صباح الخير
كل عام وإنتو بخير,, كليتكم
مسلمين مسيحين,, شيعه سنه, كاثلوكيك بروتستانت,, كل مللكم,,
كل عام وإنتو بخير
وحيثيه إنه مش لازمن نعايد على بعض
أو على الأخوه المسيحين رح أحكي عنها بعدين،،
هاي للناس اللي حابه تهاجمني على الصبح
يا جمااااااااااااااااااعة الخير
يا بني أدمين
يا محترمين،، حدن يفهم النسوااااااااااااااااان إنه لمى الرسول عليه أفضل السلام حكى
لو أمرت أحدا أن يسجد لأحد لأمرت المرأة أن تسجد لزوجها ؟
مش معناته إنه تسمحيله التالي:
- يدعس على راسك
- يحرمك من كل حقوقك
- معيشك بذل وحقاره وحرمان
- لا مصروف ولا طلعه ولا نزله
- مع إنه حالته الماديه بتسمحله يطلعك ويصرف عليكي وينزلك مثلن
- تشوفيه كريم وخيــّر مع كل الناس برات البيت وجوات البيت بشحدكم الملح
- مهمل طلباتك الأساسية" مأكل, كسوة شتا, كسوة صيف, أغراضات خاصه "
- برات البيت وجهه مترين وضحكته من الذان للذان وجوات البيت نكد وكشر وغضوب وبضحكش للرغيف السخن
- بدخن كل يوم بما قيمته عشر دنانير , وبس تطلبي الدينار بحكيلك يابي شو بتصرفي؟؟؟
- نص كلامه معك مسبات وإهانات والنص التاني أوامر كإنك خدامه عنده
وبالأخر تحكيلي عشان ربنا؟؟!!!!؟؟؟
يااااااااااااااااااااااااا حبيبتي,, يا بق بق عيني إنتي
للمره ألف رح أحكيها
ربنا ما بحب العبد الضعيف,, بحب العبد القوي اللي ما بتنازل عن حقه
واللي بيكره عيشة الذل
ربنا خلقنا وكرمنا وأعلى من شأنا
مش عشان يجي جوزك يضغطك ويكسرلك راسك ويحرمك ويجوعك ويذلك ويسبك وبالأخر تحكيلي
مسامحيته عشان ربنا؟؟؟؟!!؟؟؟؟
شو بتحكي إنتي؟؟
ليش هوه لو رجال بعمل معك هيك.؟
ليش جنابه بيرضى بعيشتك لوحده من خواته أو لإمه أو ل بنته؟؟
معلش أنا معصبنه من حكي النسوانات اللي لا بيجيب ولا بيودي
وفوق كل هاد بتحاول تناقشك بالمنطق
وتفهمك إنه إنت" بتعرفش ربنا" و " شكلك فاهمه الدين غلط"
عشان هيك بتناقشها بهيك مواضيع؟؟؟؟؟؟؟؟؟؟!؟؟!؟!!!
وبتحكيلك" حياة الزوجه جهاد"
أه جهااد,, وهوه كافر ولازمك سيف؟؟
جهاد ,, يعني تعب ومشقه وتضحيه مشتركه تكون طالعه من قلبك مش مغصوبه عليها
بس مش بحقوق اللي ربنا أعطاكي إياها وأكرمك فيها ورفعك فوق الحيوانات؟؟
جهاد,, يعني إنتي ماخده كل حقوقك ومتطلباتك منه بكرم والدنيا ذاقت عليكم وتحملتي شوية تقصير عشنك بتخافي ربنا..
مش قادره أحكي أكتر من هيك
بجد فقعت رسمي أنا....
.
.
