بعرف إني جننتكم بكل مكان إني بـأكره إسمي الحقيقي
ومش متعوده عليه.
اليوم قررت أبسّصطلكم معاناتي معاه,, عشان ترعفو ليش أنا هيك صار معي؟!؟.
فلنفرض جدلاً إنه إسمي بشهاده الميلاد هوه " عديــلة" والدلع الطبيعي
للإسم هاد هوه " عدوله" حلو ل هون ؟
مابعرف مين بقرر إنه هاد إسم الدلع يما لأ
بس هيّه أعراف الناس ماشيه ع هالطريقة
أي بنت إسمها عديلة,, دلعها رح بطلع عدوله
صح اللي أنا بحكيه ؟!؟!
اول معاناتي مع الإسم كانت في الروضه
لمى المعلمة حبّت تاخد الحضور والغياب,, ونادت مرتين ع عديلة,,
وماردت عديلة ف سجلتها غياب
وعدّت الصف,, لقت في طفل زياده
رجعت نادت بصوت أقرب للصريخ,,إنه اللي إسمها عديلة تشرفنا وتحكي نـــعم.
أنا بحكي بيني وبين حالي: إنه مين " هالهبله" إلي مو عارفه إسمها وبدها تتسبب للصف كله " بكلته" عشان تتزانخ؟
ضليتني مُزبهله,,وماعرفت مين هيّه هالبنت
المعلمة,, صارت تنادي ع الأسماء مره تانية,, وقررت إنه إلي بيسمع إسمه
بطلع بوقف بجنب اللوح" عاد إحنا بنحكيها بوقف ع اللوح بس عشان ماتتمئلسو عليّ عدلتها ..."
الكل طلع,, إلا جنابي
أكيد إستغربت إنه ليه ل هلأ ما نادت ع " عدوله" شكلي جاي ع صف غلط أنا
إكتشفت المعلمه إنه جنابي اللي مسببه هاللبكه هاي
قامت من ع طاولتها
وتوجهت إلى" درجي" وضربتني كففففف رنتلي راسي كله وخربن رونديلات مُخي
بتحكيلي,: وك شوو إسمك إنتي؟!؟
بحكيلها : إسمي عدوله
بتحكيلي: $^*)^%*&% لليوم اللي جنابك قررتي تدلعي حالك فيه...
خلص اليوم وروّحت ابكي لإمي ,,
ماعرفت بوقتها ليش إمي ضحكت وماعرفت ليش تااني يوم أجت نقلتني أنا وأخوي اللي أصغر مني لصف تاني,, لاحقن إكتشفت إنه إمي توجهت لمديره الروضه تاني يوم ,,وتطاوشت معاها إنه كيف بتضربو بنت ع شي هيه مش فاهماه؟
المواقف زي هدول توالت كتير عليّ ,, بس كنت واعيه بعدها إنه " عدوله" هاد إسم دلع مش إسم أساسي.
الأيام هاي صار معي العكس,, والعالم وصلتلي بطريقه أو بأخرى إنه إنتي كبرتي ع هيك إسم وإستحي ع دمك,, وخلص بكفي تنادي حالك بإسم مش إلك " زي قصه السيرلاك "
بس الإشي اللي صار يحرجني بالأكتر,, بس يتصل فيني حدن تعاملي معاه رسمي وشغل ب شغل ,,ويسأل عن إسمي ,, ويروح بتبرع يدلع إسمي
صارت أكتر من مره,, وفي موقف مابنساه من كم شهر.
إتصلت ع المدير المالي لأحد البنوك بسأل عن حواله ,,إيش صار فيها
أنا بتعامل مع هالشب من أوائل ال2006,, وكتير هوه محترم
ف هديك المره,, قرر يناديني " عدوله" طبعن أنا صار وشي أحمر,, ماعرفت ليش
خلصت المكالمه وماعلقت عليه
بعد كام يوم إضطريت أرجع أتصل فيه
رجع ناداني عدوله,, إنفصمت وبرضو ماعلقت
المره التالته,, رجع ناداني "عدوله" أنا فقعت معي,,وحكتله إسمي من بعد إذنك يا عديله,, يا إم عمر :سمايل وشه زهري ع أخضر:
طبعن هوه صار يعتذر وفهم إنه أحرجني
وبعد ما تسكر الخط,, إتصل ع مديري المباشر يعتذر ويتأسف إنه تسببلي بإحراج وماكان عارف كيف يتصرف
وبرر موقفه إنه ماخد عليّ وش ,, ع سنوات التعامل المباشر بيني وبينه
هالمواقف للتذكير والتوضيح مش للحصر
..
