لمى بجي حدن وبضحك عليك وبحكيلك :-
" المسامح كريم"
" معلش سامحه،، الله بحب السماح"
ومن هالحكي هاد إتزكر إمنييييييييييييييييح إنه ربنا بحب المؤمن القوي مش المؤمن الضعيف،، اللي بتساهل بحقه وبضيعه وبنساه بحجه " الكرم والأخلاق"
ولمى بدك إتسامح خلي ف بالك هالأكم من شغله:-
لمى بلشت القصه وإنغلط فيك إنه الشخص اللي غلط فيك مكنش قاصد،، وإنت بزات نفسك إتأكدت من هالحكي،مش إيكون قاصد يجرحك ويسملك بدنك وبالأأأأأأأأأأأأخر يجي يستسمحك وتحكيله " إذهبوا فأنتم الطلقاء"؟؟؟؟!!؟؟
وبعدين متكونش هاي المره رقمها خمسه وسته،، وع نفس الرتم والموال،، ونفس الغلط،، ومن نفس النوعيه،، ويحكولك " المسامح كريم"
وكمان،، مش حدن معرفتك فيه بسيطه ومعندكش فكره عن خلفيت " معزتك وغلاتك " ف قلبه ،، ويغلط فيك من الباب للطاقه،،
مش قليل إنت،، منتاش بسه أو قطه بالشارع بتنشاط وبتندعس وبس تصح صح بتجر إجريها وبتروح تحوص حولين اللي دعس عليها عشان تاكل من اللي بزتلها إياه من فضلات أكله؟؟إنتَ بني أدم الله أكرمك وأعزك ,،خليك متل ما ربنا بحبك
مش هيك الدين بيطلب منا،، مش بهيك إسلوب
اوكي متفهمه نقطة إنك تكون منيح وتعطي صوره وإنطباع جيد عن تعامل الشريعه والإسلام مع الإساءه
بس كل هالحكي ما بمنعني إني أطالب بحقي
وإني ما أرضى أتنازل عنه
وإني أتمسك فيه لأخر نـَــفس مكتوبلي
وإني ما أنطق كلمه " خلص انا سامحتك"
مشاعري وأنا ومحاسيسي و الوقت اللي قضيته بالتفكير بهيك وضع وهيك مشكله والوقت اللي ضاع وكان ممكن أستغله بشي مفيد عشان دمي محروق من القصه
هالحكي كله.. مش كبسه زر تـَ تمحي كل اللي صار بإرداتي
لاء مش هيك
مابدي أعمل شي أنا مش مقتنعه فيه
وأنا مش مقتنعه ف مبداء " سامح عشان ربنا"
انا " عشان ربنا " بعمل كلللللللللللللللللللللللل شي بيرضيه بدون ما حدن يطلب مني
أو حتى يتفضل عليّ،، ويحاول يقنعني إنه هال " مسامحه" هيّــه جزء من رضا ربنا
مش الناس اللي بتحكم عليّ إزا ربنا رح يحبني من تصرفاتي ومن الشي اللي همه مقتنعين إنه الصح أو لاء
متى رح يستوعبو العالم.. " المؤمن القوي خيرٌ من المؤمن الضعيف"
سامحو لمى اللي غلط فيكم يحس ع دمه ويعتذر بطريقه تقنعكم إنه كان غلطان
او حتى ندمان ع اللي عمله
وفعل " السماح " بحد ذاته بيجي من موقف إنك إنت تكون في مركز القوه،، مش مضغوط عليك ومدعوس عليك،، ومن تحت إجريه للي مإذيك تحكيله،، روح سامحتك،، ليييييييييييييششششششششششششش تسامحه،،؟؟
أفكاري مخربشه،، هاد معظم اللي داير براسي
و أااااااااااااه،، انا معصبنه ومنيش شايفه الفضى
وبس أعصب،، بعصب
17 comments:
ما معي
معمول و لا إشي و خايف تعصبي أكثر فا حا أهرب بسرعة
و كل هظاكا و إنت هظاك و ينعاد عليكو بالخير :)
حكمي عقلك وخدي قرار بحسب ما بتشوفيه مناسب
صار وقت إنتي تبني أساسات وتحكي شو المناسب ما تستنى حد يحكيلك شو تعملي
إنتي مؤمنه وبالغة عاقلة ومتعلمة ومش محتاجة حد يحكيلك شو تعملي
شو هالقرف
اذا انتي قرفانة لا تقريفيتا
يلا بلا نكد
إم عمر!
لمين بتهوي قاعده؟
ام عمر كيفك
كل عام وانتش بخير
المسامحة جزء من دينا لا يمكن انكاره
ولكن المسامحة تختلف كثيرا عن التنازل والخنوع
"العفو والمسامحة لاتكون عن ضعف ولكن عند المقدرة"
تحيتي لفكرك المنيح
بما اني شريرة بحكيلك لا تسامحي بما انه قلبك مش صفيان ! بس شكلك قلبك طيب يعني مع الوقت بتنسي وبتسامحي وهدا مصدر قوة بكون من ناحيتك !
طيب ماشي بفكر و برجعلك؟؟
لاول مره بقرأ بوست و بعيده عشرين مره
اعجبني البوست لدرجه اني تصفحت شوي و حبيت اقرأ اكتر و بهرت انه قرأت ايه بعد اعوذ بالله من الشيطان الرجيم :
(وَيَسْأَلُونَكَ مَاذَا يُنْفِقُونَ قُلِ الْعَفْوَ كَذَلِكَ يُبَيِّنُ اللَّهُ لَكُمُ الْآَيَاتِ لَعَلَّكُمْ تَتَفَكَّرُونَ) [البقرة: 219].
