بر الوالدين,, إلى متى؟!؟

يااااااااارب
تلعن كل ساقــط,, وكل تافه وحقير
وكل حدن بقبل لأهله الذل ومطأطات الراس
وكل حدن, بتعمد يجرح أبــوه أو إمه
وكل حدن بس يشوف أبوه ,, بلف وجهه وبتسحب زي النسوان من بين الرجال
أو أسفه,, برجع لقواعده سالماً
مبروك,,
لقي حاله وشخصيته أحســـن بين معشر النساوين
بس على الله يستقبلنه كويّــس,,
وما يحكوله روح من هون يا إمعه


وكمان دعوه,,من كل قلبي
يااااااااااااااااااااااربي,,
إنك تخلي حدن من أولاده يعمل بحث على النت,
ويكون موضوعه ( بر الوالدين)
ويجي ع مدونتي,, ويلاقيني لاعنه افطاسه ع ساعه هالمسا
و متمنيه الدنيا تجمعني فيه تحت سقف واحد
ت احكيله,, ربنا مابرمي بحجار,
,وإلا ما أشوف إنتقامه منك بعيوني
او أسمع عنه عاجلاً أم أجلاً
والحلو,, يتملكه الفضول ( لهاد الولد)
ويبعبش بمدونتي,, ويعرف مين انا
ويزعل على ابوه
ويجي يطاوشني,,
عشان عن جد ساعتها احكيله,,
تعا شوف ابوك شو عمل في ابوي قدام الله وعبيده
على يومين,, وبموقفين بهزو جبال
وإلا أبوك رجااااال,, وأبوي كوخه ومابعبي العين,,؟؟

حسبي الله ونعم الوكيل,, ع الرجال اللي من هالنوعيه هاي
إلي صارت "رجال" بخانة الجنس بهويه الأحوال المدنيه
وع دينهم,, إلي برضه ع الهويه,, إسلام,,و ع الواقع,, بح,, بح
مهمه تربو ع قاعده,,إمك,, ثم عمك,, ثم مرتك
وأبوك,, كبه و إخزيــــه بين العالم

فقدت رسمي,, انا
,,وبتخيل الحقد اللي ف قلبي خلاني ما أقدر احكي
" أمين"
لمى والدي ( الله يخليلي إياه)
هـّداني وحكالي,, الله يهديهم,, ويصلح بالهم,, ويختارلهم الأفضل
مع إنه الكلمه مكونه من أربع حروف وأنا بعرف أرص مجلدات " حكي فاضي ومليان" بثواني
حسيتها صعبه,, ومش بمكانها
وخفت إنه هديايتهم تكون من وراها,, ف ماقدرت انطقها

الله يكون في عونك يا والدي ع هيك تَخلفه,, ويكون بعونا إلي ضايلين حواليك
ت نقدر إنسيك هيك مواقف من عالم ما بتعرف الله ولا بتخافه

عارفه في ناس منكم,, رح بتزعل,,وبتحيكلي مش هيك إنتي الثانيه
بس بتمنى من الله مايحطكم بهيك موقف,, عشان مش حلوه هالنار من مره
:(