وهلأ صرت أكره إسمي الطبيعي,, وإسم الدلع بتاعي,, وإسم " إم عمر" و الكعك كمان.
38 comments:
واااااااااااال
هذا القضية أسخم مما كنت"ا" نفكر :)
إن شاء الله ما تظلي مزبهلة من اسمك لأنو ما فيه سبب (كل هااااظ و ما فيه سبب)
المعلمة الي ضربتك لسا بتدرّس أو بتعرفي وين أراضيها؟ :انتقام:
* كل واحد إلو من اسمه نصيب <=== يا إلهي شو طول عمري بكره هالعبارة!
** شو بدنا "نعيطلك" من يوم و رايح ؟ أم عمورة مثلا ً؟ :) :بدون ضرب:
يسعد صباحك
طيب أنا عندي اسم جديد
بنخلي العين ونحذف الدال ونضيف ألف ونبدل مكان اللام والياء فبصير
عاليه :)
شو رأيك :)
من الآآآآآآآآآآخر!!
لا جد معاكي حق، ما بلومك أبدا أبدا
غيري أسمك ل نيلة
ههههههههههههههههه بناء على رغبتك
هلا الناي بتفكر اسمك عديلة عنجد
بس ناقصك بخيت مشان تكمل
:woops:
ايش يا حصتي انتي
:سمايل كبير مايل على حيط وبلحس غرته جنب سمايل صغير...فاكراه:خخخخخخ
ههههه والله مغامرات مع اسمك انا دايمن سناني مبينه بس هالمره بين الطابقين من الضحك
يا الله ما ألزك هههههههه
هالمعلمه عن جد شريره الله ايسامحك بس ما عرفتيش اتكشري عن انيابك
وتشردي
واحنا كمان بنحكي على اللوح
عارفه ما الو دخل اللينك بس في على السبوره هههه
http://www.youtube.com/watch?v=zeufEYvjoSI
بتمنالك يوم سعيد يا أم عموره على وزن عدوله
:D
مثلا انا عندي اكثر من اسم دلع شو رايك في هي
انا مش شايفة شي غريب في اسمك بالعكس حلو
*_*
احبك في الله
لية بس عديلة حلو وعدولة احلى وبعدين ام عمر مالة كمان مش عاجبك لية يا سكر انا مع الاخ اشرف حلو اسم عالية بيلبقلك
ممكن تخلية اسم الشهرة تبعك
بس شربات والله شربات يا ام عمر
معلش ام عمر ولا يهمك اختك كمان عندا مواقف مع الاسم يللا خلينا في اسماء النت احسن
هه ههههههههههههه
قلتيلي مو ملاقية مدونتي
يعني انت ضايعه و انا بقول وين البنية
طيب ؤاح حط اللينك
متنزرااكي
و جيبي معك الكل خصوصي العزابية
لاني حاططتلك موضوع بيطير العقل
كيف تصطادين عريسا؟؟
هههههه
اللينك
http://mistocoofee.blogspot.com
كنت ع وشك إني أعي عليها هالمعلمة و ع إللي مثلها، المفروض هالأيام ما ظلش مثلها، و يمكن في بعض المدارس انقلبت الأمور.
يعني عشان طفل ما عرف اسمه بياكل قتلة، ظلم شنيع.
في رجال كبير اتعرفت عليه قبل فترة طويلة لما كان عمره في الخمسينات، اسمه لويجي (اسم مشهور في إيطاليا)، بعد فترة اكتشفت إنه الناس بتناديه باسم الدلع "جيجي" و أنا شفتها في الأول مش مناسبة: رجال كبير عريض و أناديه "يا جيجي"، و بعدين اكتشفت إنه هذا هو الاسم إللي بيحب الناس تناديه فيه، فصرت على مضض أحكيله جيجي.
