واجب تدويني

العزيزه المدونه هبة فاروق دبستني بواجب وراحت محت اللي هيّه حلته,,
لوووووووووووووول,,
قال الناس طالبوها بمحشي ,,
كيف لو بتعرفي إنه إم عمر عليها ديون متلتله
" كعك عيد"
ومش معطيه عين ل حدن ,, ولا عبرت حدن من الديّانه



السوعال الأول,, هل إنتِ فضولية؟؟؟
الإجابه نعم و لا...

(*_*)

كيف صارت هيك,,
يعني بيعتمد على نوعية الشخص اللي قبالي ومكانته في حياتي

إزا حدن من اللي بهموني,, ف فضوليه لأأأأأأأأأأأأأأأاابعد حد,, وممكن توصل اسئلتي وإستجواباتي ل شو أفطر اول إمبارح,, وشو رح يلبس بعد بكره,, وأي ساعه رح يحضر توم وجيري,, وليش عطس هداك اليوم,, وكم حشرة طلعت في كاسه السنكافيه الصباحيه عنده,, وليش بردش ع الشخص الفلاني,, وليش بحبش الشخص العلاني,, شو صار معك بالدوام,, بالبيت,, بالشارع,, بالنت,, أهل النت,, اهل العماره,, إلخ,, إلخ,, إلخ

بإختصار,,, بكون عبارة عن لززززقه رسمي مع أخذ الإعتبار إنهم معدودين على أصابع أيد وحده,,وأحيانن مابكملوها للإيد
:shy:

إما إزا كان الشخص مابعنيلي شي,,زميل أو زميله,, جار,, حتى أحياناً بعض الأقارب
ف بهمنيش عنهم شي,, ولا بحاول أسألهم أو أتطفل عليهم ,,مابهمني,, غير مرحبا كيف حالك,, مابطلع مني,,
.
.

السوعال التاني,, ما هي الأسئله التي تستفزك؟؟

بتوقع مش نفس السؤال اللي بقهرني او بستفزني,, برضو نفس أول إجابه,, مين اللي سأل
في ناس ف حياتي بطلعلها تسأل شو مابدها ,,وقت مابدها وبدون أي سبب موجهه...

بـــــــس,, في ناس بيعلوووووووووني لمى يسألو :سمايل سنفور غضبان:
خاصه شوفيره التكاسي,, ليش رايحه على هديك المنطقه,, بتدرسي وإلا بتشتغلي.. كم عمر أولادك,,,
وبعض الأحيان في شوفيره بحسسوك إنهم خلص,, صارو من العائله الكريمه وبطلبو جهازك الخلوي لإجراء مكالمه
إنه ,, نععععععععععععععععععم؟!؟؟!؟!؟!
صدقن صارت معي مرتين تلات على ما أذكر

بالزمانات كانت تستفزني أسئله الناس اللي حوليّ :
شو,,, نجحتي بالمدرسه,, كم معدلك,, أخدتي شهادة تفوق كعادتك وإلا كوعتي وجبتي التانيه
خلصتي توجيهي,,
ليش ل هلأ ما خطبتي,, شكله مافي نصيب
خلصتي كليه
ليش ل هلأ ما خطبتي,, شكله مافي نصيب
ليش دخلتي الجامعه,,
ليش ل هلأ ما خطبتي,, شكله مافي نصيب
ليش ما كملتي ع نفس تخصصك
ليش ل هلأ ما خطبتي,, شكله مافي نصيب
ليش إشتغلتي بهاي الشركه وهديك أحسن,, وهدولاك سمعتهم مش كويسه
ليش ل هلأ ما خطبتي,, شكله مافي نصيب
ليش غيرتي شغلك,, شو عملو معك حركه ناقصه
ليش ل هلأ ما خطبتي,, شكله مافي نصيب
خطبتي,, أللللللللللللف مبروك,,هــــــــــــــــــااااااااااه,, متى العرس
ليش لسه خاطبه
إتجوزتي,, يالله منيح اللي خلصتي هالفتره على خير
مش حامل,, ليش,, خير,, حللتي
أأأه صرتي حامل,, بقيامك بالسلامه
متى اخر موعد,, خلفتي,, شو نوع البيبي,, جهزتي,, في اي مستشفى,,
ولدتي؟!.!
مبروك
متى ناويه تخلفي مره تانيه؟؟!؟؟؟؟


هلأ بطل يفرق معي أسئلتهم,, مع إنه بعدها مستمره,, زي كم صار راتبك,, متى رح بتشتري سياره,, رح تعمري وتبني كمان مره وإلا كيييف..


أجينا للمهم,,
لازمن أدبس 3 من المدونين ( ويسبر نزلي إيديك,, فش إلك هالمره)
.

أول ورطه بتكون من نصيب بقبوووووقـــه
تاني ورطه من نصيب الصبيه الجديده عندي صبح
وأخر أهممم ورطه,, ويسبر هانوم الوسابره ( سمايل بدون ضرب إبليززززز)

أكيد اللي إخترتهم رح بيورطو ناس تانين,,,وإلي حابب يشاركنا ,, يحكيلنا شو أجوبته أهلاً وسهلأً

بس مافي كعك ( سامع عمو صال صال) ودمتم

نقطـــة .