تشبيه مجازي

كيف ممكن ينوصف شعورك إزا رحت على دكتور السنان وخلعت طاحونتك
بلا بينج( مسكّــن)


لا ,, مش هيك ,, خليني أعيد صيغة السؤال


كيف ممكن ينوصف شعورك لو رحت ع دكتور الأسنان تشتكي من وجع سنانك 
وإكتشفت إنه العِله سببها سن طالع زياده ( زي طاحونه العقل)
سن طلع من فتره,, جديد عليك,,
مكانه غلط بجوز,, 
هيك حظه شو بده يعمل
تغذى منك,, 
و أخد من كِلسك وطاقتك ت قال بس,,
تعبت وإنت بتنضف فيّه,, وبتمسوك فيّه,, وبترعى فيه
وأجــا الوقت اللي نَغص عليك عيشتك وصار يدفــش بالأسنان الثانيه
ولمى رحت ع طبيب الأسنان حكالك: للأسف بما إنه عندك حساسيه من المُسكن ,, 
رح بنخلعلك ياه بدون مسكن؟!؟!؟!

وماإلك حريه الرفض أو الموافقه على هيك عمليه ,, أو ع هيك إجرام

بجي الدكتور وبإيده الكماشه,,
وبيحوّط السن,,
وبيمسكــه منيح,,
وبيخلعه من شروشه

كل هاد وإنت صاحي
حاسس بالوجع كإنه حدن بخلعلك عيونك من مكانها
وعم بتبلع بالدم,, تــ معدتك يقلب لونها أحمر
الشي اللي ممكن يخفف ألمك إنك تصرخ بس,,الصراخ ممنوع لإنه رح بخلي الدم ينزل أسرع للمعده كمان
والدكتور مش راحمك,,
لا,, 
ماسكك كويس
مكربط فيك ,, كربطه
ومش ضايل إلا يكبلك بالكرسي عشان ما تتحرك وتذايقه 
وهوه بحاول يخلصك من ألمك الأساسي,, 
ومتجاهل الألام اللي طلعت خلال هالعمليه هاي!!
.
.


بالزاااابط
هيك الواحد بتعامل مع بعض الناس,, 
بقلبه وبمشاعره وعواطفه
مع الناس اللي إنفرضو عليك,,
وحياتك ماشيه تحت رحمتهم


هالحكي كللللللللللللللللله فضوضه مش أكتر,,
فش عندي نكد ,,
ولا كعك,, 
تشبيه كان في بالي وحبيت أدرجه ف مدونتي عشان ما أنساه ف المستقبل القريب

̿ ̿̿'̿'\̵͇̿̿\з  إمـــوه ل عمر  ε/̵͇̿̿/'̿'̿̿̿ ̿ ̿ ̿