و اكتشفت اكتشاف ثاني إنه معظم الناس في الغرب بيستخدموا أسماء الدلع؛ مثلاً: كريس يعني كريستوفر، مايك يعني مايكل، توني يعني أنتوني، و هكذا (أغرب شي إللي ما اعرفت العلاقة تبعته هو: بوب = روبرت!)، طبعا و اسماء البنات نفس الشي: بام يعني باميلا، ليز يعني إليزابيث و هكذا.
فعادى، المسألة مسألة تعود.
بس أنا ما اعرفت لسه العلاقة بين عديلة و بين إم عمر، غير حرف العين
حاسه انه اسمك حلو ...بس انتِ متعقده عشان القصه اللي صارت في الروضه
بس ع سيرة الاسماء...ح احكيلك هالموقف
في ذات يوم أغبر... كنت في الاحوال المدنيه عم اطلع شهادات ميلاد جداد للاولاد عشان المدارس
اجى واحد بدو يغير اسم بنتو...قالوا له الموظفين :ما بيصير الا بأمر من المحكمه
وبعد جدال مع الموظفين واخذ و رد وتعصيب وصارت بدها تقلب طوشه...سألووه طيب شو اسمها البنت...ونحنا كلنا الواقفين بنتفرج على المناقشات حامية الوطيس متوقعين ان اسم البنت شي قديم أو غريب أو عجيب كتير
"
...طلع اسمها "نانسي" والاخ ضميره بيوجعو لانو سماها تيمناً بالنعنوعه نانسي عجرم...
وبعد ما تديّن الاخ قرر ان اسم نانسي حرام وصار مش عاجبو
عارفه القصه مالهاش علاقه...تذكرتها هلا على سيرة الاسامي
كمان على سيرة الاسامي
اهديك يا عدوله أغنية أسامينا لفيروز
خلص رايحه ...لا تضربي
عدوله او عديله
بيجنن اسمك يا ام عمرو
بس اكيد هاي المعلمه شريره
لازم تعطيلها شعراتها
والمدير المالي حابب يدلعك ليش ازعاتي
ما بهم انحرج وما راح يعيدها
ارق والطف تحيه ام عمر
تقبلي مروري
اكرم
ول عليها من معلمة وليش تتضربك؟
إذا لسه بتعرفي إسمها أو وين بيتهاأو وين بتشتغل روحي استدي منها..
أنا من رأي غيري إسمك كله وشوفيلك إسم جديد :)
lمسكينه عديله وعدوووووووووول يعني ما قو اغلى من هالاسم شويه
يا حرام بتعرفي رح اعملك صينية كعك بعجوه على كيف كيفك
حزنتيني
بس لو تعرفي اسمي
بتدوخي
يلي خليها مع الكعكات بناكل كعك وبنحكي ماشي بس وديلي وين بتداومي بمر عليكي
يا عدووووووووووووووول
خليتيني ادخل عشان اعلق يا معدله انتي
بس صديقيني طافيه من النعس ما رح اسجل خروج الليله
سلام
نمت خخخخخخخخخخخخخخخخ
هيــثم
مـ قلتلكم القظيه شائكه
متزكراها ومتزكره وين ساكنه كمان,, فرصه أروح اخربلها عجال سيارتها
وأترك نوت,, عدوله كانت هنا
مليش من إسمي ولا إشي,, صدقني
إم عمر,, إسمي إم عمر,,
أعليّ صوتي كمان شوي وإلا كيييف ؟
أشرف
حلو إسم عاليه,, برغم إنه إسم عديله كان للتقريب مش إسمي الحقيقي
سميني زي ما بدك,, هوه الحكي عليه جمرك
:)
يسعد اوقاتك يارب
ميـــاسي
تبدلي الأسماء ت نشوف إش ردة فعلك؟؟
نورتي,, صارلك زمان لا حس ولا خبر؟
مجهولـــه
بيضل " نيلة" أحلى من إسم ضفدع أو سايدك البوكيمون
سنحك
لوووووووووووووووووووووووول
نقرووووده
مهمه فكرو وخلاص
كيكي وأشرف صارو مطلعين عليّ أسماءء دلع كمان
لووووووووووووووووووووووووول
قصدك هااااظ
http://vadrouilles.moto.free.fr/smileys/flirtysmile1.gif
:woops:
آه ،،، أمممممممم
سعال بليز
بما إنو أنا الشاطر الوحيد اللي عرف إنو عديلة كان اسم لتوضيح المغزى
بيطلعلي كعك؟
إذا آه
فحصتي بتروح لصالح بليز
لأنو صارلو من القرون الوسطى بيستنى!
