توقعات الأبراج لموسم ربيع وخريف 2012هوتكوتّوغ

بعد ما بلشت المواقع الإلكترونيه تنشر توقعات الأبراج متل هالكتكوت هاد

قرقرت أرجع لتدوينه قديمه وأنشرها مع رتوشات تعديل

نبلش بالصلاة عالنبي:-

برج الحمل :

 بتوقع إنو برج الحمل يمر بمراحل صعبة وصعود وهبوط في الحالة النفسية والإجتماعية نتيجة انحسار الجزر 3 سم زيادة عن العام الماضي في المناطق التي تأثرت بالتسونامي مما انعكس على وهج القمر وبالتالي سيؤدّي إلى بلبلة وقلاقل بالنسبة لمواليد برج الحمل، ديرو بالكو وانتو بتقطعو الشارع لإني شايف خطر محدق

برج السرطان:

 برج السرطان لهذا العام رح يستفيد من الانحسار أبو 3 سم اللي تضرر منّو برج الحمل، فرصة ذهبية للانقضاض على الفرائس والقروصة فرصتها سانحة على صعيد العمل، استغل وقت في حياكة المؤامرات ضد أربابك في العمل ، وطول ما كوكب زحل مارق بين العصر والمغرب إنتا فأمان، خليك فرحان ...إلعب يا سرطان

برج الميزان:

 برج الميزان رح تميل كفّته لصالحك هاي السنة، استغل انغماس الباقيين في العمل الجاد لإنك تلهيهم وتخرب عليهم، واعتمد على طالعك الفلكي اللي أنا بضمنلك إنو رح يكون بجانبك، مجموعة بنات نعش الصغرى عم تقترب من مدار كوكبك وبالتالي وظعك فوق اللوز، برج الميزان...إوعا تنضف الخزّان

برج الساعة:

 برج الساعة بتوقع إنو يشهد أعداد هائلة من الطلاب تمر من تحتو هاي السنة، مع احتمال إنو البعض يجلس تحتو، شايف برضو شخص قصير عندو كرش ولطيف إسمو أبو يحيى مصور الجامعة يلتقط بعض الصور لبعض الطلاب المبسوطين لتواجدهم تحت برج الساعة، بالتوفيق يا برج الأبراج

مع إني مفروض بتسلى عادة وانا بتخوت ، بس مش قادر أستطيع أتابع، عندي كلمة لكل شخص بتابع الأبراج وبفتح فمه وبركز وهو بسمعها وبتأثر عليه سواء بشكل إيجابي أو سلبي

يسم بدنك، مخّك اللي جوّا راسك خسارة فيك

ملاحظة :

 للّي كمان بستنا يعرف شو صفاتو الشخصية من ورا برجه... يعني اللي صار عمرو ابصر كم سنة ولسة مش متأكد من صفاتو الشخصية، هاد يسم بدنو 10 مرّات،أنا بعطي صفاتو الشخصية : إنتا بني آدم %amp;^%$

بي إس

التدوينه ملطوشه من الهيستوري بتاع عمو ناصر

Aka 

Naser_k@

بي إس تاني

لمى رح يشوفها رح يطخني بفرد مي بلاستيك

الله يرحمني