من اليوم وطالع,, الكل رح ينسئل هالسؤال
عشان ينعرف شو موقفك من الحروووب اللي حوليّك
عشان ينعرف إزنك رح بتحزن ع القتلى اللي بنذبحو زي النعاج
اللي الدبابات صارت تهرسهم هرس,, كإنهم حجاره مش بشر
يعني إزا إنت سني,, ف لازمن تحكي مـ هظول شيعه الله لا يردهم
وإزا إنت شيعي,, رح تعطي رأيك بالحرب وتترحم ع الأموات؟؟
لا حول ولا قوه إلا بالله
أي ما إحنا فقعنا ع مناظر البوسنه والهرسك من قبل
ومناظر تسونامي اليابان
والذبح والسلخ اللي ف كل مكان
لمى وصل الدم للبحرين,, صار معلش الشيعي ينذبح؟؟
الله أكبر بس
منيح اللي مافيّ تيميز بالهوا,, كاان العالم سحبت الهوا عن الشيعه
هذووووووووووووووول بشر زينا زيهم وكل ذنبهم إنهم عم بطالبو بحقوقهم
إحنا مش عايشين معاهم ت نعرف إزا إنهم ع حق أو ع غلط
حتى لو كانو أقليه
حتى لو إنه عاداتهم بتختلف عن عاداتنا
ليش,, لو كانت الحرب ضد المسيحين أو أي حدن من أهل الكتاب رح بيكون هيك ردة فعل الناس؟؟
بتمنى من الكل إنه يشيل من راسه فكره سني وشيعي,, كلنا بشر وكلنا ومسلمين
وحتى لو كانو من مـِــله ثانيه,, حتى لو مابنعيّد مع بعض,, بيضل ربنا واحد
إتقووووووو الله وإنتو بتحكو عن الشيعه
هسه بنطلي كم واحد,, وبحكولي ,, شكلك شيعيه
بعتذر من المدونه العزيزه رصاصه,, اللي من بوستها هاد إنفجرت
وكنت من كام يوم عم بتحاور مع أكم من شخص ع أحقيه الشيعه بالمطالبه بحقوقهم
وكانت توصل بيناتنا للصريخ ,, أه كنت أصرخ
بكره الظلم,, أنا وبكره اللي بشد ع إيد الظّــٌلام
وكل حدن رح يعطي الحق لأي شخص إنه يذبح بني أدم عشان هوه شيعي,, أنا رح أصرخ فيه وأحكيله إنت ظااااااااااااااااااااااااااااااااااااالم,, منيش خايفه إلا من ربي
19 comments:
صحّ لسانك
لا حول ولا قوة إلا بالله
شو بدنا نحكي يا أم عمر
التخوين و عدمه / القتل و عدمه / ... كله صار على الهوية
Great post 3dooleh,this is exactly what is happening..k2eno muslims only have the right to live...w hadoole l "koffar" allah la yrodhom ymoot
msh 3arfeh...7asseh el nas battal 3endha ensaneiieh!
لا صحيح؟؟؟؟
انتي سنيه والا شيعيه؟؟؟؟
فضوليه خانم
بمزح معك
لا حول ولا قوة الا بالله العلي العظيم
ربنا عز وجل في حديثه القدسي قال ؟؟لأن تهدم الكعبه حجراً حجر أهون عند الله من سفك دم المسلم
الله يهدينا ويصلح حالنا وأحوالنا
من ناحية ان الحقوق الانسانية من حق الجميع بغض النظر عن انتماءاتهم وتوجهاتهم فهذا امر مفروغ منه, ومن ناحية انه لا يجوز قتل المسلمين فهذا ايضا مفروغ منه, بالفعل نحن لا نعلم ما يحصل هناك لانه يوجد تعتيم اعلامي كامل على الموضوع
اصلا القضية مش قضية سنة وشيعة لانو في من ضمن المعارضين سنة كمان وفي من ضمن المؤيدين شيعة بالتالي القضية قضية فساد سواء كانت موحهةضد السنة أو الشيعة
جماعة المتظاهرين "المتظاهرين وبدون تحديد اية انتماءات" تمت دعوتهم للحوار والتفاوض لكن هم من تلكأوا بمعنى رفضوا لان ولس العهد اظهر تفهم كبير لمطالبهم ووعدهم خير لكنهم رفضوا, لماذا؟ لانه بالفعل لهم اجندات اخرى في المنطقة والدليل انهم رفعوا شعارات الخميني وغيرو
اما عن مسالة تدخل درع الجزيرة في البحرين فهذا ليس احتلال ابدا لان دول الخليج بينها اتفاقيات والحماية الامنية من ضمنها اما تدخل ايران في المنطقة هذا هو الوقاحة بعينها
اخيرا في حلقة مفقودة فيما يخص هذا الموضوع ولن تعرف الا اذا ازالوا التعتيم الاعلامي
حتى انا قرات انو يوجد مراسل اجنبي كان مع المتظاهرين بس بعدين لما حكى شيء حيادي وكان ضدهم هددوا
مرة تانية انا مع الحقوق الانسانية وضد القتل تماما وانا بالتأكيد مش عنصرية
تحياتي الطيبة على تلك المدونة الجميلة
يصح لسانك يا ام عمر ...
