صباح الخير،،
للي إمتابع السلسله الشهيره من حلقاتي( مين داعي عليّ)
و للناس اللي بتكرهني
جايبالكم اليوم ,, خبر رح يفرحكم,, و إيطير ضبنات عقلكم
وخصوصي الناس اللي بتكرهني وبتحبليش الخير من مره
ع كلن,, كتير أنا إعتزلت النت لأسباب فنيه
او لضغط الشغل
او لضغوطات نفسيه
أو حتى عشان أبعد من وجهه ناس معينه
بس كنت أرجع,, لزوال السبب ,, أو إني أشتاق لطوشكم وجوكم الأسري اللي إحنا متعايشين فيه،، أو حتى عشان أغير نفسيتي ف بعض الأحيانات
هالمره،،
بعلن إعتزالي لإسباب مرضيّـــه
مش طلع عندي إنزياح بفقرات العمود الفقري عند منطقة الرقبة ،،
وطلعو غضاريفي كتير تعبانه وعضلات رقبتي متراخيه
وعشان هيك بتضل إيدي تتشنج ويصيبني صداع؟؟
ودكتور الأعصاب حكالي إياها بالكلمه وشدد عليها
إصبري ع حالك وخليكي هيك شهرين زمان مش أكتر،، ومارح تحسي حالك إلا ومعك شلل رباعي الأطراف
حلو صح؟؟؟
ليسّ،، فـ أنا مضطره أبعد
وعشان أقدر أبعد
مفروض أسكر كل شي إلكترونك عشان أجبر حالي أبعد عن جهاز الكمبيوتر
بتصور في ناس إنبسطت كتير،،وعم بتنط من الفرحه
نيالكم والله،، رح ترتاحو مني ،، الله أعلم ل إيمتى
كل شي ببين معي بس أخلص جلسات العلاج الفيزيائي العشره
لووووووول،، صرت أكره رقم عشره
اللي إمريحني إشويتين إنه معرفة إش هوه المرض،، كانت نص الطريق
هلأ ضل العلاج،، ومافي شي بتبلبع إلا مرخيات العضلات ورح أصير أتعاطى مورفين شكلي لوووول
ع كلن،، تضلو بخير،، ومنشوفكم ع خير إزا الله راد،، وإنكتبلي أقدر أرجع
الإغلاق رح يكون يوم الأربعاء،، لكل شي إلكترونك
إدعولي،،
في أمان الله :give:
14 comments:
سلامتو ام عمر عدوينك ولا انتي ...
الف سلامة وتفاقيد ربك رحمة باذن الله ..
يلا كل الي بيشتغلوا على المكاتب هيك مصيرهم ...
والله يكون بعونك ...
الف سلامة ولابأس عليكي ام عمر اخريتها بتهون وان شاء الله شغلتك مش صعبة ..
salamtik ...
ya3ni itha jaet il shayateen ... :)
bas fi ikhtera3 ismo net 3la el telephone .. ana jdeed jarabtoh w momtaz laheek 7alat..
Salamat wallah ..
Best,
Salam, Ba3bash .. known as um-mohammed
بإذن الله البارت الاخير
و اللي بدعي عليكي دعوة تئشه :سمايل كلام ختايري:
Salamtek Alf salameh ras malha 6get ragabeh w b6ebi el dacatrah ella ma ehawlo elmodo3 rakzi 3al Physical treatment w 5affi mn el electronic Activities ella messenger w el FB :sc:
اول شي سلامات ...الف سلامه عليكِ وربنا يكتبلك الشفاء التام ان شاء الله.
تاني شي: مسكين هالنت...يعني هوه السبب؟!!! طيب سواقة السياره وشغل المكتب و حمل الاولاد عالدرج طالع نازل هم وشنتاتهم واغراضهم ونقل اكياس الخضره وفرك السجاد ولف الدوالي وعمل الكعك....هاد كله ما بيكسر الرقبه وبيلعن اساس الغضاريف؟؟؟
ارتاحي وتابعي علاجاتك وجلساتك وان شاء الله بترجعي لنا بكامل نشاطك وروحك الحلوه وخفة دمك...وتلطيشاتك :) اللي ما لنا غنى عنها ولا يحلو النت الا بها ....وحياااااتك
ألف سلامة عليكي، الله يشفيكي.