Jarat
بينو طابقين
يا حصصصصصصصصصصصصره ع جوز نصره,, مات بعز شبابه
كان الجو كله غريب,, يعني أنا سنه اولى روضه(حلو سنه اولى هاي) ومش عارفه ليش داحشين اخوي معي مع إنه لساته عمره 3 سنوات كنه,, ف دوبني مستوعبه إش يعني درج ولوح ومسطره
اطلعي ع اللوح
لووووووووووووول,, مهو حيطه اللوح,, مش اشي ملزق ع الحيط
شعبطي عاللوح طيب؟؟
اسمها الصنبووووووووووووره
خلصت التخته,, اصرف ع الحكومه أنا وإلا إيييه
انا بينو عندي طواحين العقل كمان
أسعد الله جميع أوقاتك يارب
كوني طيبة
يا بطه,, عدولة مجرد إشي لتقريب الصوره
هاد مو إسمي من مره
ولا بقربله بإي شي كماناه
هلأ عندي الف إسم دلع صار
لووووول
هبووووش
برضو نفس الشي,, مسمينش عدوله,,
لوووووووووووووووووول
حلو,, إتفقتي مع أشرف علي
عاليه إم عمر,,
إسم بطيخه احلى كمان
صبـــح
قولتك,, أسماء النت ألطف من أسماء الهويات المدنيه
لووووول
لك حكتلك متزكراكي,, ومابلش سن الزهايمر معي,, بدك تجننيني إنتي
يوم السبت إزا الله أحيانا بعملك عراضه ف مدونتي
عراضه شاميه ع عرس شعبي كمان
صبرك عليّ بس,,
عمو صال صال صال
الله يارب ينّور عليك
مش المفروض الناس تنادي بعض بالإسم المحبب ع قلب الشخص المندوه عليه؟؟
مش كإنها قاعده من السنه كمان؟؟
ليش العالم بتتكرهب بس تعرف إنه في إسم دلع ل شخص معين,, وبتتطلع ع سنه (عمره) قبل ما تناديه بهاللقب؟؟
أه بعرف دلع بلاد الأجانب,, وكل إسم كنتيه بتجي معاه تلقائياً
مافي علاقه بين إسم عديله وإم عمر,, كان إسم لتقريب المعاناه
منيح ماحكتلكم إسم خديجه,, كان طلعتو عليّ خوخه,,
بكرهكم,, وإنت أول واحد
سنحك
نيســــانــة
إسمي مش شنع,, أنا بس مش متعوده عليه
قلال الناس اللي كانو ينادوني فيه,, وقصه الروضه هيه واحد من الالف القصص المشابهه اللي صارت معي بالزمانات
لووووووووووووووووووووووووووووووووووووووووووووووووووووووووووووووووووووووووووووووول
قال تاب وحب يصلح غلطته
منيح ما كان مسيمها "هيفا" وإلا "ليدي جاجا "
لووووووووووووووووووووول,,
منيش ضارباكي,, المدونه وصاحبتيها ع حسابك يا بطوطه إنتي
أكـــرم
اول حلقه,, هاد كان مثال
لوووول,, عدت هالجمله الفطعشر مره
تاني حلقه إسمي إم عمر,, مش إم عمرو
أمعط شعراتها؟؟ ليش فكرك هلأ وبعمرها رح يكون ضايلللها شعر؟؟؟
والمدير,, يدلع حاله,, ملش عليّ ضربه لازم ت أقبل دلعه
كل تعاملي فيه شخصي,, وما كان لازم اعطى ل حاله هيك حق من مره
تسلم ع التحيه
أهلا وسهلا فيك
كيـــكي
ع أيامي ,,كان الضرب بعده مسموح بالمدارس
مع إنه الروضه " مدرسه خاصه" بس كان بعده مافي قوانين تردع هيك حركات