والله المستفيد من الفرقة لا احد .. والدم بيبقى دم ..والقتل مش سهل تزهق روح بني ادم ... العنف والتعامل بالقوة و البلطجة اشي مخزي ..
بـارك الله فيكِ ,, للأسف في ناس نفوسهم رخيصة لدرجة أنو عندهم مشاهد القتل والتنكيل ولاشي ولا يحركون ساكناً فقط ينعقون بأن مايجري طائفي! أنا قلت أكثر من مرة نحنا خلاص بطلنا مسلمين وبطلنا نمارس أنسانيتنا,, ياعمي أنا اذا شعب في أقصى أقاصي الكرة الأرضية وهم ملحدين مابيعرفوا الله و طلع بدو حقو وشفتهم عم يجزروا ويقتلوا فيه وبيذبحوا أطفالهم راح أكون معهم وأنصرهم فما بالك بناس هم أساساً مسلمين من لحمي ودمي! بس خلاص هذا عمى بصيرة!
::
وأنتِ قلتيها هذا ظلم وكلنا بنكرة الظلم وظلك عم تصرخي لأنو فعلاً حساب يوم القيامة راح يكون شديد ..
يعطيكِ ربي ألف عافية
::
الله ينصر كل مظلوم ويهدي قلوبنا
وآسفة على البوست اذا عمل فيكي هيك ): بس لآني والله أنا كمان متلك مقهورة وبعض الناس صاير تفكيرها متل البهايم!
::
كل الود
عمو المجهول
يصـّح بدنك يارب
نوّرتنا :give:
هيــثم
الله يارب ما يذوقها لا ل سني ولا ل شيعي,, هيك بدنا نحكي
بقبوقة
ثانك يو,, إنديد
عاد لو بيرجعو ل زمن الإسلام الأول بتلاقيهم متعايشين مع " اليهود" أحسن ما إحنا المسلمين هلأ متعايشين مع بعض
خلود المشاغبه
أنا مسلمه,, بديش أقلك ملتي
ناناناه
في ناس هاين عليهم دم وأعراض و حتى سيرة المسلمين
ومعطين حالهم الحق إنهم يقتلو,,لإنه همه الأفضل كمان
Anonymous
حلوه هاي أجندات,, عجبتني كتير
طب ما هوه حسني مبارك عمل للشباب المتظاهرين كلللللللللل شي طلبوه
وعمل أشياء ما كانت تخطر ع البال
والشباب رفضتهم بشكل نهائي
ليش ما إتهمتو شباب مصر إنه عندهم أجندات سريه ومخفيه؟؟
بلاش يا سيدي.. مش هلأالليبيين عم بحملو صوره عمر المختار؟؟؟
فكرك لشو بترمز هالحكي؟؟
أهلين فيك ع كلن,, كل حدن حر برأيه
السيد مهند
تحياتك مقبوله,, أهلن وسهلن فيك
جهـــاد
تسلم يارب..