أخر شي حابه أحكيلك ياه,, غلبي حالك وإدخلي على هاللنك وبركي عرفتي لمى تحكي عن كلمة " أنا مساميحته" متى تسامحيه وعشان شووووو
16 comments:
Um omar
دائما ما يروق بى ان امر على مدومنك
كيف لا وانت غاية اهتمامك المرور عل مدونة بتاتى ومدونتى
من يستطيع ان يهاجمك فى وجودنا وانت للجميع ناصحة ومرشدة
Peace for you and all Arab people
عندك وجهة نظر أم عمر وأنا معك. بعض النساء شديدات على أنفسهن. مش عارفة يمكن خوف
في أغلب الآيات القرآنية عن علاقة الزوج بزوجته حتى في الطلاق أو الإمساك كان الإحسان والمعروف هو الأساس
"فأمسكوهن بمعروف أو سرحوهن بمعروف"
وطبعا الحديث:
"إنما النساء شقائق النعمان، ما أكرمهن إلا كريم وما أهانهن إلا لئيم"
ومن خطبة الوداع: "استوصوا بالنساء خيرا فإنما هن عوان عندكم، إن لكم عليهن حقا، ولهن عليكم حقا"
وغير هذه الآيات والأحاديث كثير.. .
إذا ربنا أكرمك وأمر بإكرامك ولك حقوق كما عليك.. ليه مستغنية عنهم؟
معاكى حق ام عمر تضيقى من السيدات دول
هذا غباء مستحكم وفاهمين الدين والحياه غلط
لان المرأه يجب ان تكرم فى بيتها وخارجه
تحياتى موضوع جميل ويحتاج لكثير من المناقشه
صحيح ان ما اكرمهن الا كريم وما اهانهن الا اللئيم
و أكرم الرجال هو من اكرم زوجته معنوياً ومادياً وبدون منّ ولا أذى
لكن وحدي الله ام عمر !!!هذا الحكي كان ماشي و بنطبق على النسوان ايام ستّي وستّك...ه
هالايام يا بطه ما في حدا قليل لا نسوان و لا زلام....كله بيعرف كيف يطلع عين اللي قدامه:))
كل عام وانتي بخير :)
Um Omar .. kalam jameel, as usual, bs esma7ele a7kelk wejhet nzary 3n el mwdo3..
personally I think that women know that fighting for their rights will lead to decision that they can’t take the consequences of. 3ashn heik, be7ebo yedefo value for what they do , and believe me, they say so 3ashn 7alhom, for themselves to feel better. it is not to argue with u or to convince u.. they know deep inside that they are wrong and they shouldn’t stay silent, yet they also know that this is a5af el darar..
we live in an ugly society that is purely male centered.
kol ma tshofy 7dan zay heik, bs e7ke ya rabb tkon m3ha.. w allah ma y7otna m7alha :( poor women
بلاش نسخن الستات علي رجالتهم
وخلينا محضر خير
علشان احنا مش نزعل
تحياتي
محمد عامر
شكلو يا ام عمر كل واحد بدو يعمل مصيبة او انو يبرر موقفة بلبسو توب الدين ..
وهيك بعطية الشرعية ...
عاداتنا وتقاليدنا البالية طاغية على ديننا ..
و الناس خلطت الحابل بالنابل ...