كيف لو تعرفي مدراس الوكاله كيف كان عقابها,, شو رح بيصير فيكي يا حزينه.؟؟؟؟؟؟
أغيّــر إسمي؟؟
وافع قضيه ع والدي
واصير اعّــلم ف الناس ع الإسم الجديد
والناس تدوّر ع إسم دلع جديد
ومايعجبني إسم الدلع لإنه شنع
ومش لابق ع الإسم الجديد
لا خليني هيك,, مرتااااااااااااااااحه مع هالكم مشكله هدول
خلوووووووود
أه أنا مسكينه وبستاهل صينيه كعك بعجوه
لو بعرف هيك,, كان زمااااااااان حكتلك معاناتي مع هالإسم
استني,, عليّ
بدي أشوفلي كم قصه من هالنوع وأنشرهم,, عبيل ما تحزني عليّ رسمي ,, وتجيبي الكعك ل عندي كمان
شو إسمك طيب
:سمايل شرير:
ع وين اوديلك وين بداوم,,
سمايل طياره
منيش عدووووووووووووووووووووول,, هاد مثللللللللللللللللل
هيــثم 2
لا ,, في كمان نيسان عرفت إنه مثال ونقروده كمان
وهي طلعلي صينيه كعك من الحلوه خلود
بس إحلم
إحلم إنت وعمو صال صال,, مافي كعك
وشحده ع شحده,, بتخرب المعده
حاول مره إوخرى
اوك انا اسف كتير على الأزعاج
وميرسي على ردك السريع
خخخخخخخخخ
عفكرة عادي عادي بتصير باحسن العائلات ...
انا بحب اسمي بس الازمة فيه شو
انو انا بقرط بالراء واسمي متكرر فيه الراء 3 مرات ومرتين منهم ورا بعض(يعني ابوي ماسفني اسفين مرت ماشي يابا ) :D
يعني لازم اعيد للواحد اسمي 18 مرة ليستوعب ومرات بكتبلو اياه اوحراج بعرف .
7ram hada elly nadaky "3dooleh" LOL b7ess fi nas 6orom min hay el na7ieh ino ma bestaw3ebo ino ma bseer 0_O
ismek kteer 7ilo by the way you shouldn't hate it :)
الله يسامحك هلأ بفكرو ان اسمك مش حلو عن جد
لا تصدقوها ...اسمها حلو و اسم الدلع حلو كمان
بس انا معك ان في ناس بياخدو عالوضع مرات...انا بحب اسمي بس اكتر شي بكرهو بس حد يناديني بأسم اللي ما تتسمى هديك :$
وخده بالك حضرتك
بكرههم عطول
أكــرم
أهلا وسهلا فيك
قط البكتيريا
إنت بعدك عايش :mal5oom:
بتحب إسمك ومتغلب فيه,,
منيح ما إسمك ربحي رباح,, كان إنجلطت رسمي لكان
إبن عمي برضو عنده قرطه بالراء وإسمه وإسم أبوه فيهم راء,, وهات عاد فهم العالم إنهم يفهموه وماينحرجو ويحرجوه معاهم
أهلا وسهلا فيك عمو
بقبووووقـــه
مش الناس الطُـرم,, تصرفاتهم اللي طرمه
ما إعترضنا إنه إسمي حلو,, القصه مابعرفه غير بالمعاملات الرسيمه ومش متعوده إنه إلي
بتسلم عليكي معدتك كتير السلام
:sc:
ويسبره
حتى أنت يا بروتس
:sad:
إسمي حلو,, بس مش إلي
مابععععععععععععععععررررررررررررررررررررررررررفففففففففففففففففه
صدقوني أنا,, أنا اللي عايشه ومتعايشه معاه مش ويسبر
حكتيلي اللي ماتتسمى أه
:sofera:
أي انا اللي واخده بالي
مليح ما يحكولك إنك بتشبهيها كمان
لووووووووووووووووووووول
Post a Comment