هـيّـه الشغله شغلت فتنه,,وبدهم بس حجه إنهم يخلونا إحنا بين بعض نستبيح دمنا ويصير أرخص شي بحياتنا
رصاصة
أهلين فيكي,, ويسلمو إنك تقبلتي كلماتي المتواضعه
الله يبارك فيكي إنتي كمان
هيه بالأول إنسانيه الحاله,, يعني ليش الناس بتحزن إزا شي مجنون دخل ع مدرسه أمريكيه وصفاها ,, ومابتزعل إزا حدن نــّكل بشخص شيعي؟؟
بدهم مجازر أكتر من هيك ت يصحو يعني؟؟
لا تتأسفي,, أصلاتن أنا مقهوره من قبل و مصرخه ع هاد الموضوع ت قايله بس
برغم إنه ما عندي معلوماتي ع قدي بخصوص الشيعه,, لكن أنا بحترمهم كلهم,, وبحترم إختلافنا كمان
تسلمي,,ل مرورك,, عيدها يا عسولتنا
والله عاد انت قوليلي يمكن عمر المختار برمز لليهود وانا ما بعرف!
وضع كل ثورة بختلف عن الثانية تماما
واذا مو مصدقة شوفي تصريحات ايران والشبكات اللي انكشفت في دول خليجية تانية!!!!!!
Anonymous
خليني أوضحلك هالشغله ,, أنا بحترم رأيك
مين ماكنت تكون
وحتى لو عرفت هويتك,, ( وهيك صاير) الإختلاف في الأراء لا يفسد للود قضيه
شغله تانيه,, الإعلام كله ما بنقدر نعتمد عليه,, معظمه مضلل وغاااااااايته الأساسيه زرع الفتنه عشان ما يلاقو شعب متهني وبعدها يبطل عنده ماده إعلامه
في فتره من فترات حياتي كنت مخصصاها لدراسه الشعيه و أصولها و منابتها وكلللللللل شي متعلق فيه
وبرغم تعارضي مع كتير من أفكارهم,, وبرغم الهجمه اللي إنت عاملها ضدهم,, أنا بقلك حتى لو ع مقوله أحد المدونين ( إلهم مطامع بالحكم) همه بشر وممكن يغلطو,, بس مش معناها ننبيدهم ونعمل مجزره ( حماه ) ثانيه
كل الود ل حضورك عمّــي
والللللللللللللللللل هجمة مرة وحدة, تخنتيها مو كأنك ليكون بحكي من منبر من منابر الاعلام المضيئة وصوتي رح يوصل للقاصي والداني وأنا ما بعرف
وهي انت قلتيها ما منقدر نعتمد عالاعلام!!!
عزيزتي انا من البداية قلت اني مو ضد حدا وما بقبل بقتل أي حدا وقلت انو المتظاهرين مو بس من طائفة وحدة بس انت شكلك اللي بدك تخليها طائفية!!!
سياسة معروفة وسهلة: فرّق تسد!
يعني همه مش بني آدمين؟
ما الهم حق يعيشوا؟
أنا بطلت افهم الشارع العربي و نظرته للشيعة
و من متى؟
امبارح بحضر فلم شوتر
سيناتور امريكي بيحكي
لا يوجد سنة او شيعة يوجد فقط ما نريد نحن ان يوجد
التطرف يولد تطرف
كانوا منا و فينا قبل كم سنة
مرحبا ام عمراانا ما عندي كعك بيمشي اني اعلق :)
المشكله في البحرين عملوها سياسيه لا سنه ولا شيعه الهدف من دخول السعوديه انها تحمي خط دفاعها الاول وانه كمان لو الثورة في البحرين تنجح اللي في السعوديه عيونهم تقوى يعني لا سنه ولا شيعه !!
اما قبول القتل لا احد ان يقبل بالقتل بهاي البشاعه والحقاره حتى لو كان ضد كافر !!لكن الاعلام عذى الكراهيه والناس صارت تحكي الله لا يردهم و للاسف الشيعه في البحرين بيعيشوا في حاله فقر وحاجه ونسبة البطاله عاليه والهم احياء خاصه فيهم وهاد الشي لحاله تمييز يعني بالعربي الهم الحق انهم يثوروا !
Post a Comment