بس يا ام عمر ما نحميهاش بلا ناكل هوا الواحد ما يعرفش بكرة يقعد بالبيت من كتر الطوش
لووول
مش مصدقة الي عم بقرأو
عن جد في نسوان هيك مفكرين
طبيعة الحياة الزوجية "جهاد" هههه
الله اكبر احنا وين عايشين
يعني انو زوجك يهملك اشوية
يعصب اشوية من الدنيا من الشغل
من الديون من الحياة
عادي بتمشي
بس سب واهانات
ودعس على الراس
يا وردي شو هاظظظظظظظ
حبيبتي ام عمر
استفزتك كتير باينتها هاي المراة
شو رايك انضيفها على قائمة الاشخاص المستفزين لوووووول
كل عام وانتي بخير يا بطة
عام ملؤه الحب والخير والسلام الك
ولكل من تحبين
هاي ام عمر حبيبتي ما معي كعك بس رح احكي :)
هلا هدول النسوان بيحبوا يلعبوا دور الضحية وبصراحة اللي بايده الله يزيده هي عاجبها تظلها تتأوه وتعيط لانه الطريقة الوحيده اللي تحكي فيها فالله لا يردها لا تقهري حالك وتزعلي وسنة سعيدة الك ولعيلتك الحلوة وتكون بداية للفرحة والسعادة
عمو فاروق
يارب تضلك دايمن رايق البال
بزياره مدونتي او بدونها
تسلم على المسانده,, بس إلا ما الواحد يتهاجم
خاصه بوجود إختلاف الأراء
تحياتي إلك ولزوجتك ولبناتك,, الله يخليكم ل بعض
أسيل
الله يجزيكي الخير
عاد كنت ناويه أعزز الموضوع بأيات وأحاديث كريمه
بس التعصيب والغضب اللي إمتلكني بساعه الكتابه عمى عن بصري
يارب يسمعوكي ويقتنعو,, يارب
هبوشــة
أنا دايمن في حقوق النسوانات معي حق
ههههههه
مش غباء,, هوه أقرب ل قلة الوعي,, وقله الخبره
الله يهديهن بس
أهليني فيكي عسوله,, نورتينا والله
نيسانتنا
لا إله إلا الله
ليش أنا جبت الحكي من عندي؟؟
وحكيت كل هالغضب هاد لوما شايفه كزا تجربه حوليّ
الله مكرمك إنه اللي حوليكي نسوان كاسرات
يارب اللي في بالي ينعدن من اللي في بالك
وإنتي بخير والصحه والسلامه يا بطه
lily
Dear sweetie
thank u for the nice comment, but believe me, the type you referring to is not the one am talking about, i did't published such story unless am sure that the other Side is ( the devil Himself)
وبالعربي,, دايمن بدعيلهن,, لإني بكره الظلم وأهله
أهلين فيكي نورتينا عسوله
محمد عامر
مش بنسخن حد على حد
بنحاول نلاقيلهم حل عشان يبطلو طوش وخناقات
أهلين فيك
فاينل ويه,, عمو أحمد
فكرك الدين شو بده يتحمل ل يتحمل؟؟؟
العاده والتقليد هيه سبب كل مشكله
معظم الرجال من هيك طبع بكونو بقلدو " سي السيد" أبوهم
والنسوانات,, على قولة سوزان,, بحبو يلعبو دور الضحيه عشان ينشفق عليهم
إنت أتقي ربنا ف بيتك ,, أحسنلك من نومه بير السلم
لوووول
أمولـــة
صدقيني,, كل حرف صار
مألفتش إشي من عندي
جهاد,, اه جهاد
أنا هاد الي بحكي فيه
الظروف والطوش الطبيعيه ما بخلى منها كل بيت
بس الإهانات مبنسكتش عليها لإنه وضعها بالمره مش طبيعي
شخصيات مستفزه فعلن,, معك كل الحق
وإنتي بخير والصحه والسلامه يا تؤمه ل روحي إنتي
سوزي
مسامحيتك بالكعكات ;)
بجوز من كتر ما صار فيها قررت تلعب هالدور
وإنفرض عليها
اللي بإيده الله يزيده,, اللي بسكت عن حقه ربنا ما رح يجبله إياه بدون لا تعب ولا طلب ولا غلبه
وسنتك أحلى من كل السنوات يارب
والله يا ام عمر مش كاسرات...بس قد حالهن وبيعرفوا متى يطلبوا ومتى يراعوا الوضع ويدبروا ويوفروا عالسكيت ... وهو هيك الصحيح ان تعرف الزوجه متى تراعي ظروف زوجها ومتى تقلب البيت على راسه ههههههه
نيسانتا
هاي بني أدمه طبيعيه
وعلى قولتك هيك الصح
الرتم الواحد مش حلو وممل وبيصير روتين
الجنان " اللي مبرر" إله وقته ,, وحلو
الإنقياد " المبرر برضو" إله وقته وحلو
وأحلى شي لمى تقلبي الطاوله على راسه وتكشي الملك بالوقت الضائع
هاع,, هاع
Post a Comment