الذكرى الأولى للوداع

رح تكون اول مره إم عمر بتدون بوقت متأخر زي هيك,, او شكله بدري بما إنه النهار قرب يطلع

لمى تكون عم تستنى موعد,, بتحس كل ثانيه كإنها عُمر جديد إلك,, و زمن لا متناهي
كإنه الوقت عم بيخنقك,, بحبل من شوك ,, ملتف حولين رقبتك ,, وحاشر أنفاسك مزبوط
ومن كتر ما إنت حاسس إنه روحك عم تطلع,, ة

أو

طلعت وإنت بتنازع ومش حاسس,,, ة

بكونِن إديك مْرَطبات بالدم.. غرقانات في الدم
وشامم ريحته وهوه عم بنزل من قلبك

قطره,, ة

قطره

دخيل هالإيام اللي مابتعطينا إللي بنتمناه,, ودايمن عم نخسر ,, وبنخسر كل شي عزيز

كتير اشياء فتَــقتلي جروحاتي,, برغم إني عشت احلى أيــام الاسابيع الماضيه
إلا إني كنت حاسس إني رح اصحى ع فاجعة,, ومش اي فاجعة
هالمره سفر الحبيبة ( عبيـــر)
خلص ماعاد في عبير بعد يوم الجمعه,, رح إنوصلها ع الجسر,, ونستودعها ربها
يارح ترجع بعد شي 5 او 6 سنين,, ة

يا خلص,, بببببببببببح اشي اسمع عبير

 
عبير المخلوقه الوحيده اللي لمى كنت احكي معاها ما احس اني كنت أبــكي إلا لمى اشوفها عم تسمحلي دموعي
بخجل ابكي بيني وبين حالي,, لكن مع عبير,, غييير
كانت احن إلي من حضن امي وأنا مرضانه,, واقرب ل قلبي من كل شي
ياما راكضتلي وتعبتلي برغم إنها اصغر مني عُمرن,, ة

كنا سوا اليوم,, وكنت أجهزلها أغراض السفر وعم بحاول أضحكلها ,, ة

هاد بشع,, وهاد متل خلقتك شنع
بس مبين علينا إنه مش إحنا,, مش هيك عم نتصرف ك طبيعين
عليّم الله تخانقت مع ذبان وجهي اليوم,, ماضل حدن إلا وسمع صوتي وصريخي عليه

واللي بزيد وبغطي إنه الجمعه خطبت اخوي محمد,, يا سلام
يا هيك السفرات المفاجئه يا بلاش,, ة

Re-posting  

هي اول إعاده نشر إلي ,,ة

وبتمنى ما أتزكر هالتاريخ السنه الجاي

بتمنى أنسى كل التواريخ اللي فيها وداع,, وفراق,, وأسى

هالمره برضو رح يكون في خطبه,, بعد شي كام يوم,, وبتصور سيناريو خطبه محمد,, رح يتكرر ف الخطبه هاي

للتوثيق: أخر مره شفت فيها عبير كانت ع المنطقة الحدوديه( الجسر)يوم ما وصلناها 

.وكان من أشنع أيام حياتي وأكترها دموع وبكى وضيعان وتوهان