ختمت الآية بقوله: (لَعَلَّكُمْ تَتَفَكَّرُونَ)
ازيدك احترام علىالربط اللي رابطاه بكلمه فكر منيح
سبحان الله بحكمته انو جعل العفو عند المقدرة لانه فعلا في اسا ما بينتسا و في ناس ما بتقدر تسامح بسهوله و مشان هيك العفو و التسامح اجرها كبير ومضاعف عند رب العالمين و حطه بمنزله الصدقه في قوله الكريم :(وَيَسْأَلُونَكَ مَاذَا يُنْفِقُونَ قُلِ الْعَفْوَ )
و في اسم من اسماء الله الحسنى العفو ..
لكن انا معك بمدأ انو الل اذاني اذاء متكرر مستمر قابل للتجدد و التكاثر هاد حسبي الله فيه و نعم الوكيل و معك باني :-
- اسامح لما يعتذر اللي غلط بحقي و يحسسني انو عارف غلطه و معترف فيه و يطالبني السماح
- اسامح لما اكون بمصدر قوة و لما احس اللي قدامي فعلا متأسف مش جاياني جاهه الكل بيحكي سامحي و هو ساكت و جواته بحكي هاي هبله حتسامح عطول
- أسامح لما احس اللي قدامي رح يعمل نقله نوعيه بعد السماح
بس من باب قوله تعالى
(وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ)
صدق الله العظيم
عسى ربنا يغفرلنا و يرحمنا و يعفو عنا
Big LIke Such a post :)))))))))
زي ما كنتي تحكي
بتفرج , ما بتظل هيك , الله يكون بعونك
التسامح ده نعمه من ربنا علينا ,, مش كل حد بيقدر يسامح
مدونة مميزة
مسيو هيشـم
هاد اللي طلع معك؟؟
وإنت بخير وصحه وسلامه يارب
نور خانوم
كلمتك أجت ع الوجع
و فـ مكانها بالزبط
بكفينا ناخد قرارات من الناس التانيه الي أصلاتن منهاش عايش معنا او ف متل حالتنا
تسلمي ع الدعم
مجهــ1ــول
لا يا شيخ؟؟
مش عاجبك,, ترجعش هون
وهلاعمي وميت ويلكم كماناه
أبو ليلى
بهوي لإم عمر بالأكتر
:)
زينه الحلوه زينه
وإنتي بخير وصحه وسلامه يختشي
الحمدلله,, أنا من الله بخير
حلوه فكرتك,, كانت رايحه عن بالي بصراحه
ملش دخل المسامحه بالتنازل
الحق غير عن ضياعه وأكله
وتحياتي إلك و لمرورك يا حلوه
سمسمــــه
مارح أسامحك,, مش ناقصها تهوايه
لووووول
وصدقيني في أشياء كتير بتخليكي مش بس ما تصفي قلبك,, كمان ما تقدري تتطلعي بوجهه هاد الشخص حتى لو كان " لا سمح الله" حدن من أهلك
أهلين فيكي عسوله
فرتوشه ئلبي( يابي الكزب)إم جادوه
فكرتي يختي؟؟
هلأ بجوز اللي قرأتيه مش كله أنا مريت فيه,, وبجوز كله مريت فيه ما بعرف
بس اللي بعرفه إني كل ما " حتى أنا" اقرأئه بحس بغصه كبيره بنص حلقي
كتير في ناسات حوليّ حكتلهم هالكلمه
لمى الوحده " كإبسط مثال" جوزها إيشل بختها ويضربها ويشرشحها لخمس مرات,, وكل مره ترجع تسامحه زي الهبله
وأجي احكيلها هالبوست ,, بزياده كم كلمه
بنفدو فيه,, إنه أنا بطلع شريره ويهوديه ومليش دخل بالدين
وهالحكي اللي بحكيه بيخرب بيوت عمرانه " إسم الله" وع دوري أنا صرت اللي بكسر عمدان هالمعابد العتيده
مشان هيك,, إنتي صدقتي كلامي,, من كتر ما شفتي من اللي حوليكي
شكرن ع الأيات
بس المسامحه مش بس صدقه
هيه أقرب للجهاد صدقيني
:)
اذا ما كنتي حابة تسامحي لا تسامحي لأنه الشي لازم يكون نابع من جوا مش تخجيل, بس لازم الواحد يسعى انه يكون افضل و اخلاقه سامية و طبعا هادا مش اشي سهل, معناه انه لازم نترفع عن الاخطاء بس ابدا مش عدم المسامحة ما بتعني انه احنا سيئين
بلبقلكش صفة الــ مجهول
كل البوست كوم,, والكومنتات كوم
وكلماتك " مع إنهن قليلات " كووووووم تااااااني خاااااااااااالص
:)
منيح اللي حدن زكرني فيها هاي" إلا ما تفرج" لووول
تسلم عالدعوه,, نردلك ياها بالأفراح وما تشوف شر لا بحياتك ولا بعمرك يارب
زي ما تيجي
يا أهلا بحلوات مصر
شكله إنحرمت من هالنعمه أنا
أهلا فيكي,, نورتي
نوور
اللي حكيته صح الصح,, بس هاد في العالم المثالي مش بعالمنا
لإنه كلنا أخطاء,, وفي ناس كتير عم بخطئو فينا,, ومفروض فينا نتعايش معاهم عشان عاداتنا وتقاليدنا,, وفوق كل هاد,, يا نسامحهم يا إنمثل إنه إحنا سامحناهم
الله يكون ف العون,, أهلن فيكي يا عسل
Post a Comment