بعد ما طلعت من غرفة العمليات
"هالحكي بسنة ٢٠٠٧"
صحيت على وجهه إمي وكله دموع
أبو عمر فوق راسي مبسوووووووووووووووووووووووووووط
أختي الصغيره مبين عليها مش نايمه من مره
رجعت غمضت عيوني ونمت
فتحتها مره تانيه على ممرضه عم بتحطلي إبره المسكن بعلبه الجلوكوز اللي واصل منها إنبوب لإيدي
دوبني بحكي معاها ،، رجعت نمت
صحوني بالغصب عشان أشوف " عمورتي" وكان عم ببكي بحرقه
تفاجئت فيه،،
متوقعه المولده بنت
حملته
ضميته
بكييييييييييييييييييييييييت
وغفيت وأنا بمحاصريته بإيدي
ورجعت نمت
تاني يوم،، صحيت بعد عدة محاولات إنهم يخففو البنج
كانت إيد الدكتور اللي متزكراها ماسكه إيدي وعم بقيس بالنبض وبفحصني
حكالهم" الحمدلله كله تمام"
وأمر الممرضه تخفف المسكنات علي،، وتخلي المضاد الحيوي
وبرغم إنه جرعة المسكن خفت إلا إني رجعت نمت
صحيت على حركه بالغرفه
تطلعت كانت إمي نايمه
والباب مفتوح
والضو مطفي
وفي حدن واقف بجنب سرير عموره
ومادد إيده
ناديت ودوبه طالع صوتي
شو بدك؟؟
حكتلي، بدور ع سرير فاضي
ومتل الصاروخ طلعت من الغرفه
بالزوووووووووور
غصبت حالي،، وشديت عليها
وناديت على إمي وخبرتها اللي صار
طلعت إمي ركاض تدور على اللي كانت رح تسرقلي إبني
مالقتها؟!؟!
كانو كلهن ممرضات بالأبيض وأنكرو إنه في وحده دايره بين الغرف من أصله
ضلينا طول الليل قلقانين وخايفن تسها عينا وترجع هالمحترمه
في اليوم التاني،، إمي أخدت عموره على غرفه الخداج عشان بدها تروح على البيت
وأنا كالعاده مسطله من المسكنات
صحيت بدي أرن على إمي تجبلي معاها عصير ميزو
مالقيت تلفوني
مع إني الصبح حكيت فيه أكتر من مكالمة؟؟!!!؟؟؟
لوووول،، إنفدى عموره بالتلفون الحمدلله
في ناس متخصصه بسرقة الأطفال من أقسام العمليات القيصيريه
بيعرفو الإم إنها مسطله ومش صاحيه على حالها وممكن يسرقوه ويطلعو من المشفى بدون ما حدن يحكي معاهم ولا يسألهم مين هاد اللي معكم؟؟
أنا بعرف إنه هالحكي بس بالمستشفيات الحكوميه
عشان هيك بولادة بنتي كانت بالتخصصي،، تفاجئت إنه كمان المستشفيات الخاصه فيها هيك مغامرات
متزكرين الطفله وعد اللي نسرقت ولولا عطف ربنا ما رجعت لإمها
اعلاه تزكرته وأنا بقراء في هاد المقال
يارب يلقولنا حل
ونبطل نسمع عن سرقه أطفال من المستشفيات
18 comments:
شو هالمغامرات ام عمر؟
الله سترك وفتحتي عيونك في اللحظه الحاسمه
هو عموما صعب السيطره على اقسام الولاده في المستشفيات لا ليل ولا نهار....وصعب الممرضات يفرقوا بين الناس الموجوده اذا انهم مرافقين او زوار او حرامية ولاد:) ع
لما ولدت زينه كانت قصص السرقه طازه فضليت حاططتها بحضني طول الليل وصاحيه...مهو بالمدينه الطبيه مفيش يما ارحميني....بتولدي من هون وبيزتولك الولد بحضنك وانتي تصرفي حره بدك تنامي وتخليه او بدك تضلك صاحيه....كل واحد مسؤول عن عدّته ....لووووووول على رأيك
عجبني إنك كاتبه التعليق وحاطه اللينك كمان
لوووووول
الله يحميهم وتضلي فوق روسهم يا رب
ام عمر
حمدالله على سلامتك والحمد لله انك بخير وسلامه كما لا يفوتنى ان اشكرك على تهنئنك لجيهان بارك الله فيكى
اما عن سرقة الاطفال فانا اعتبرها سرقة لقلوبنا ربنا يوقف قلوب من يحرم القلوب من سماع دقاتها
الفاروق
الحمد لله يا ام عمر الله كريم انك فتحتى عيونك
الام دايما تستشعر الخطر بأتجاه ابنائها
حمد الله على سلامتك وسلامه عموره
لوووووول يا احلى ام عمر
7mdella 3a salamtek ente w 3ammora :) rabna be7ebek faya2ek fel wa2t el sa7,, 7mdella
jd she bewajje3 el 2alb allah ynta2em mnhom elle b3malo heik.. msh 3arfe kef bejehom 2alb y3malo heik 3amle..
