السفاره والسفير,, رأي شخصي

صباح الخير

بعرف انه اللي رح بحكيه ما رح يعجب معظمكم

الله محيهم شباب مصر إنه قدرو يهججو السفير,, انا حبيت هالحكي

بس لمى نيجي إحنا ك شعب الأردن إنطالب بإغلاق السفاره إلي عنّــا

خلينا إنفكر ف شعب فلسطين,،،،،  إللي الأردن هيه المعبر الوحيد والمتنفس الوحيد إلهم

يعني ,, أي شب من فلسطين بده إيسافر لازمن يدخل عن طريق الأردن عشان إيكمل طريقه

هلأ إزا بتتسكر السفاره معناته ,, 

رح بتم إغلاق المعابر بينا وبين فلسطين

لإنه أكييييييييييييد مارح يخلوها مفتوحه ل سواد عيون شباب فلسطين

صح؟؟

إلي ما بحكي صح,,

وبناااااااااااااادي إنه لا أطردو السفير

ملوش لازمه

أصلاتن لو ما يسافرو أحسن

يحسب حاله معوش جواز اردني,, ويجرب يعيش بجبلبابهم شويتين صغار

أي إحنا,, وإحنا هيك  وعلاقاتنا متوتره

وفي تشديد ع دخول وخروج الشباب من وإلى الاردن

حتى لو كانت الاردن هيه منصه و مطار للسفر مش مكان للجوء

بعرف ناس عانو وبعانو بس لمجرد إنهم ناوين إيسافرو برات فلسطين للشغل 

وبدهم الفطعشر معامله وإستثناء وقصص طرمه عبيل ما ينسمحلهم إيمرو عن الجسر

رجاءً إتزكرو إنه السفر مش بس للشغل

في سفر للعلاج

وفي سفر للتعزايه

وفي سفر للدراسه

وفي سفر للهرب من الملاحقات والإستهدافات 

وفي سفر لتغير الجو

،، وفي،، وفي،،،

هاد رأيي،، 

مليش أنا ع القضايا السياسيه ومبعرفش فيها كتير

بـــــــــــــــس

أنا مقتنعه فيه،، وإلي ضده،، هوه حر وبإمكانه يعترض

أهلاً وسهلاً