معهم ويساعدوهم,, بروحو بخربو بيتهم في وقت بكونو محتاجين للدينار الواحد,, مش للراتب
يــوسف
أهلا وسهلا فيك
صباح الفل يارب
وإنت جبتها,, هيك المفروض نحكي كمان
نورت والله,,
اللي أنا فهمتو إنو حنعمل إضراب ..
يلا
:يا معين:
أنا أحتج و راح أشكل حزب تقدمي لتقديم الكعك و لإسقاط كل المؤامرات الإستعمارية و الصهيونية المدعومة من القاعدة، و راح أطالب بتسكير الحدود لما بدكم تشحنوا بضاعة، و رفع أسعار الشحن البري بنسبة ٥٠% لدعم الغلابا
انا اعلن انضمامي رسميا الى حزب "ام عمر بدنا كعك" ذلك حقنا للدماء و حفاظا على سلامة المدونة و ضمان استمرارها , دقت ساعة العجن دقت ساعة الكعك لا رجوع
يعني دكتور وضح موقفك، إنت معانا و إلا معانا؟
طعمي الثم بتستحي العين
انا مع الكعك
إتطاوشو ,, ســوا,, ســوا
إبليز
لا يوجد محصول كعك,,لعامة الشعب البلوغري
كل واحد و " كعكاته" بجيبته وبيعرف خلاصه
ويداً بيد,, لإسقاط السده والحكم وال " عمو صال صال"
تعيش إم عمر,, تعيييييييييييش
حدن إيزقفلي إبليز,, بشار مش أحسن مني
وين تعليقي؟
:(
Post a Comment