مافي شماتة في المرض يا ام عمر،
ان شاء الله بترجعي وانتي باتم الصحة والعافية
حنين
Salamet 2albek ya battah. deri balek 3ala 7alek o nchallah bterja3i b 1000 5air. Allah y7maki o y5aleeki la 3ayltek.
Allah ykoon ma3ek o yoktoblek elshefa nchallah.
Take care 7abibti
um omar alf salame 3alike.. ma 3ala 2albek sharr 3azizti :(
ra7 nshta2lek w la mwade3ek el lazeze..
كنت بدي أنط من الفرحة بس خفت أسبقك ع العلاج الطبيعي و غير الطبيعي، فخليها بدون نط.
خيتي إم عمر هانم، هاي مش خبرية، الله يشفيكي و يرجع لك الفقرات مكانهم، و ترجعي تكملي حلقات هالمسلسل و لو إنه قالب ع رعب هاليومين، و الحمد لله إنه انعرفت المشكلة مبكراً.
ديري بالك ع حالك، و ابقى طمنينا عنك
ماعرفتك من زمان.. للاسف
بس عن جد راح افتقدك
الله يشفيك يارب و يكون العلاج خفيف و لطيف
و اجر و عافية ان شاءالله حبيبتي
:)
ام عمر
اكيد
مية بالمية
انا مش من الناس المبسوطين
وحتى مش مصدقة انو في حد رح
يفرح بهيك خبر
بعرف عم تدللي علينا
اتدللي ولا يهمك بيطلعلك
بس انا والله ازعلت لما قرات الي كاتباه
الف لا بأس عليك
دير بالك وان شاء الله بتمر على
خير يا رب
رح اشتاق لتعليقاتك المختصرة جداااااااا
ربي يبعد عنك كل شر
كوني بخير دوما يا غاليتي
سلامة قلبك إم عمر
والله مو خبرية
صالح بده ينط من الفرحة
ولسا شماتة الشيشاني يا ويلللللي
ألف سلامه إليك وللرقبة وللفقرات وباقي القطع... هاي دعوة صعبة والله بس خبريني مين هادي يالي نازل دعاوي ليكون حد ناوي يصفينا من قعدة النت وبدا فيكِ انتِ ومن بعدك يا عالم مين..
ادا عندك معلومات عنه خبرينا لناخد الاجراءات اللازمة
... عم ننتظر رجعتك
انا من يالي بيحبوكِ كتيررررررر
اول شي سلامتك وان شاء الله بتطيبي
بس اكتر شي قاهرني منك انك قادره تبعدي وناويه ومش مبين عليكي انك متضايقه شي بيغيظ والله
انو قديش حاولت ابعد واروح ما بقدر كل مالني بدمن اكتير
هاد الي قاهرني بس ان شاء الله اشوف رقعة وجهك هون والا هناك بعملك عرس مطنن روحي واتعالجي وربنا يشافيكي وترجعي لنا بالسلامه ونيجي ناكل كنافه عندك بالداااااااااااااااااااااااااااااار
ألف سلامة عليك و الله يا إم عمر و ما تشوفي شر يارب .. الله يرزق صحة ما بعدها مرض يارب عزيزتي .. و سيبك من الكمبيوتر و اهله رح تروحي و تطيبي و ترجعي و تلاقي كل شي متل ما هو .. عنجد ألف سلامة عليك :)
و الله مو خبرية!
سلامات سلاماااااااااااااات و الله
ديري بالك ع\حالك و هيك شايفة قديش اللي بيكرهوكي انبسطوا ...
:)
*** يا جماعة البلوغر... بدنا حملة لنلم لمة لإم عمر مشان نجيبلها آي باد 6 ,, اللي بيحول الأفكار لكلمات مشان ما ننقطع منها و من شغبها الإلكتروني
:)
كوني بخير يا أم عمر
---
اللهم اشفها و كل من يقرأ و كل من يدعو لها بظهر الغيب شفاء لا يغادر سقما ً ، آمين
Post a Comment