ana lama wldet fel t5assosy ma jaboly zaina asln ella lama dallet ano2 bde ashofHa.. homme befadlo asln el baby yedal jowa el 5adaj 3ashn ymkn ydallo kol she under control
ياااا حبيبي!!!! الله لطف! الحمد لله عسلامتك وسلامة ابنك
أنا عندي حل!!!! هلا أكيد أكيد لازم يظل فيه حراس وأمن
لازم عالرسيبشن كل ما يجي واحد يسألوه من أنت وعند مين طالع وشو صلة القرابة بالمريض ويتسجل اسمه في ملف الزوار. ولكل غرفة فيها مريض يعملولها كرت أو مثلا 5 badges for every room يعلق على قميص أو بلوزة الزائر واللي مو معلقها أي واحد بلقطه (أمن، دكتور، ممرض، زائر أو مريض) يناديله الأمن يطلعه برره
أتوقع خمسة لكل غرفة وزيادة عشان ما تكتظ بالزوار ويظل فيه مجال لمراقبة كل ما يحصل في كل غرفة.
حمد الله علي سلامتك اولا
وربنا يكفينا شر الناس دي
تحياتي
محمد عامر
*لا تعليق*
حبيبة البي ام عمر
والله البي سقط وانا بقرأ
تنزكر ما تنعاد
يا لطيف شو هاد
انا متاكدة البك بيصير يدق بسرعة لما تتزكريها
الحمد لله الي اجت على الموبايل
ربنا ستر
الله يخليلك ياهم
ويحفظهم من كل شر يا رب
نيساتنا
شكله مكتوب عليّ أعيش كل حياتي مغامرات لووووول
هاي أكبر عيب للمستشفيات الحكوميه
بزتولك إبنك وملهمش خص فيه
الحمدلله على نعمة التأمين الخاص,, اللهم لك الحمد
نور باشا خانوم
مهو عشان لمى يوصل صوت الكاتب للوزير
يعرف إنه الحاله مش فرديه
وعامه
ويتزكر القصص كلها
من قصة وعد تاعت مستشفى البشير لهاي القصص الصغيره
فهميتني؟
تسلمي يارب,, كلك زوق احياناً
السيد فاروق
الله يسلملك عمرك وإيمانك وعافيتك وأبنائك كلهم
فش إشي من واجبك,, ولو العفو منك
حسبي الله ونعم الوكيل فيهم,, مبيعرفوش إنه غلاوة الطفل ملهاش عمر زمني
الي عمره يوم زي اللي عمره 20 سنه
مرورك بشرفني ,, اهلا وسهلا فيك
هبوشه المشاغبه
البنت وأبوها عندي
يا دي النور,,يا دي النور
الحمدلله دائماً وأبداً
وإلا كان هلأ معنديش عموره من غير شر
يسعدك إنتي يا قموره ,, ويخليكي لأهلك وأحبابك
شرفتينا كمان إنتي
ليلي
الله يسلمك إنتي وأهلك يارب
سلامته ل قلبك يارب,, هدول مش بشر
ربنا نازع منهم الرحمه من قلوبهم
احلى شي بالتخصصي إنك بتبوسي إيديهم ت يجبو المولود
بنتي ولدتها هناك,, وال3 أيام تقريباً زيارتين كانن
والباقي أجر حالي جر على الخداج عشان ابوسها وأحملها
:((
أسيـــل
الله إيسلمك يارب
حلك كتير منطقي وحلو
بتصور المستشفيات الخاصه ممكن إتطبقه لاحقن
بس الحكوميه,, إنسي الموضوع
يسلملي اللي بيفكرو أنا
سيد محمد أمير
يسلملك أحبابك يارب
أمين ,, إحنا وإياك
أهلين فيك ,,
هيـــشم
أحسنلك برضو
أمووووووله
حبيت حياتي إنتي
سلامته ل قلبك عسوله
امين يارب
الحمدلله,, الحمدلله,, كل ما أتزكرها بضلني أحمدربنا إنه ما كملت معها القصه
ويخليلك أحبابك وأطفالك وجوزك وأهلك يارب
اهلين ام عمر من يومين اعتقد كانت في سرقة لبنوتة بمستشفى بتونس و كانت في بنت رفيقي حطت المقال و فيديو الام و هي محرقو قلبها على ابنها طبعا ما قدرت افتح الفيديو لانو انا اكثر شي بياثر في انو طفل يضيع من امو و حرقة قلبها عليه باعتقد انو يموت الابن اخف وطاة من انو يضيع لانك بتعرفيش ايش بيسوو فيه يعني انو يموت هو عند ربنا و اكيد منعم بس لو مخطوف او شي اولا بتاخفي انو يكون بيسيؤوو معاملتو تانيا متستحمليش انو يكون ابنك بمطرح ما بهالكون و ايدك مش عارفة توصلو سبحان الله الله ييصبر كل ام على ابنها الضايع ..
بالمناسبة بعون الله الطفلة التونسية انلقت و رجعت لامها
يعني السرقه وصلت كمان انو يسرقو البشر!!!!
ما بعرف ليش هلا تزكرت قصة (((ورد)))
يالله السنه الجديدة بدات والناس عم تحتفل وام ورد لسا مش عارفه ازا ابنها حي او ميت !!!!!
تقبلي مروري
كل عام انت واحبتك بألف خير؛
اول اشي كل عام وانتي بخير يا ام عمر ..
ثاني شي الحمد لله على سلامتك ولو متاخرة ...
ومش اشي غريب ينسرقوا البشر صح ...
الله يكفينا شر بني البشر
Post a Comment